6. Dementia a gofal sy'n ystyriol o drawma

Gall dementia a gofal dementia weithiau sbarduno ymatebion i drawma i bethau sy'n ymddangos yn gyffredin.

Mewn sgyrsiau cynnar 'o'r hyn sy'n bwysig', mae'n bwysig eich bod chi'n archwilio profiadau bywyd y person gydag empathi a dealltwriaeth.

Mae hyn yn rhoi cyd-destun gwerthfawr i chi ar gyfer ymatebion y person a allai ymddangos yn ddiweddarach. Mae'n rhoi cyfle i chi gael gofal dementia sy'n ystyriol o drawma hefyd, gan wneud yn siŵr bod gofal yn dosturiol ac wedi'i deilwra i anghenion y person.

Gall aelodau o'r teulu roi mewnwelediadau gwerthfawr i brofiadau blaenorol ac anghenion cyfredol y person. Gallan nhw eich helpu i ddeall yn well beth sy'n bwysig i'r person.

Mae'n hanfodol osgoi aildrawmateiddio'r person. Gadewch i'r person arwain y sgwrs a gwnewch nodyn o unrhyw sbardunau neu brofiadau yn y gorffennol a allai effeithio arno.

Fel hyn, gallwch chi wneud yn siŵr bod y gofal y mae'n ei gael yn sensitif ac yn parchu ei hanes.