Cofrestru os cymhwysoch chi’r tu allan i’r Deyrnas Unedig

Os ydych chi erioed wedi cofrestru gyda:

• Social Work England
• Scottish Social Services Council
• Northern Ireland Social Care Council

rhaid i chi e-bostio cymwysteraurhyngwladol@gofalcymdeithasol.cymru cyn i chi wneud cais er mwyn rhoi gwybod eich bod am wneud cais gyda ni.

Ni fydd angen asesu eich cymhwyster yr eildro.

Rhaid bod gennych:

• y dystysgrif ar gyfer eich cymhwyster gwaith cymdeithasol yn barod
• tystiolaeth o 130 diwrnod o leiaf o ymarfer gwaith cymdeithasol wedi’i oruchwylio a’i asesu neu brofiad gwaith cymdeithasol ôl-gymhwyso.

Byddwn yn gwirio bod eich cymhwyster a’ch profiad gwaith cymdeithasol yn cyd-fynd â fframwaith gradd Cymru a meincnodau pwnc cytunedig y DU ar gyfer gwaith cymdeithasol.

Nid oes angen tystiolaeth arnom o’ch hyfedredd mewn Saesneg i gofrestru. Ond mae’n bosibl y bydd gan gyflogwyr eu gofynion eu hunain, felly trafodwch hyn gyda nhw’n uniongyrchol.

Os ydych chi’n dychwelyd i ymarfer gwaith cymdeithasol ar ôl tair blynedd neu fwy, bydd angen i chi:

• ddangos eich gwybodaeth a’ch dealltwriaeth o ymarfer gwaith cymdeithasol cyfoes
• bodloni gofynion dychwelyd i ymarfer.

Os penderfynwch chi weithio’r tu allan i Gymru, bydd angen i chi gysylltu â’r corff rheoleiddio ar gyfer y wlad honno.

Yn y DU, y rhain yw:

• Social Work England
• Northern Ireland Social Care Council (NISCC)
• Scottish Social Services Council (SSSC).

Os dyma’r tro cyntaf i chi gofrestru yn y DU, bydd angen i chi lenwi ffurflen cywerthedd cymhwyster.

Gwnewch yn siŵr eich bod yn darparu manylion llawn eich:

• lleoliadau ymarfer wedi’u goruchwylio a’u hasesu
• cyflogaeth gwaith cymdeithasol ôl-gymhwyso.Dylai’r wybodaeth gynnwys manylion cyswllt ar gyfer y gweithiwr cymdeithasol goruchwylio ac asesu o’ch lleoliadau. Neu, gallai fod yn gyswllt o’r brifysgol y cymhwysoch ohoni.
  

Llenwi'r caiss cofrestru

Bydd angen i chi greu cyfrif ar ein gwefan GCCarlein er mwyn llenwi'r cais cofrestru.

Dogfennau

Bydd angen i chi:

• gael copïau wedi’u llofnodi a’u dyddio gan unigolyn cydnabyddedig sydd wedi gweld y fersiynau gwreiddiol
• darparu cadarnhad eich bod yn bwriadu ymarfer yng Nghymru
• os yw’n bosibl, darparu tystiolaeth o’ch gwiriad cofnodion troseddol diweddaraf
• talu’r ffi, sef £350.

Rhaid i chi lanlwytho neu e-bostio copïau o’r canlynol i’ch cyfrif GCCarlein:

• dogfennau adnabod wedi’u gwirio
• tystysgrif cymhwyster wedi’i gwirio
• trawsgrifiad y cwrs wedi’i wirio
• tystiolaeth ategol wedi’i gwirio
• ffurflen asesu cywerthedd cymhwyster (os na wnaed hynny eisoes).

Gwnewch yn siŵr eich bod yn darllen ein canllawiau cymeradwyo.

Os ydych chi eisoes yn gweithio yng Nghymru mae’r cais ar-lein yn gofyn i chi ddewis y sawl a fydd yn gwirio’ch dogfennau adnabod a chymeradwyo’ch cais. Bydd yn dod o restr o unigolion cymeradwy.

Os nad ydych chi eisoes yn gweithio yng Nghymru bydd angen i chi lenwi manylion eich cymeradwywr eich hunan. Bydd angen i chi argraffu’r ffurflen gais a mynd â hi i’ch cymeradwywr ei gwirio, ei llofnodi a’i dyddio. Yna, sganiwch a lanlwytho’r fersiwn hon wedi’i llofnodi i’ch cyfrif GCCarlein.

Bydd angen i chi dalu ffi pan fyddwch yn gwneud cais i gofrestru. Dysgwch ragor ar ein tudalen ffioedd.

Ers 1 Hydref 2022, rydyn ni wedi:

• derbyn 413 cais gan bobl a gymhwysodd y tu allan i’r DU
• cofrestru 191 person sydd wedi cymhwyso y tu allan i’r DU. Nodwch y gallai’r pobl hyn fod wedi gwneud cais cyn 1 Hydref 2022.

Mae 331 person a gymhwysodd y tu allan i’r DU ar y Gofrestr.

Os oes gennych gwestiwn, e-bostiwch: cymwysteraurhyngwladol@gofalcymdeithasol.cymru.