Sut gallwn ni eich cefnogi chi

Mae’n rhaid i’r rhan fwyaf o weithwyr gofal cymdeithasol yng Nghymru gofrestru gyda ni oherwydd ei fod yn ofyniad cyfreithiol.

Mae rheoleiddio’n amddiffyn y cyhoedd, gan ei fod yn gwneud yn siŵr mai dim ond pobl gymwys a chymwysedig sy’n gallu darparu gofal a chymorth mewn rolau lle mae angen cofrestru.

Mae bod ar y Gofrestr yn golygu eich bod chi’n rhan o weithlu proffesiynol a gallwch chi ddangos bod gennych chi’r sgiliau a’r wybodaeth i ddarparu gofal a chymorth da i bobl Cymru.

Mae gennym ni lawer o wybodaeth ac adnoddau i gefnogi pobl sy’n gweithio ym maes gofal cymdeithasol yng Nghymru.

• Gallwch chi reoli eich cofrestriad trwy GCCarlein.
• Mae adnoddau i’ch tywys chi trwy’r broses gofrestru.
• Mae’r ddogfen ‘hanfodion cofrestru’ yn cynnwys gwybodaeth am sut i gynnal eich cofrestriad.
• Gallwch chi ddod o hyd i amrywiaeth o adnoddau am ddeddfwriaeth gofal cymdeithasol Cymru mewn un lle.

• Mae’r cod ymarfer proffesiynol a’r canllawiau ymarfer yn amlinellu’r safonau mae’n rhaid i weithwyr gofal proffesiynol ddilyn yn eu gwaith.
• Gwybodaeth i’ch helpu chi i gynllunio eich Datblygiad proffesiynol parhaus (DPP).
• Canllawiau i weithwyr ar gwblhau Fframwaith Sefydlu Cymru gyfan a chymwysterau eraill.
• Adnoddau i’ch helpu chi i ddefnyddio Cymraeg yn y gwaith, gan gynnwys cyrsiau Cymraeg Camau, sydd am ddim i weithwyr gofal cymdeithasol.
• Amrywiaeth o fodiwlau dysgu ar-lein.

• Adnoddau am bynciau fel dementia, blynyddoedd cynnar a gofal plant, arweinyddiaeth, deilliannau personol a diogelu.
• Cyfleoedd i fynd i ddigwyddiadau, hyfforddiant a chynadleddau.
• Porth swyddi gyda swyddi gwag cyfredol fel rhan o ymgyrch Gofalwn Cymru.
• Gwybodaeth am ymchwil, data ac arloesedd o fewn gofal cymdeithasol.

• • Gallwch lawrlwytho’r cerdyn gweithiwr gofal ar GCCarlein. Mae’r cerdyn yn cydnabod pobl sy’n gweithio yn y sector ac yn eu galluogi i fanteisio ar fuddion amrywiol.
  • Mae ein tudalennau llesiant yn cynnwys llawer o wybodaeth i’ch cynorthwyo â’ch llesiant corfforol, meddyliol ac ariannol. Hefyd, mae gwybodaeth am linell gymorth o’r enw Canopi.

• Dweud eich dweud trwy gymryd rhan mewn ymgynghoriadau, arolygon a digwyddiadau.

• Dod yn llysgennad ar gyfer gofal cymdeithasol trwy gynllun Llysgenhadon Gofalwn.