Gwybodaeth am pwy sydd angen cael eu cais wedi'i gymeradwyo a sut i fynd ati i wneud hynny.
Pan fyddwch chi’n gwneud cais i gofrestru neu adnewyddu eich cofrestriad fel gweithiwr gofal cymdeithasol, rydyn ni angen gwybod bod y wybodaeth rydych chi wedi’i rhoi i ni yn gywir a’ch bod yn addas i gofrestru gyda ni.
Mae cael cymeradwyad yn dangos i ni nad oes unrhyw broblemau gyda’ch cymeriad, eich cymhwysedd na’ch addasrwydd i ymarfer.
Pwy sydd angen cymeradwyaeth
Mae'r gweithwyr canlynol angen cymeradwyaeth:
- gweithiwyr cymdeithasol (gan gynnwys os ydych chi newydd gymhwyso neu’n byw y tu allan i’r DU)
- rheolwyr gwasanaeth mabwysiadu
- rheolwyr cartref gofal i oedolion
- gweithiwyr cartref gofal i oedolion
- rheolwyr lleoliad i oedolion
- rheolwyr adfocatiaeth plant a phobl ifanc
- rheolwyr gofal cartref
- gweithiwyr gofal cartref
- rheolwyr gwasanaeth maethu
- rheolwyr gofal preswyl i blant
- gweithiwyr gofal preswyl i blant
- rheolwyr canolfan breswyl i deuluoedd
- gweithiwyr canolfan breswyl i deuluoedd
- gweithiwyr ysgol preswyl arbennig.
Os ydych chi’n gwneud cais i gofrestru fel myfyriwr gwaith cymdeithasol, bydd eich prifysgol yn cadarnhau manylion eich cais yn awtomatig.
Sut mae cymeradwyaeth yn gweithio
Pan fyddwch chi’n gwneud cais i gofrestru, bydd angen i chi ddewis yr unigolyn a fydd yn cymeradwyo’ch cais o restr o gymeradwywyr posibl ar gyfer eich cyflogwr.
Yna, byddwn ni'n anfon e-bost atyn nhw i roi gwybod ein bod ni'n aros iddynt wirio’ch manylion yn eu cyfrif GCCarlein.
Eich cyfrifoldeb chi yw sicrhau eu bod yn cwblhau’ch cymeradwyaeth, er mwyn i ni allu dechrau prosesu’ch gwybodaeth.
Os ydych chi’n adnewyddu’ch cofrestriad, mae’n rhaid i chi sicrhau eich bod eich adnewyddiad wedi’i gwblhau 21 diwrnod cyn eich dyddiad adnewyddu.
Mae hyn yn cynnwys talu'ch ffioedd a sicrhau bod yr unigolyn a ddewiswyd i gefnogi’ch adnewyddiad (os oedd angen) wedi cwblhau’r cymeradwyad.
Pwy all gymeradwyo cais?
Dylai gymeradwywyr:
- fod yn llofnodydd Gofal Cymdeithasol Cymru cymeradwy ar gyfer eich sefydliad
- fod mewn rôl uwch na chi
- lle’n bosibl, fod wedi cael gwiriad heddlu fel gwiriad y Gwasanaeth Datgelu a Gwahardd
- fod yn weithiwr proffesiynol nad yw’n perthyn i chi nac mewn perthynas bersonol â chi.
Gall gymeradwywyr:
- ardystio ceisiadau
- dilysu dogfennau
- dilysu datblygiad proffesiynol parhaus (DPP) wedi'i gwblhau a'i drafod gyda nhw
- helpu i gadw’r Gofrestr yn gyfredol.
Gall y sawl sy’n cymeradyo eich cais amrywio yn dibynnu at y gwaith rydych chi’n ei wneud neu sut rydych chi’n cael eich cyflogi.
Darllenwch y canllawiau isod i ddarganfod pwy all gymeradwyo eich cais
Yn cael eich cyflogi ym maes gofal cymdeithasol
Y llofnodwr Gofal Cymdeithasol Cymru ar gyfer eich sefydliad ddylai fod yn gymeradwywyr i chi.
Os oes gennych chi fwy nag un swydd gofal cymdeithasol, byddwch angen rhywun o’r naill sefydliad a’r llall i cymeradwyo’ch cais.
Os ydych chi’n gwneud cais am rôl gofrestredig lle nad oes unrhyw un ar lefel uwch i gymeradwyo’ch cais (er enghraifft, chi yw’r Unigolyn Cyfrifol ar gyfer eich sefydliad), byddwn ni'n gwirio’ch cofrestriad ag Arolygiaeth Gofal Cymru a fydd yn cael ei ystyried fel gymeradwywr.
Hunangyflogedig ym maes gofal cymdeithasol neu’n cael eich cyflogi gan aelod o’ch teulu
Dylech gael eich cymeradwyo gan ddau berson uwch o wahanol gyflogwyr gofal cymdeithasol..
Mae angen i un cyflogwr gwblhau’r adran cymeradwyo ac i’r llall gydlofnodi fel ail gymeradwywr.
Mae’n rhaid i’r ddau gymeradwywr fod wedi’ch adnabod ers dwy flynedd o leiaf a nad yw’n perthyn i chi nac mewn perthynas bersonol â chi.
Yn cael eich cyflogi ym maes gofal cymdeithasol gan asiantaeth gyflogaeth
Y llofnodwr cymeradwy ar gyfer yr asiantaeth gyflogaeth ddylai fod yn gymeradwywr i chi.
Pan fyddwch chi’n gwneud cais neu’n adnewyddu ar GCCarlein, byddwch yn gweld rhestr o bobl sy’n llofnodyddion ar gyfer eich asiantaeth gyflogaeth.
Bydd angen i chi ddewis unigolyn o’r rhestr i gymeradwyo’ch cais.
Os ydych chi’n gweithio ar secondiad
Dylai llofnodydd Gofal Cymdeithasol Cymru ar gyfer y sefydliad y cawsoch eich secondio ganddo a’r llofnodydd ar gyfer y sefydliad y cawsoch eich secondio iddo gymeradwyo’ch cais.
Mae angen i chi restru’r ddau gyflogwr fel ‘cyflogaeth bresennol’ wrth lenwi’ch cais ar GCCarlein, er mwyn i chi allu gweld rhestr o bobl sy’n llofnodyddion ar gyfer y ddau sefydliad.
Dylech chi ddewis cymeradwywyr o’r rhestr hon i’w cysylltu â’ch cais.
Gweithiwr cymdeithasol newydd gymhwyso
Y llofnodwr Gofal Cymdeithasol Cymru ar gyfer eich sefydliad ddylai fod yn gymeradwywr i chi.
Os nad oes gennych chi swydd ym maes Gofal Cymdeithasol Cymru eto, bydd angen i chi gael eich ardystio gan lofnodydd Gofal Cymdeithas Cymru ar gyfer eich cwrs gwaith cymdeithasol.
Os ydych chi’n ddi-waith
Rydych chi angen dau unigolyn i’ch gymeradwyo. Mae’n rhaid i’r unigolyn cyntaf fod yn un o’r canlynol:
- eich cyflogwr gofal cymdeithasol mwyaf diweddar, os cawsoch chi eich cyflogi yn y tair blynedd diwethaf
- y llofnodydd ar gyfer eich cwrs gofal cymdeithasol neu waith cymdeithasol, os ydych chi wedi cwblhau’r cwrs yn y tair blynedd diwethaf
- perchennog neu reolwr busnes gofal cymdeithasol sydd wedi cofrestru gyda ni ac sy’n gwybod am eich gwaith
- rhywun ar lefel uwch o gyflogwr gofal cymdeithasol.
Mae’n rhaid i’r ail unigolyn fod yn unigolyn proffesiynol sydd wedi’ch adnabod ers o leiaf dwy flynedd ac sy’n gallu tystio i’ch cymeriad da a’ch addasrwydd i gofrestru. Gallai fod yn:
- weithiwr gofal cymdeithasol cofrestredig
- ynad
- meddyg
- cyfreithiwr
- pennaeth ysgol.
Os nad yw’r unigolyn proffesiynol hwn yn llofnodydd, ni all eich gymeradwyo ar system GCCarlein.
Ond gall roi geirda i chi i fynd law yn llaw â’r gymeradwywr gan yr unigolyn cyntaf a ddewiswyd i’ch gymeradwyo.
Yn y geirda, bydd angen iddo gynnwys:
- ei gyfeiriad cartref
- cyfeiriad e-bost
- rhif ffôn
- esboniad o sut mae’n eich adnabod chi.
Wedi cael swydd ym maes gofal cymdeithasol wrth wneud cais i gofrestru
Bydd angen i chi gael eich cymeradwyo gan lofnodydd ar gyfer y sefydliad hwnnw. Bydd angen i chi argraffu’ch ffurflen gais wedi’i chwblhau o GCCarlein, er mwyn i’r gymeradwyad gael ei gwblhau â llaw.
Yn cael eich cyflogi y tu allan i faes gofal cymdeithasol
Os oes angen i chi gofrestru a’ch bod wedi bodloni ein gofynion (er enghraifft, darparu tystiolaeth eich bod yn bwriadu ymarfer yng Nghymru), bydd angen dau gymeradwr arnoch chi.
Mae angen i’r unigolyn cyntaf fod yn un o’r canlynol:
- eich cyflogwr gofal cymdeithasol mwyaf diweddar, os cawsoch chi eich cyflogi yn y tair blynedd diwethaf
- y llofnodydd ar gyfer eich cwrs gofal cymdeithasol neu waith cymdeithasol, os ydych chi wedi cwblhau’r cwrs yn y tair blynedd diwethaf
- perchennog neu reolwr busnes gofal cymdeithasol sydd wedi cofrestru gyda ni ac sy’n gwybod am eich gwaith
- rhywun ar lefel uwch o gyflogwr gofal cymdeithasol
- cadeirydd y bwrdd neu gorff llywodraethwyr ar gyfer y sefydliad rydych chi’n ei reoli
- perchennog neu reolwr busnes gofal cymdeithasol sydd wedi’i gofrestru gyda ni ac sy’n gwybod am eich gwaith.
Mae’n rhaid i’r ail unigolyn fod yn gweithio i’ch cyflogwr presennol y tu allan i faes gofal cymdeithasol, eich asiantaeth gyflogaeth neu unigolyn proffesiynol sydd wedi’ch adnabod am ddwy flynedd o leiaf.
Mae angen i’r unigolyn hwn allu tystio i’ch cymeriad da a’ch addasrwydd i gofrestru. Gallai fod yn:
- weithiwr gofal cymdeithasol cofrestredig
- ynad
- meddyg
- cyfreithiwr
- pennaeth ysgol.
Os nad yw’r unigolyn proffesiynol hwn yn llofnodydd, ni all eich ardystio ar ein system GCCarlein.
Ond gall roi geirda i fynd law yn llaw â’r cymeradwyad a ddarparwyd gan yr unigolyn cyntaf a ddewiswyd gennych i’ch cymeradwyo.
Yn y geirda, bydd angen iddo gynnwys:
- ei gyfeiriad cartref
- cyfeiriad e-bost
- rhif ffôn
- esboniad sut mae’n eich adnabod chi.
Gweithiwr cymdeithasol sydd wedi hyfforddi neu gymhwyso y tu allan i’r DU
Dylai eich cymeradwywr for yn uwch gynrychiolydd eich cyflogwr gofal cymdeithasol presennol neu fwyaf diweddar neu’n uwch gynrychiolydd o’ch cwrs gwaith cymdeithasol neu ofal cymdeithasol.
Mae’n debygol hefyd mai hwn fydd yr unigolyn sy’n gwirio’r wybodaeth a ddarparwyd gennych fel rhan o’ch cais i gofrestru neu fel rhan o gwblhau eich ffurflen asesu cywerthedd cymwysterau.
Unigolyn Cyfrifol a reoleiddir gan Arolygiaeth Gofal Cymru (AGC)
Ni fyddwch chi angen cymeradwyaeth os ydych chi’n gwneud cais i gofrestru gyda ni.
Byddwn ni'n gwirio’ch cofrestriad gydag AGC a fydd yn cael ei ystyried fel cefnogaeth.
Os nad yw eich gwasanaeth wedi ei gofrestru gydag AGC:
- dylech gael cymeradwyaeth gan ddau unigolyn uwch o wahanol gyflogwyr gofal cymdeithasol
- mae angen i un cyflogwr gwblhau’r adran cymeradwyo ac i’r llall gydlofnodi fel ail gymeradwywr
- mae’n rhaid i’r ddau gymeradwywr fod wedi’ch adnabod ers dwy flynedd o leiaf a nad yw’n perthyn i chi nac mewn perthynas bersonol â chi.
Sut i gael eich cais wedi'i gymeradwyo
- Mewngofnodwch i GCCarlein
- Cwblhewch eich cais neu adnewyddiad
- Pan fyddwch yn cyrraedd adran ardystio’r ffurflen, dewiswch enw’ch ardystiwr o’r rhestr o’n llofnodyddion cymeradwy.
Ni allwch ofyn i gael cymeradwywr newydd os oes rhywun eisoes wedi’i restru yn eich sefydliad.
Os nad oes gan eich sefydliad unrhyw un ar ein system sy’n llofnodydd, gallwch naill ai:
- ddewis ‘nid yw fy cymeradwywr wedi’i restru’ wrth gwblhau’ch cais ac ychwanegu’r manylion â llaw, neu
- e-bostio llofnodwyr@gofalcymdeithasol.cymru a byddwn yn trefnu i unigolyn priodol i cymeradwyo’ch cais.
Ni all eich cymeradwywr weld unrhyw wybodaeth cydraddoldeb y byddwch ch'n ei chynnwys yn eich cais.
Gwyliwch ein fideo, sy’n dangos sut mae’r broses yn gweithio:
Mae GCCarlein wedi newid lliw ond mae'r ffordd rydych chi'n ei ddefnyddio'r un fath â'r hyn a ddisgrifir yn y fideo hwn.