Cwestiynau cyffredin gan gyflogwyr a llofnodwyr

Os nad oes gan eich sefydliad unrhyw lofnodwyr, gweler: Sut i fod yn llofnodwr 

Os yw eich sefydliad wedi dewis llofnodwyr ac nad ydynt yn ymddangos pan fydd y gweithiwr yn llenwi’r ffurflen, mae'n debygol eu bod wedi dewis y sefydliad anghywir yn adran cyflogaeth eu ffurflen; er enghraifft nid yw'r gwasanaeth cymdeithasol yn gyflogwr, 'Cyngor XXX' fyddai’n cyflogi. 

Mae'n bwysig bod pobl yn cwblhau eu hadran gyflogaeth yn gywir gan mai’r dewis hwn sy'n rhoi gwybod i'r system ba enwau i'w cynnig i bobl ddewis ohonynt fel cymeradwywyr. 

Tra bod eu ffurflen yn dal heb ei chyflwyno, gellir newid yr adran gyflogaeth, a bydd y sgrin gymeradwyo yn diweddaru ac yn dangos y rhestr o lofnodwyr. 

Unwaith y bydd y cais neu'r adnewyddiad wedi'i gyflwyno, ni ellir ei newid a bydd angen i'ch gweithiwr anfon e-bost atom fel y gallwn ni gywiro'r wybodaeth ar eu cyfer. Ar ôl i ni wneud hyn, bydd eu cais am gymeradwyaeth yn ymddangos yng nghyfrif y llofnodwr y maen nhw wedi’i ddewis.

Os ydych chi'n mewngofnodi i'ch cyfrif GCCarlein ac yn mynd i 'Fy Sefydliad', ac yna’n clicio ar enw eich man gwaith, bydd sawl opsiwn yn cael eu llwytho i roi gwybodaeth gofrestru i chi am eich gweithwyr. 

Os oes gennych chi weithwyr wedi'u rhestru nad ydynt bellach yn gweithio i'ch sefydliad, gallwch ddirwyn eu cofnodion cyflogaeth i ben yn y tab ‘Nodiadau atgoffa ddyledus i’ch gweithwyr neu i unigolion cofrestredig’. Rydyn ni’n cynghori cyflogwyr i wneud hyn yn rheolaidd i osgoi cyswllt diangen gennym. 

Nodwch, os oes rhywun wedi cael ei gyflogi gennych yn ystod y 12 mis diwethaf, mae'n rhaid i ni gysylltu â chi o hyd i gadarnhau nad oes unrhyw faterion addasrwydd i ymarfer hyd at ddiwedd cyflogaeth y person hwnnw gyda'ch sefydliad. 

Os oes gennych chi unrhyw bryderon addasrwydd i ymarfer am bobl gofrestredig, dylech roi gwybod i ni drwy'r adran ‘Adrodd ynghylch pryder addasrwydd i ymarfer' o'ch cyfrif.

Gallwn ni brosesu'r cofrestriad os yw'r cyflogwr yn cadarnhau bod gwiriad DBS ar y gweill a'ch bod chi fel cyflogwr yn e-bostio'r cadarnhad unwaith bydd y gwiriad wedi'i gwblhau.

Gall lofnodwyr gael y wybodaeth ddiweddaraf am statws/cynnydd cofrestriad eu gweithwyr yn eu cyfrif GCCarlein. 

Fel llofnodwr, bydd eich cyfrif yn dangos statws cais i chi. I'w wirio, mewngofnodwch i'ch cyfrif GCCarlein, ewch i 'Fy Sefydliad' a dewiswch eich sefydliad gofynnol o'r rhestr. Bydd hyn yn llwytho sgrin gyda dewis o opsiynau. 

Un o'r opsiynau hyn yw 'Ymgeiswyr'; yma gallwch weld a yw rhywun wedi gwneud cais gyda ni a ble yn y broses ymgeisio maen nhw wedi cyrraedd. Os yw'r cais wedi'i gwblhau a'r cofrestriad wedi'i ganiatáu, bydd y person hwnnw'n ymddangos ar y Gofrestr ac yn eich cyfrif o dan eich adran 'unigolion cofrestredig'. 

Mae yna opsiwn arall o'r enw ‘Nodiadau atgoffa dyledus i’ch gweithwyr’. Yma, gallwch weld a yw un o'ch gweithwyr angen adnewyddu, a oes ffi neu unrhyw ofyniad cydymffurfio sy'n ddyledus.

Os nad yw unigolyn wedi bodloni'r gofynion i adnewyddu neu dalu eu ffi flynyddol, ni fydd eu cofrestriad yn cael ei adnewyddu a byddan nhw’n yn cael eu tynnu oddi ar y Gofrestr. 

Byddwn ni'n rhoi gwybod i'r unigolyn unwaith fod y broses o’u tynnu oddi ar y gofrestr wedi dechrau, a bydd eu cyflogwr diwethaf yn cael gwybod unwaith mae’r broses ddileu wedi’i chwblhau. Ni allwn gadw rhywun ar y Gofrestr ar eich cais.  

Mae angen i'r person cofrestredig ddychwelyd unrhyw wybodaeth sy'n ddyledus atom a thalu unrhyw ffioedd sy'n weddill er mwyn osgoi cael eu dileu. Y ffordd orau o weithredu yw eu hannog i gysylltu â ni ar unwaith i ddatrys unrhyw faterion sy'n weddill.

I fod yn brif lofnodwr, bydd angen i chi gysylltu â llofnodwyr@gofalcymdeithasol.cymru. Gofynnir cwestiynau i chi i sicrhau eich bod yn addas i gyflawni'r rôl hon. 

I wneud cais i fod yn llofnodwr ychwanegol, ewch i Gwneud cais i fod yn llofnodwr yn eich cyfrif GCCarlein. 

Ar ôl eu cyflwyno, mae'r ceisiadau hyn yn ymddangos yn adran ‘Llofnodwyr’ Fy Sefydliad, i brif lofnodwr gymeradwyo neu wrthod. 

Rhaid i sefydliad gael prif lofnodwr cymeradwy cyn y gallwn ychwanegu unrhyw lofnodwyr ychwanegol.

Mae cyfrifon ar CGGarlein yn unigol. Os ydych wedi cofrestru neu os oes gennych gyfrif eisoes, dylech ddefnyddio'r un cyfrif a mewngofnodi ar gyfer pob rôl a rhyngweithio â ni. 

Dim ond un cyfrif GCCarlein ddylai pawb ei gael, p’un ai ydyn nhw’n berson cofrestredig, yn dychwelyd i’r Gofrestr neu os ydyn nhw’n gyflogwr.  

Dylid cadw'ch holl wybodaeth ar un cyfrif gydag un set o fanylion mewngofnodi ac e-bost. Gall dyblygu cyfrifon arwain at oedi difrifol, felly byddwch yn ofalus wrth greu cyfrifon ar y system.