Cynhelir Wythnos Gwaith Cymdeithasol 2027 rhwng 15 a 19 Mawrth 2027. Byddwn ni'n cynnal dwy gynhadledd mewn person yn ystod yr wythnos.
Dyddiadau i’r dyddiadur: Cynadleddau gwaith cymdeithasol Gofal Cymdeithasol Cymru 2027
“Gwaith cymdeithasol yn yr 21ain ganrif yng Nghymru”
- 16 Mawrth, Venue Cymru, Llandudno
- 18 Mawrth, Gerddi Soffia, Caerdydd
Mae'r cynadleddau yn agored i unrhyw un sydd â diddordeb mewn gwaith cymdeithasol, yn enwedig gweithwyr proffesiynol a myfyrwyr gwaith cymdeithasol.
Byddwn ni’n edrych ar sut mae gwaith cymdeithasol yn esblygu yng Nghymru. Ymunwch â ni i:
- gael eich ysbrydoli gan weithwyr proffesiynol, arbenigwyr, ymchwilwyr, a phobl sydd â phrofiad uniongyrchol ym maes gwaith cymdeithasol
- rannu heriau a phrofiadau bywyd go iawn, a ffyrdd arloesol o weithio
- cysylltu â phobl eraill sydd â’r un gwerthoedd a’r un pwrpas â chi.
Rhowch y dyddiadau hyn yn eich calendr a bydd y cyfnod cofrestru’n agor ar y dudalen yma ddydd Mawrth 1 Rhagfyr.
Cymerwch ran!
Rydyn ni’n chwilio am bobl wych i arwain gweithdai rhyngweithiol. Os ydych chi’n awyddus i rannu dysg, canlyniadau ymchwil, neu adnoddau ymarferol i ysbrydoli a chefnogi’r gweithlu gwaith cymdeithasol, byddem wrth ein bodd yn clywed gennych chi.
Mae’r cynnig hwn ar agor i bawb, gan gynnwys gweithwyr proffesiynol ym maes gwaith cymdeithasol, ymchwilwyr, timau gwaith cymdeithasol, sefydliadau, a phobl sydd â phrofiad uniongyrchol.
Mae gennym lond llaw o leoedd ar gyfer stondinau arddangos hefyd.
Os hoffech chi gymryd rhan yn y gynhadledd drwy arwain gweithdy neu chael stondin, llenwch y ffurflen datgan diddordeb erbyn 23 Hydref ac fe wnawn ni gysylltu â chi.
Llenwi'r ffurflen datgan diddordeb
Cysylltu â ni
I gael rhagor o wybodaeth am y cynadleddau gwaith cymdeithasol, anfonwch e-bost at gwaithcymdeithasol@gofalcymdeithasol.cymru
Cyhoeddwyd gyntaf: 4 Chwefror 2025
Diweddariad olaf: 23 Medi 2026
Efallai na fydd y ffeil hon yn gyfan gwbl hygyrch