Cynhelir Wythnos Gwaith Cymdeithasol o ddydd Llun 17 Mawrth i ddydd Gwener 21 Mawrth. Mae'n dod â phobl at ei gilydd i ddathlu gwaith cymdeithasol.
Beth sy'n digwydd yn ystod Wythnos Gwaith Cymdeithasol?
Yn ystod yr wythnos, byddwn ni'n cynnal cyfres o ddigwyddiadau ar-lein am ddim, ar gyfer unrhyw un sydd â diddordeb mewn gwaith cymdeithasol.
Bydd y rhaglen yn canolbwyntio ar dair thema allweddol:
- cryfhau ein perthynas
- cynnal ein hunaniaeth gwaith cymdeithasol
- cefnogi ein llesiant yn y gwaith.
Ac ar ddydd Mawrth 18 Mawrth byddwn ni'n dathlu Diwrnod Gwaith Cymdeithasol y Byd.
Bydd mynychu'r digwyddiadau yn cyfrif tuag at eich oriau datblygiad proffesiynol parhaus (DPP) os ydych chi wedi cofrestru â ni.
I bwy mae Wythnos Gwaith Cymdeithasol?
Mae Wythnos Gwaith Cymdeithasol ar gyfer pawb sydd â diddordeb mewn gwaith cymdeithasol yng Nghymru. Mae hyn yn cynnwys:
- gweithwyr cymdeithasol, gan gynnwys y rhai sy'n gweithio a'r rhai sy'n dymuno dychwelyd i'r proffesiwn
- gweithwyr cymdeithasol, gan gynnwys y rhai sy’n gweithio a’r rhai sydd am ddychwelyd i'r proffesiwn
- myfyrwyr gwaith cymdeithasol ac addysgwyr
- pobl sydd â phrofiad o waith cymdeithasol
- cyflogwyr gweithwyr cymdeithasol
- gweithlu gofal cymdeithasol ehangach
- swyddogion llywodraeth a pholisi
- gweithwyr Gofal Cymdeithasol Cymru a sefydliadau partner.
Cymerwch ran!
Rydyn ni'n chwilio am unigolion, grwpiau a thimau a hoffai gyflwyno sesiwn ar-lein yn ystod Wythnos Gwaith Cymdeithasol.
Mae hwn yn gyfle i arddangos eich gwybodaeth a'ch profiad chi i helpu eraill ar eu taith gwaith cymdeithasol!
Os hoffech chi gymryd rhan yn y gynhadledd fel siaradwr, noddwr neu ddeiliad stondin, llenwch y ffurflen mynegi diddordeb a byddwn ni mewn cysylltiad.
Rhaid i ddatganiadau o ddiddordeb gyd-fynd ag un o'r dair thema allweddol ar gyfer yr wythnos:
- cryfhau ein perthynas
- cynnal ein hunaniaeth gwaith cymdeithasol
- cefnogi ein llesiant yn y gwaith.
Lle bo'n bosibl, anogir cyfranwyr i gyd-gynhyrchu eu sesiynau gyda'r bobl hynny sydd â phrofiad byw neu ddysgedig o waith cymdeithasol.
Y dyddiad cau ar gyfer datganiadau o ddiddordeb yw dydd Gwener 15 Tachwedd 2024.
Cysylltu â ni
Am fwy o wybodaeth am y cynadleddau dathlu gwaith cymdeithasol, anfonwch e-bost at Ymholiadaugg@GofalCymdeithasol.Cymru
Digwyddiadau
Byddwn ni'n rhoi manylion ein digwyddiadau ar y dudalen we yma yn gynnar yn 2025.
Cyhoeddwyd gyntaf: 11 Mehefin 2024
Diweddariad olaf: 8 Hydref 2024
Efallai na fydd y ffeil hon yn gyfan gwbl hygyrch