Wythnos Gwaith Cymdeithasol 2026

• ymarfer gwaith cymdeithasol creadigol, risg, a hawliau
• cydweithredu a chyd-gynhyrchu i gyflawni canlyniadau gwell
• datblygu a chynnal ymarfer hyderus.

Bydd y sesiwn hon yn edrych ar rôl hanfodol gweithwyr cymdeithasol mewn gwasanaethau iechyd meddwl i oedolion a phlant. Byddwn yn edrych ar y thema “lleisiau dewr” ac ynysu yn y broses o wneud penderfyniadau critigol gan Weithwyr Iechyd Meddwl Proffesiynol Cymeradwy (AMHP) a gwasanaethau iechyd meddwl ehangach.

Yn aml, gall gweithwyr cymdeithasol deimlo'n ynysig mewn rolau eraill hefyd, felly mae'r sesiwn hon hefyd yn berthnasol i'r rheini sy'n gweithio y tu allan i faes iechyd meddwl.

Canlyniadau dysgu

Ein nod yw:

• tynnu sylw at gyfraniad unigryw gwaith cymdeithasol mewn timau amlddisgyblaethol, lle gall y rôl deimlo’n ynysig yn aml
• annog dewrder ac eiriolaeth ar gyfer y proffesiwn ei hun a'r bobl a'r gofalwyr rydyn ni'n eu cefnogi, yn enwedig lle gallai lleisiau gwaith cymdeithasol fod yn llai niferus
• myfyrio ar lesiant a gwytnwch gweithwyr cymdeithasol sy'n gweithio mewn cyd-destunau iechyd meddwl heriol, gan gydnabod pwysigrwydd y cymorth cywir ar yr adeg gywir.

Ein nod yw creu gofod ar gyfer dysgu, rhannu profiadau, a chryfhau hyder yn y gwerthoedd a'r safbwyntiau penodol a ddaw yn sgil gwaith cymdeithasol.

Siaradwyr

• John Deegan - Gweithiwr Cymdeithasol ac AMHP
• Alexandra Beckham - Pennaeth Gwasanaethau Oedolion, Cyngor Bwrdeistref Sirol Merthyr Tudful

Archebwch eich lle

Bydd y sesiwn hon yn archwilio sut y gall camau gweithredu bach sy'n canolbwyntio ar berthnasoedd greu newid ystyrlon. Byddwn ni'n edrych ar sut gall gweithwyr cymdeithasol, pobl sy’n defnyddio gwasanaethau, a’u gofalwyr weithio gyda’i gilydd fel partneriaid cyfartal, hyd yn oed o fewn cyfyngiadau gwaith cymdeithasol modern. Drwy enghreifftiau bywyd go iawn, strategaethau ymarferol, a thrafodaethau cydweithredol, bydd cyfranogwyr yn gadael gyda syniadau y gallan nhw eu defnyddio ar unwaith i gryfhau perthnasoedd a chynnal gwerthoedd craidd gwaith cymdeithasol.

Canlyniadau dysgu

Yn y sesiwn hon byddwn yn:

• archwilio egwyddorion ymarfer sy'n seiliedig ar berthnasoedd a pham eu bod yn bwysig mewn gwaith cymdeithasol bob dydd
• nodi’r ‘pethau bach’ sy’n gallu gwneud gwahaniaeth mawr i bobl a’u gofalwyr
• tynnu sylw at y camau cadarnhaol y gallwn ni eu cymryd i wella ymarfer a chryfhau perthnasoedd
• ystyried sut i weithio'n effeithiol ochr yn ochr â phobl a'u gofalwyr fel partneriaid cyfartal
• myfyrio ar enghreifftiau bywyd go iawn i ysbrydoli gobaith a chymhelliant mewn ymarfer.

Siaradwyr

• Dr Katharine Daneski - Carers Consultancy Cymru

• Jan Foy

• Nick Andrews - Swyddog Datblygu Ymchwil ac Ymarfer, Prifysgol Abertawe

• Emma Miller - Uwch Gydymaith Ymchwil mewn Gwaith Cymdeithasol a Pholisi Cymdeithasol, Prifysgol Strathclyde

• Dr Diane Seddon - Cyfarwyddwr Ymchwil, Ysgol Gwyddorau Iechyd Prifysgol Bangor

• Cerian Twinberrow - Rheolwr Gwaith Cymdeithasol, Gofal Cymdeithasol Cymru

Archebwch eich lle

Bydd y sesiwn hon yn edrych ar pam mae gwaith amlasiantaeth yn hanfodol ar gyfer diogelu ac yn tynnu sylw at y camau cadarnhaol sydd wedi cael eu cymryd yng Nghymru i wneud hyn yn fwy effeithiol. Byddwn ni hefyd yn edrych ar rai o’r rhwystrau a pham mae “rhannu gwybodaeth” yn dal i gael ei ystyried yn bryder mewn adolygiadau diogelu. Rydyn ni'n gwybod fod pobl yn cyflawni gwell canlyniadau pan fydd gweithwyr proffesiynol yn gweithio gyda'i gilydd. Felly beth sy'n atal hyn rhag digwydd, a beth allwn ni ei wneud yn ei gylch?

Canlyniadau dysgu

Yn y sesiwn hon byddwn ni'n:

• archwilio egwyddorion gwaith amlasiantaeth a pham eu bod yn bwysig o ran diogelu
• nodi'r rhwystrau sy'n gallu atal pobl a'u gofalwyr rhag cyflawni’r canlyniadau gorau
• tynnu sylw at y newidiadau cadarnhaol ac ystyrlon y gallwn eu gwneud i gryfhau arferion da
• myfyrio ar enghreifftiau bywyd go iawn o waith amlasiantaeth effeithiol.
  

Siaradwyr

• Lance Carver - Cyfarwyddwr Gwasanaethau Cymdeithasol, Cyngor Bro Morgannwg
  
• Nick Howard - Ditectif Arolygydd, Adran ymchwilio i gamfanteisio, atal pobl rhag mynd ar goll, diogelu ac amddiffyn y cyhoedd
• Louise Mann - Cyfarwyddwr Diogelu, Iechyd Cyhoeddus Cymru
• Esyllt Crozier - Rheolwr Gwaith Cymdeithasol a Diogelu, Gofal Cymdeithasol Cymru

Archebwch eich lle

Mae'r sesiwn hon yn edrych ar y gwerthoedd a'r ffyrdd o weithio mae gweithwyr cymdeithasol yn dal atyn nhw, hyd yn oed pan fydd pethau o'u cwmpas yn newid. Mae'n adeiladu ar yr hyn y mae pobl â phrofiad byw ac ymarferwyr rheng flaen wedi'i ddweud wrthym sy'n wirioneddol bwysig.

I rhywun sydd â phrofiad byw mae hyn yn golygu "bod rhywun yn gwrando arnyn nhw, yn eu deall a'u cydnabod fel person gyfan - nid fel tasgau i'w cwblhau neu flychau i'w ticio. Maen nhw eisiau eu straeon, eu cryfderau a'u gobeithion i siapio'r cefnogaeth maen nhw'n ei dderbyn.

Ar gyfer gweithwyr rheng flaen, yr hyn sy'n bwysig yw teimlo'n egnïol, gallu gwneud gwahaniaeth gwirioneddol, a chael eu cefnogi i ymarfer gyda hyder a chreadigrwydd. Maen nhw eisiau'r gofod i adeiladu perthnasoedd cryf, cadw mewn cysylltiad â'u pwrpas, a gweithio mewn ffyrdd sy'n adlewyrchu eu gwerthoedd.

Gyda'n gilydd, byddwn ni’n archwilio'r heriau y mae gweithwyr cymdeithasol yn eu hwynebu, tra hefyd yn rhannu syniadau gobeithiol ac ymarferol ar gyfer y dyfodol.

Byddwch chi’n clywed straeon gan gydweithwyr sy'n gweithio mewn gwasanaethau plant ac oedolion. Byddwn ni’n canolbwyntio ar ymarfer sy'n seiliedig ar gryfderau a pherthynas-ganolog, a'r hyn sy'n ein helpu i gadw pobl wrth wraidd ein gwaith.

Dewch gyda meddwl agored, yn barod i fod yn chwilfrydig, myfyriol a thosturiol.

Erbyn diwedd y sesiwn, byddwn ni wedi:

• archwilio'r gwerthoedd a'r dulliau sy'n ein cadw yn llawn cymhelliant ac gyda’n traed ar y ddaear
• siarad yn agored am heriau a rennir yn ymarferol
• rhannu straeon sy'n adeiladu cysylltiad, hyder a gobaith
• edrych ar gyfleoedd i ymarfer yn greadigol a gyda sicrwydd
• adeiladu hyder wrth ddisgrifio canlyniadau ystyrlon sy'n adlewyrchu'r hyn sy'n bwysig i bobl.

Siaradwyr

• Rhoda Emlyn Jones, OBE

• Laurel Morgan - Rheolwr Tîm Dros Dro y Gwasanaeth Therapiwtig, Cyngor Sir Ddinbych

• Rachel Hopkins

• Becky Evans - Prif Swyddog Galluogi, Credu

• Jay Goulding - Rheolwr Practis Seiliedig ar Gryfderau, Gofal Cymdeithasol Cymru

Archebwch eich lle

Noder, bydd y sesiwn hon yn cael ei recordio, a bydd fersiwn wedi'i olygu ar gael fel adnodd ar ein gwefan ar ôl y sesiwn. Dim ond y cyflwynwyr fydd yn ymddangos yn y recordiad - ni fydd modd gweld y cyfranogwyr.

Gall technoleg, gan gynnwys deallusrwydd artiffisial (AI), fod yn ddefnyddiol iawn, ond mae hefyd yn dod â risgiau o ran pethau fel preifatrwydd, diogelwch a hawliau pobl. Yn y sesiwn hon, bydd arbenigwr o Blake Morgan LLP yn siarad am rai o'r heriau hyn, y cyfreithiau sy'n ymwneud â'r materion ymarfer gwaith cymdeithasol cymhleth hyn, ac yn meddwl am sut gall gweithwyr cymdeithasol ddelio â'r materion hyn yn effeithiol.

Canlyniadau dysgu

Yn y sesiwn hon byddwn ni'n:

• archwilio sut mae cyfryngau cymdeithasol, gwyliadwriaeth a thechnolegau newydd yn effeithio ar ymarfer gwaith cymdeithasol
• edrych ar sut i gydbwyso hawliau unigolion â rheoli risg yn effeithiol
• esbonio'r fframweithiau cyfreithiol a phroffesiynol sy'n cefnogi'r broses o wneud penderfyniadau, gydag enghreifftiau o ymarfer gwaith cymdeithasol.

Siaradwyr

• Eve Piffaretti - Blake Morgan LLP

Archebwch eich lle

Yn y sesiwn hon, byddwn ni'n archwilio pam mae'r Gymraeg yn bwysig ar gyfer meithrin ymarfer sy'n canolbwyntio ar berthnasedd. Bydd Louise Bretland-Treharne o People Speak Up CIC yn rhannu ei phrofiadau o ran yr iaith Gymraeg, hunaniaeth a gofal sy'n sensitif i iaith.

Bydd panel o ddysgwyr a siaradwyr Cymraeg sy'n gweithio ym maes gwaith cymdeithasol a gofal cymdeithasol yn myfyrio ar, ac yn defnyddio eu profiadau eu hunain, ac yn egluro beth mae'r Gymraeg yn ei olygu iddyn nhw.

Byddwn ni'n cytuno ar gwestiwn arweiniol ar gyfer trafodaeth y panel, ac yn defnyddio fframweithiau sy’n canolbwyntio ar berthnasoedd i ystyried sut mae iaith yn effeithio ar berthnasoedd mewn ymarfer.

Yn y sesiwn hon byddwn ni'n:

• defnyddio profiadau bywyd i archwilio effaith ymarfer sy'n sensitif i iaith a sut y gall hyn lywio ymarfer yn y dyfodol
• edrych ar ddulliau sy'n canolbwyntio ar berthnasoedd yng nghyd-destun y Gymraeg, fel y Fframwaith Synhwyrau, i ddeall sut mae iaith yn helpu i greu ymdeimlad o ddiogelwch, perthyn, parhad, pwrpas, cyflawniad ac arwyddocâd
• nodi pam mae gweithwyr cymdeithasol a gweithwyr gofal cymdeithasol yn dewis dysgu Cymraeg a'i defnyddio'n ymarferol, a sut mae hyn yn effeithio ar eu gwaith
• datblygu syniadau ymarferol i gryfhau'r ddarpariaeth Gymraeg yn eich rôl, gwasanaeth neu dîm eich hun.

Siaradwyr

• Louise Bretland-Treharne

• Liz Parker, Gofal Cymdeithasol Cymru

• Akinsanmi Apara

• Rhian Parry

• Eleanor Shaw

Archebwch eich lle

Mae'r sesiwn hon ar gyfer gweithwyr proffesiynol a myfyrwyr gwaith cymdeithasol sydd am ddeall chwilfrydedd proffesiynol yn well a sut mae'n cefnogi ymarfer effeithiol.

Byddwn ni'n edrych ar yr hyn sy’n helpu ac yn rhwystro chwilfrydedd proffesiynol, sut mae ‘chwilfrydedd sefyllfaol’ yn gweithio wrth weithio o bell, a mannau diogel ar gyfer chwilfrydedd.

Erbyn ddiwedd y sesiwn, byddwch chi'n gadael gydag offer a dulliau i gryfhau eich chwilfrydedd proffesiynol a chefnogi eich ymarfer.

Canlyniadau dysgu

Yn y sesiwn hon byddwn ni'n:

• edrych ar y fframwaith ‘beth, pam a sut’ fel sail i ymarfer gofal cymdeithasol
• archwilio beth a olygwn wrth chwilfrydedd proffesiynol
• ystyried pam mae chwilfrydedd proffesiynol mor bwysig
• gofyn pam rydyn ni'n cael trafferth gyda chwilfrydedd wrth ymarfer heddiw
• gofyn sut gallwn ni fod yn fwy chwilfrydig mewn ymarfer.

Hwylusydd

• Siobhan Maclean

Archebwch eich lle

Sesiwn gan Social Work England

Ymunwch ag arweinwyr pedwar rheoleiddiwr gwaith cymdeithasol y DU am drafodaeth am realiti ymarfer gwaith cymdeithasol heddiw. Byddan nhw’n edrych ar y cymhlethdod, y pwysau a'r heriau sy'n wynebu gweithwyr cymdeithasol, ac yn archwilio sut y gall rheoleiddio gefnogi'r proffesiwn.

Trwy drafodaeth banel, bydd pob rheoleiddiwr yn myfyrio ar eu dull gweithredu, a'r gwahaniaethau rhwng y pedair gwlad. Byddan nhw’n tynnu sylw at sut mae eu cyfrifoldebau rheoleiddio yn helpu i ddatblygu ymarferwyr hyderus, dewr a chefnogol sy'n gallu darparu gwaith cymdeithasol o ansawdd uchel mewn amgylcheddau heriol.

Bydd y sesiwn yn ymdrin â:

• heriau a gwobrau ymarfer gwaith cymdeithasol ar draws y pedair gwlad
• sut mae rheoleiddwyr yn hyrwyddo ymarfer diogel, myfyriol a hyderus
• sut y gall safonau a chanllawiau rymuso gweithwyr cymdeithasol
• ymrwymiadau a rennir i ddiogelu'r cyhoedd, lles y gweithlu, a gwydnwch proffesiynol hirdymor.

Siaradwyr

• Colum Conway – Prif Weithredwr, Social Work England
• Sarah McCarty – Prif Weithredwr, Gofal Cymdeithasol Cymru
• Tracy Reid - Prif Weithredwr - Northern Ireland Social Care Council
• Maree Allison – Prif Weithredwr - Scottish Social Services Council

Archebwch eich lle

Mae'r sesiwn ryngweithiol hon ar gyfer arweinwyr ym maes gwaith cymdeithasol sydd am rymuso eu timau i wneud penderfyniadau hyderus a gwybodus, a chofleidio chwilfrydedd proffesiynol.

Byddwch chi'n archwilio strategaethau ymarferol i gefnogi staff sy’n llywio sefyllfaoedd cymhleth, yn herio rhagdybiaethau ac yn meithrin diwylliant o fod yn agored a dysgu. Drwy drafodaethau myfyriol a senarios o’r byd go iawn, byddwch chi'n datblygu dulliau sy’n hyrwyddo arweinyddiaeth foesegol, gwytnwch ac eglurder mewn cyfnodau ansicr.

Canlyniadau dysgu

Erbyn diwedd y sesiwn, byddwch chi'n gallu:

• defnyddio dulliau strwythuredig i arwain staff wrth wneud penderfyniadau ym maes gwaith cymdeithasol
• meithrin hyder wrth gefnogi timau drwy sefyllfaoedd cymhleth ac o dan bwysau mawr
• dangos ac annog chwilfrydedd proffesiynol i nodi risgiau a chyfleoedd
• creu diwylliant o fod yn agored ac ymarfer myfyriol ar draws eich timau
• cydnabod a herio rhagfarnau sy'n dylanwadu ar wneud penderfyniadau ar bob lefel.

Hwylusydd

• Bex Steen, Rheolwr Datblygu Arweinyddiaeth, Gofal Cymdeithasol Cymru

Archebwch eich lle