Gallwn atal person cofrestredig dros dro o’r Gofrestr, wrth i ni ymchwilio i honiadau neu bryderon. Mae’r rhain yn cael eu galw’n orchmynion atal dros dro. Ni all person cofrestredig weithio mewn rôl gofal cymdeithasol a reoleiddir yng Nghymru o dan orchymyn atal dros dro.
Rhaid i orchmynion dros dro gael eu hadolygu bob chwe mis ac ni allant fod yn hirach na 18 mis oni bai bod y Tribiwnlys Safonau Gofal yn eu hymestyn.
Gall person cofrestredig gael amod dros dro ar eu cofrestriad os oes angen i ddiogelu’r cyhoedd, os yw er budd y cyhoedd neu er budd y person cofrestredig.
Gelwir yr amodau dros dro hyn yn orchmynion cofrestru amodol dros dro.
Gall person cofrestredig barhau i weithio yn eu rôl gofrestredig tra bod amod yn ei le. Ni all gorchmynion cofrestru amodol dros dro fod yn hirach na 18 mis, a byddan nhw’n cael eu hadolygu bob chwe mis tra bod yr ymchwiliad yn cael ei gynnal.
Gallwch chi chwilio’r Gofrestr o Weithwyr Gofal Cymdeithasol yng Nghymru i weld a oes gan berson cofrestredig orchymyn atal dros dro neu amod dros dro ar ei gofrestriad.
