Mae’r ‘cynnig i gyflogwyr’ yn cynnig amrywiaeth eang o wasanaethau, cefnogaeth ac adnoddau rydyn ni wedi’u creu a’u cyfuno ar gyfer cyflogwyr i’ch helpu yn eich rôl.
Y tîm cymorth i gyflogwyr
Fel y tîm cymorth i gyflogwyr, rydyn ni'n anelu at:
- gweithio gyda chyflogwyr i glywed gennych chi beth sy’n digwydd yn y sector. Rydyn ni'n rhannu’r wybodaeth hon â gweddill ein sefydliad i helpu i lywio ein gwaith
- rhannu beth sydd ar gael i gyflogwyr i’ch cefnogi chi a’r gweithlu
- helpu cyflogwyr i ddeall eich cyfrifoldebau rheoleiddio a gwneud hyn mor syml ac effeithlon â phosibl.
Rydyn ni'n cynnal sesiynau gwybodaeth ar-lein i gyflogwyr a thimau rheoli. Byddwn ni'n rhoi mwy o wybodaeth i chi ac yn egluro pethau fel:
- y gwasanaeth cymorth i gyflogwyr
- y broses addasrwydd i ymarfer
- y cynnig i gyflogwyr.
Os hoffech chi sesiwn bwrpasol, sydd wedi’i theilwra i’ch tîm neu ddigwyddiad, anfonwch e-bost at cymorthcyflogwyr@gofalcymdeithasol.cymru
Y cynnig i gyflogwyr
Mae’r ‘cynnig i gyflogwyr’ yn cynnwys ystod eang o wasanaethau, cymorth ac adnoddau yr ydym wedi’i greu a’i ddwyn ynghyd i gyflogwyr i’ch cynorthwyo yn eich rôl.
I weld y fideo hwn gydag isdeitlau, cliciwch ar y CC yn y gornel dde isaf.
-
Employer Offer posterPDF 480KB
Cefnogi eich gweithlu – eich cynorthwyo chi i recriwtio pobl newydd, eu cadw a’u cefnogi
Recriwtio a chadw
- Ymgyrch Gofalwn Cymru a phorth swyddi i gefnogi prosesau recriwtio a chadw staff yn y sector
- Adnodd i gyflogwyr sydd â staff sy’n newydd i weithio ym maes gofal cymdeithasol yng Nghymru
- Cyflogi pobl ifanc 16 ac 17 oed yn y sector gofal cymdeithasol yng Nghymru
- Camau cyntaf mewn rheoli - adnodd ar gyfer rheolwyr gofal cymdeithasol newydd
- Fframwaith i gefnogi cadw’r gweithlu - Rydyn ni wedi creu fframwaith newydd sy’n cynnig adnoddau a chamau gweithredu i helpu cyflogwyr gofal cymdeithasol gefnogi a chadw’r gweithlu. Mae’r fframwaith yn dod ag adnoddau ac ymchwil at ei gilydd i helpu creu amodau sy'n annog staff i aros, tyfu a ffynnu yn eu rôl.
Diwylliannau cadarnhaol
- Cefnogi diwylliannau cadarnhaol – Mae’r canllaw hwn yn egluro egwyddorion diwylliannau cadarnhaol a pham maen nhw'n bwysig. Ceir dolenni ynddo hefyd i adnoddau, rhaglenni ac offer i’ch cynorthwyo chi i ddefnyddio’r egwyddorion
- Goruchwylio effeithiol mewn gofal cymdeithasol, y blynyddoedd cynnar a gofal plant – Cewch ganfod sut i ddarparu goruchwyliaeth ac arfarniad effeithiol mewn lleoliadau gofal cymdeithasol, y blynyddoedd cynnar a gofal plant
- Arweinyddiaeth dosturiol – Gwybodaeth, cyngor ac adnoddau am arweinyddiaeth mewn gofal cymdeithasol
- Ymarfer sy’n seiliedig ar gryfderau – Adnoddau a gwybodaeth am beth yw ymarfer sy’n seiliedig ar gryfderau, pam rydym yn ei ddefnyddio a sut i’w ddefnyddio mewn gofal cymdeithasol
- Adnoddau iechyd a llesiant – Gwybodaeth, cyngor ac adnoddau iechyd a llesiant ar gyfer gweithwyr gofal cymdeithasol, y blynyddoedd cynnar a gofal plant.
Gwella gwasanaethau – Mynediad at adnoddau, data a gwybodaeth i wella ymarfer
- Diogelu – hyfforddiant, adnoddau ac astudiaethau achos
- Y Ddeddf Galluedd Meddyliol a’r Trefniadau Diogelu wrth Amddifadu o Ryddid – Beth mae angen i chi ei ddeall am y Ddeddf Galluedd Meddyliol a’r Trefniadau Diogelu wrth Amddifadu o Ryddid a sut y maent yn berthnasol i chi
- Defnyddio’r Gymraeg yn y gweithle – hyfforddiant ac adnoddau
- Mynediad i wybodaeth am ein dull gweithredu a’n cynlluniau ar gyfer ymchwil, data ac arloesi ar draws gofal cymdeithasol
- Mae’r Grŵp Gwybodaeth yn rhoi mynediad i chi at grynodebau o dystiolaeth, data gofal cymdeithasol, ac e-gyfnodolion, a gallwch ymuno â chymunedau sydd o ddiddordeb i chi
- Amrywiaeth o fodiwlau dysgu ar-lein
- Cyfleoedd i fynd i ddigwyddiadau, hyfforddiant a chynadleddau
- Dulliau cadarnhaol: lleihau arferion cyfyngol mewn gofal cymdeithasol – Mae’r adnodd dysgu hwn yn darparu dealltwriaeth o sut i weithio gan ddefnyddio dulliau cadarnhaol a rhagweithiol a lleihau’r defnydd o arferion cyfyngol mewn gofal cymdeithasol
- Adnabod ac atal deliriwm – Canllaw byr ar gyfer rheolwyr cartrefi gofal i helpu i adnabod ac atal deliriwm. Mae’r canllaw hwn yn seiliedig ar ganllawiau NICE ac fe’i haddaswyd ar gyfer ymarfer yng Nghymru
- Canllawiau Dirprwyo Cymru Gyfan – Mae’r canllawiau’n darparu arweiniad i reolwyr gofal cymdeithasol ar staff iechyd yn dirprwyo tasgau i weithwyr gofal cymdeithasol, a sicrhau bod y gweithiwr yn gymwys i wneud y dasg benodol honno
- Atal a rheoli heintiau - Adnoddau i helpu unrhyw un sy'n ymwneud â gofal cymdeithasol neu'r sector blynyddoedd cynnar a gofal plant i wybod sut i ymddwyn i leihau lledaeniad heintiau
- Age Cymru - Pecyn cymorth sy'n gasgliad adnoddau i helpu cartrefi gofal, teuluoedd, ffrindiau a phreswylwyr i greu'r amgylchedd delfrydol ar gyfer cefnogi lles preswylwyr cartrefi gofal.
Y blynyddoedd cynnar a gofal plant
Gallwch chi ganfod gwybodaeth am y blynyddoedd cynnar a gofal plant ar ein gwefan yma.