Cyfrifoldebau cyflogwyr a sefydliadau addysg uwch

Rhaid i gyflogwyr a SAU enwebu pobl briodol i weithredu fel llofnodwyr. Mae llofnodwyr yn cymeradwyo ceisiadau ac yn helpu i ddiweddaru’r Gofrestr.

Mae tri math o lofnodwyr:

• prif lofnodwyr: rhywun mewn rôl uwch sydd â mynediad at gofnodion AD. Bydd gan y rôl hon gyfrifoldeb cyffredinol am y broses gofrestru ar ran y sefydliad, gan gynnwys cymeradwyo unrhyw gais. 
• llofnodwyr ychwanegol: maen nhw'n cael eu henwebu gan brif lofnodwr, ac maen nhw'n gallu cymeradwyo ceisiadau.
• aseswyr cymhwysedd: rheolwyr cofrestredig, neu os nad oes rheolwr cofrestredig mewn sefydliad gall yr Unigolyn Cyfrifol enwebu rhywun. Gallai prif lofnodwr neu lofnodwr ychwanegol wneud y rôl hon hefyd.

Mwy o wybodaeth am lofnodwyr

Gall prif lofnodwyr a llofnodwyr ychwanegol gymeradwyo a gwirio ceisiadau. 

Cymeradwyo

Mae cymeradwyo’n golygu gwirio bod gwybodaeth ymgeisydd yn gywir. Fel llofnodwr, pan fyddwch chi'n cymeradwyo rhywun, rydych chi'n cadarnhau nad oes gennych chi unrhyw broblemau gyda'u cymeriad, cymhwysedd neu addasrwydd i ymarfer, a’u bod nhw'n addas i'w cofrestru. 

Mwy o wybodaeth am y broses gymeradwyo

Mae gwirio yn golygu eich bod chi’n gweld dogfennau gwreiddiol ymgeiswyr, fel eu manylion adnabod neu gymwysterau.

I wirio, dylech chi ysgrifennu'r canlynol ar lungopïau o bob dogfen: 

• ysgrifennwch eich enw llawn, teitl swydd, cyfeiriad e-bost a'r dyddiad
• llofnodwch eich enw
• ysgrifennwch "Rwyf wedi gweld y gwreiddiol ac mae hwn yn gopi dilys".

Yna dylai'r ymgeisydd gyflwyno'r llungopïau wedi'u gwirio i ni trwy eu cyfrif GCCarlein. 

Un o'r llwybrau i gofrestru yw asesiad gan gyflogwr. Gofynnwn i reolwyr cofrestredig gadarnhau addasrwydd ymgeisydd, ar ôl eu hasesu nhw yn erbyn rhestr o gymwyseddau. 

Mwy o wybodaeth am asesiad gan gyflogwr

 Darllenwch ein gwybodaeth ddefnyddiol ar gyfer asiantaethau recriwtio

Dewch o hyd i atebion i gwestiynau mae cyflogwyr a llofnodwyr yn gofyn yn aml ar ein tudalen Cwestiynau Cyffredin.