Gwybodaeth am ffioedd cofrestru, sut i dalu a pha bryd i dalu.
Ffioedd ar gyfer gweithwyr cofrestredig
Rydyn ni’n codi ffioedd i'n helpu ni i gynnal ein Cofrestr o Weithwyr Gofal Cymdeithasol yng Nghymru. Rhaid i bawb sydd wedi cofrestru gyda ni dalu ffioedd.
Rhaid i chi dalu ffi wrth wneud cais i gofrestru a phob blwyddyn tra byddwch chi’n dal wedi cofrestru.
Byddwn ni’n rhoi gwybod i chi pryd mae'n amser i dalu ffi a faint sydd angen i chi ei dalu.
Fe welwch chi hysbysiad yn eich cyfrif GCCarlein a byddwn ni’n anfon e-bost atoch chi.
Gallwch chi dalu'ch ffioedd drwy eich cyfrif GCCarlein.
Ad-dalu ffioedd
Gwiriwch fod eich cais wedi'i gwblhau'n llawn cyn i chi ei gyflwyno.
Nid ydyn ni’n ad-dalu ffioedd os:
- gwrthodwyd eich cofrestriad
- ydy'r cais yn anghyflawn
- ydych chi'n penderfynu gadael y Gofrestr.
Ffioedd presennol
- Gweithwyr gofal cymdeithasol: £30 y flwyddyn.
- Rheolwyr gofal cymdeithasol: £80 y flwyddyn.
- Gweithiwr cymdeithasol (wedi cymhwyso yn y DU): £80 y flwyddyn.
- Gweithwyr cymdeithasol sy’n dychwelyd i ymarfer: ffi asesu o £200, yna £80 y flwyddyn.
- Gweithwyr cymdeithasol (wedi cymhwyso y tu allan i'r DU) nad ydynt wedi'u cofrestru gyda chorff rheoleiddio'r DU: ffi asesu o £350, yna £80 y flwyddyn.
- Os ydych chi'n gofyn am brawf gallu, mae ffi ychwanegol o £200.
- Myfyrwyr gwaith cymdeithasol: £15 y flwyddyn.
Sut i dalu eich ffioedd
Debyd Uniongyrchol
Y ffordd hawsaf a mwyaf diogel o dalu eich ffioedd yw trwy Ddebyd Uniongyrchol. Gallwch chi wneud hyn ar eich cyfrif GCCarlein. Os ydych chi'n talu'ch ffi flynyddol gyda Debyd Uniongyrchol, rhaid iddo gael ei drefnu o leiaf 10 diwrnod cyn i'r taliad fod yn ddyledus.
Os byddwch chi'n newid eich cyfrif banc, bydd angen i chi drefnu gorchymyn trosglwyddo gyda'ch banc neu Debyd Uniongyrchol newydd gyda ni.
Mae Debydau Uniongyrchol yn cael eu cynnwys gan y Sicrwydd Debyd Uniongyrchol. Unwaith y bydd y Debyd Uniongyrchol wedi'i sefydlu ar eich cyfrif, gallwn ni ofyn am ffioedd blynyddol ac adnewyddu yn uniongyrchol gan eich banc.
Os byddwch chi’n gadael y Gofrestr byddwn ni’n cau eich Debyd Uniongyrchol yn awtomatig.
Cerdyn credyd neu ddebyd
Gallwch chi dalu gyda cherdyn credyd neu ddebyd ar eich Cyfrif GCCarlein.
Hawlio treth yn ôl
Os ydych chi'n talu treth yn y DU, gallwch chi hawlio rhyddhad treth os oes rhaid i chi dalu am ffioedd cofrestru neu bethau eraill y mae angen i chi eu prynu ar gyfer eich gwaith, fel gwisgoedd a chostau teithio, am y pedair blynedd diwethaf.
Rhyddhad treth ar gyfer ffioedd proffesiynol a thanysgrifiadau
Talu heb gyfrif banc yn y DU
Gallwch chi drosglwyddo arian yn uniongyrchol o'ch cyfrif y tu allan i'r DU gan ddefnyddio'r system SWIFT.
Bydd angen y wybodaeth hon ar eich banc:
- Cod didoli: 201876
- Rhif IBAN: GB83BARC20187640923893
- Cod SWIFT: BARCGB22
Gwnewch yn siŵr bod eich banc yn defnyddio eich enw llawn a'ch dyddiad geni fel cyfeirnod ar gyfer y taliad. Bydd hyn yn ein helpu ni i weld pwy sydd wedi gwneud y taliad.
Rydych chi'n gyfrifol am dalu unrhyw ffioedd banc am wneud taliad SWIFT.
Gwnewch yn siŵr bod eich taliad yn cynnwys y tâl hwn a'ch ffi gofrestru.
Cysylltu â ni
Os oes gennych unrhyw gwestiynau, cysylltwch â ni.