Dau fideo sy'n ein helpu i ddeall gofal cymdeithasol yng Nghymru

Trawsgrifiad fideo 'Beth yw gofal cymdeithasol?'

00:00:02

Mae gofal cymdeithasol yn darparu cymorth i bobl o bob oed,

00:00:06

sy’n byw mewn cymunedau ledled Cymru, ddydd a nos, bob diwrnod o’r flwyddyn.

00:00:11

Mae pobl yn defnyddio gwasanaethau gofal a chymorth am wahanol resymau.

00:00:15

Gallai fod i gael cymorth i sefydlu amgylcheddau diogel a sefydlog,

00:00:19

i reoli eu hiechyd corfforol a meddyliol, neu i fyw'n annibynnol.

00:00:24

Gall gofalwyr di-dâl, sy'n darparu gofal a chymorth i aelodau'r teulu neu ffrindiau,

00:00:29

hefyd gael mynediad at ofal cymdeithasol.

00:00:31

Mae’r term ‘gofal cymdeithasol’ yn cwmpasu amrywiaeth o weithgareddau,

00:00:36

fel cymorth ymarferol ac emosiynol,

00:00:38

darparu gwybodaeth, cyngor ac offer, diogelu, a gofal personol.

00:00:43

Gall gofal cymdeithasol ddigwydd mewn amrywiaeth o leoliadau,

00:00:46

gan gynnwys cartrefi pobl, cartrefi gofal, canolfannau dydd, ysbytai neu leoliadau cymunedol eraill.

00:00:54

Mae’n cael ei ddarparu gan sefydliadau gan gynnwys awdurdodau lleol,

00:00:58

cwmnïau preifat, elusennau, a sefydliadau nid er elw.

00:01:02

Caiff cryn dipyn o ofal ei ddarparu gan ofalwyr di-dâl hefyd.

00:01:06

Mae degau o filoedd o weithwyr proffesiynol medrus

00:01:09

a chymwys iawn yn gweithio ym maes gofal cymdeithasol,

00:01:13

mewn mwy na 75 o wahanol swyddi.

00:01:15

Rhaid i’r rhan fwyaf o weithwyr gofal cymdeithasol yng Nghymru gofrestru

00:01:19

gyda Gofal Cymdeithasol Cymru a dilyn codau ymarfer proffesiynol.

00:01:24

Mae’r Codau’n pennu safonau ymddygiad i gefnogi llesiant a diogelwch pobl.

00:01:29

Mae gweithwyr gofal cymdeithasol yn cefnogi pobl i fynegi’r hyn sy’n bwysig iddyn nhw

00:01:34

ac yn gosod amcanion drwy feithrin perthynas ystyrlon sy’n rhoi gwerth ar brofiadau, iaith a diwylliant pobl.

00:01:42

Maen nhw’n cefnogi pobl i nodi a gwneud y gorau o'u cryfderau personol,

00:01:46

eu sgiliau a’u rhwydweithiau cymorth gan gynnwys teulu,

00:01:50

ffrindiau ac adnoddau yn eu cymuned leol.

00:01:53

Maen nhw’n gweithio gyda phobl mewn sefyllfaoedd o argyfwng ac yn y tymor hir.

00:01:58

Mae sefydliadau gofal cymdeithasol yn gweithio gyda meysydd proffesiynol eraill,

00:02:03

fel iechyd, addysg a'r heddlu, i ddarparu gwasanaethau gydag uniondeb, empathi ac arbenigedd.

00:02:11

Byddai gweithiwr gofal cymdeithasol i mi yn

00:02:14

anhygoel, yn ffantastig, ac yn ofalgar,

00:02:18

ac yn fy helpu i fyw bywyd normal.

00:02:22

I gael rhagor o wybodaeth am ofal cymdeithasol,

00:02:25

ewch i gofalcymdeithasol.cymru

00:02:28

Hoffech chi ddilyn gyrfa ym maes gofal?

00:02:31

Ewch i gofalwn.cymru

Trawsgrifiad fideo ‘Sut mae gofal cymdeithasol yn gweithio yng Nghymru?’

00:00:00

Sut mae gofal cymdeithasol yn gweithio yng Nghymru?

00:00:04

Mae gofal cymdeithasol yn hanfodol i lawer o bobl Cymru,

00:00:08

ond mae’n cael ei gamddeall yn aml.

00:00:10

Beth yw ystyr gofal cymdeithasol?

00:00:13

Mae’n derm eang sy’n disgrifio gofal a chymorth,

00:00:16

sy’n galluogi pobl o bob oed i ymdopi â’u bywydau bob dydd,

00:00:20

yn aml pan fyddan nhw’n wynebu heriau anodd a chymhleth.

00:00:24

Gall cymorth gofal cymdeithasol gynnwys cyngor,

00:00:27

cysylltu pobl â chymunedau lleol,

00:00:29

sefydlu amgylcheddau byw diogel a sefydlog,

00:00:32

a darparu gofal personol.

00:00:34

Mae hefyd yn darparu cymorth emosiynol i bobl reoli eu hiechyd corfforol a/neu feddyliol.

00:00:40

Gall gofalwyr di-dâl gael cymorth hefyd.

00:00:44

Cael mynediad at ofal cymdeithasol.

00:00:47

Mae 22 awdurdod lleol Cymru yn chwarae rhan allweddol

00:00:51

wrth drefnu a chysylltu pobl â’r gofal a’r cymorth cywir.

00:00:55

Mae awdurdodau lleol yn defnyddio proses asesu

00:00:58

i ddeall cryfderau ac anghenion gofal a chymorth pobl.

00:01:02

Maen nhw’n asesu a yw anghenion pobl yn gymwys i gael cymorth a chyllid gan yr awdurdod lleol,

00:01:08

ac mae gofyn i rai unigolion dalu tuag at eu gwasanaethau gofal cymdeithasol.

00:01:13

Ledled Cymru, mae gan fwy nag un o bob 50 o bobl gynllun gofal a chymorth,

00:01:18

sy’n nodi’r hyn sy’n bwysig iddyn nhw

00:01:20

a sut byddan nhw’n cael eu cefnogi i gyflawni eu canlyniadau llesiant personol.

00:01:26

Pwy sy’n darparu gofal cymdeithasol?

00:01:30

Mae dros 300,000 o ofalwyr di-dâl yn darparu gofal a chymorth ledled Cymru.

00:01:36

Gallan nhw fod o unrhyw oedran, yn aml maen nhw’n aelodau o'r teulu neu'n ffrindiau,

00:01:41

a gallan nhw hefyd gael mynediad at gymorth gofal cymdeithasol iddyn nhw’u hunain.

00:01:46

Mae dros 1200 o sefydliadau yng Nghymru yn darparu gwasanaethau gofal cymdeithasol.

00:01:52

Busnesau preifat neu sefydliadau trydydd sector,

00:01:55

fel elusennau, yw’r rhan fwyaf ohonyn nhw.

00:01:57

Mae’r sefydliadau yma’n cyflogi dros 84,000 o weithwyr gofal a chymorth.

00:02:03

Gall awdurdodau lleol roi taliadau i bobl tuag at gostau eu gofal a chymorth.

00:02:08

Taliadau uniongyrchol yw enw’r rhain,

00:02:11

ac mae pobl yn eu defnyddio i gyflogi eu gweithwyr gofal cymdeithasol eu hunain.

00:02:16

Sut mae safonau uchel yn cael eu cynnal

00:02:19

ar draws gwasanaethau gofal cymdeithasol yng Nghymru.

00:02:23

Rheoliadau.

00:02:24

Yng Nghymru, caiff gwasanaethau gofal cymdeithasol

00:02:28

eu rheoleiddio gan Arolygiaeth Gofal Cymru.

00:02:31

Maen nhw’n cofrestru, yn arolygu ac yn cymryd camau

00:02:34

i wella ansawdd a diogelwch gwasanaethau.

00:02:37

Caiff y rhan fwyaf o weithwyr gofal cymdeithasol

00:02:40

eu rheoleiddio gan Gofal Cymdeithasol Cymru.

00:02:43

Mae hyn yn golygu bod rhaid iddyn nhw gofrestru,

00:02:46

cyflawni cymwysterau penodol, a dilyn Codau Ymarfer Proffesiynol.

00:02:50

Deddfwriaeth.

00:02:52

Rhaid i'r gwasanaethau gofal cymdeithasol

00:02:55

gydymffurfio â deddfwriaeth genedlaethol,

00:02:57

fel Deddf Gwasanaethau Cymdeithasol a Llesiant (Cymru) 2014.

00:03:02

Mae’r Ddeddf yn gwneud yn siŵr bod gwasanaethau’n

00:03:05

gweithio gyda phobl sy’n cael mynediad at ofal a chymorth

00:03:08

i nodi’r hyn sy’n bwysig iddyn nhw.

00:03:11

Mae sefydliadau gofal cymdeithasol hefyd yn gweithio gyda phartneriaid

00:03:15

fel gwasanaethau iechyd, addysg, tai,

00:03:18

yr heddlu ac elusennau i wneud y defnydd gorau o adnoddau.

00:03:22

Rhaid i’r unigolyn sy’n cael mynediad at ofal a chymorth

00:03:26

fod yn ganolog i’r broses.

00:03:29

I gael rhagor o wybodaeth am ofal cymdeithasol,

00:03:32

ewch i gofalcymdeithasol.cymru

00:03:34

Hoffech chi ddilyn gyrfa ym maes gofal?

00:03:37

Ewch i gofalwn.cymru