Pwy sydd angen cofrestru a pham?

Prif ddiben cofrestru yw diogelu'r cyhoedd gan sicrhau mai dim ond y rhai sy'n gymwys ac yn gymwysedig sy'n gallu darparu gofal a chymorth mewn rolau lle mae angen cofrestru.

Mae cofrestru gyda ni yn golygu eich bod yn rhan o weithlu proffesiynol a gallwch ddangos bod gennych sgiliau a gwybodaeth sy'n hanfodol i ddarparu gofal a chymorth da i bobl Cymru.

Dyma ganllaw fideo cyflym ar gofrestru gyda ni.

Mae GCCarlein wedi newid lliw ond mae'r ffordd rydych chi'n ei ddefnyddio'r un fath â'r hyn a ddisgrifir yn y fideo hwn.

Mae’r Gofrestr yn agored i’r grwpiau gweithwyr canlynol:

• gweithwyr cymdeithasol
• myfyrwyr gwaith cymdeithasol

Rheolwyr gofal cymdeithasol

• rheolwyr gwasanaethau mabwysiadu
• rheolwyr cartrefi gofal i oedolion
• rheolwyr lleoli oedolion
• rheolwyr eiriolaeth (gwasanaethau i blant a phobl ifanc)
• rheolwyr gofal cartref
• rheolwyr gwasanaethau maethu
• rheolwyr gofal preswyl i blant
• rheolwyr canolfannau preswyl i deuluoedd
• rheolwyr gwasanaethau llety diogel
• rheolwyr ysgol preswyl arbennig.

Mae’n rhaid i’r holl weithwyr cymdeithasol a rheolwyr gofal cymdeithasol gofrestru ar ôl cwblhau eu cymhwyster neu ddechrau yn y swydd.

Gweithwyr gofal cymdeithasol

• gweithwyr cartrefi gofal i oedolion
• gweithwyr gofal cartref
• gweithwyr gofal preswyl i blant
• gweithwyr canolfannau preswyl i deuluoedd
• gweithwyr gwasanaethau llety diogel
• gweithwyr ysgol preswyl arbennig (gellir ymgeisio i gofrestru o 1 Ebrill 2025 a bydd angen bod ar y Gofrestr erbyn 30 Medi 2026).

Mae gan bob gweithiwr gofal cymdeithasol chwe mis o ddyddiad dechrau eu rôl i gofrestru gyda ni.

Mae'n ofyniad cyfreithiol i weithwyr sy'n gyflogedig yn y rolau hyn gofrestru gyda ni.

Os ydych chi’n gweithio mewn mwy nag un o’r grwpiau sydd wedi’u rhestru uchod, neu os byddwch yn newid y grŵp rydych chi’n gweithio ynddo, bydd angen i chi newid eich cofrestriad. Gallwch newid eich cofrestriad trwy fewngofnodi i’ch cyfrif GCCarlein.

Os nad ydych chi'n siŵr os ydych chi angen cofrestru gyda ni, neu pryd y dylech chi gofrestru, cysylltwch â'n tîm am help drwy e-bostio ymholiadau@gofalcymdeithasol.cymru.

Mae manteision bod yn berson cofrestredig yn cynnwys y canlynol:

Meithrin ymddiriedaeth a hyder:

• mae pobl yn gallu dibynnu ar weithwyr gofal cymdeithasol cofrestredig
• rhoi hyder i bobl eich bod yn dilyn y Côd

Gwerthfawrogi gweithwyr gofal cymdeithasol:

• dangos bod ganddoch chi’r sgiliau a’r wybodaeth i fod yn weithiwr gofal cymdeithasol
• dangos eich bod wedi eich hyfforddi a'ch bod yn cymryd cyfrifoldeb ar gyfer ddatblygu gwybodaeth a sgiliau
• cyflogwyr yn gallu darparu’r gefnogaeth a datblygiad rydych ei angen
• bydd gwybod mwy amdanoch chi'n helpu ni drefnu ffyrdd o'ch cefnogi chi.

Sicrhau bod pobl yn ddiogel:

• amddiffyn hawliau pobl a gwneud yn siŵr eu bod nhw yn cael ei gwrando ar
• cefnogi pobl i fod yn annibynnol ac amddiffyn eu hunain
• os nad ydy gweithiwr yn addas i ymarfer gallen nhw gael eu tynnu o'r Gofrestr. Os ydyn nhw'n cael eu tynnu oddi arno, ni fydden nhw yn cael ymarfer yng Nghymru.

Manteision eraill:

• defnyddio teitl eich proffesiwn yn gyfreithlon
• cymorth a gwybodaeth o’n dogfennau canllawiau ymarfer a’n cyhoeddiadau eraill.

Darganfyddwch fwy am sut rydyn ni'n gallu rhoi cymorth i chi fel person cofrestredig.

Rydyn ni'n cadw cofrestr o bobl sydd wedi dangos eu bod yn addas i weithio ym maes gofal cymdeithasol. Rhaid i bawb ar y Gofrestr ddangos eu bod:

• â chymwysterau priodol
• yn addas yn gorfforol ac yn feddyliol i ymarfer
• â'r cymeriad a'r cymhwysedd
• dilyn y Côd Ymarfer Proffesiynol Gofal Cymdeithasol (y Côd) a chanllawiau ymarfer ar gyfer eu rôl
• yn bwriadu ymarfer gofal cymdeithasol yng Nghymru
• yn ymarfer yn y maes y mae eu cais yn ymwneud â'u cais i gofrestru.

Rydyn ni'n defnyddio Rheolau Gofal Cymdeithasol Cymru (Cofrestru) 2024 i gynnal y Gofrestr. Cymeradwyir y rheolau hyn gan Lywodraeth Cymru, a rhain yw'r fframwaith ar gyfer cofrestru'r gweithlu gofal cymdeithasol.

Ers Ebrill 2025, y nifer o bobl gofrestredig yw:

• 6,819 – gweithwyr cymdeithasol
• 5 – rheolwr gwasanaeth mabwysiadu
  
• 1,316 – rheolwyr cartrefi gofal i oedolion
  
• 27,047 – gweithwyr cartrefi gofal i oedolion
  
• 14 – rheolwyr lleoli oedolion
  
• 2 – rheolwr eirioli i blant a phobl ifanc
  
• 1,053 – rheolwyr gofal cartref
• 22,768 – gweithwyr gofal cartref
  
• 17 – rheolwyr gwasanaeth maethu
  
• 445 – rheolwyr gofal preswyl i blant (gan gynnwys gofal preswyl diogel)
• 4,948 – gweithwyr gofal preswyl i blant (gan gynnwys gofal preswyl diogel)
  
• 4 – rheolwyr canolfan preswyl i deuluoedd
• 80 – gweithwyr canolfan preswyl i deuluoedd
• 4 - rheolwr ysgol breswyl arbennig
• 802 – myfyrwyr gwaith cymdeithasol.
  

Bob blwyddyn, rydyn ni'n cyhoeddi adroddiadau data ar y wybodaeth a roddir i ni gan ymgeiswyr a phobl cofrestredig.

Gweld holl adroddiadau data cofrestru.

Os oes gennych gwestiwn neu os na allwch ddod o hyd i'r hyn yr ydych yn edrych amdano, cysylltwch â ni.