Cyflogi pobl ifanc 16 ac 17 oed yn y sector gofal cymdeithasol yng Nghymru

Mae pobl ifanc yn gallu gwneud cyfraniad gwerthfawr. Bydd gan rai brofiad o ofalu am aelodau’r teulu neu sgiliau bywyd perthnasol eraill.

Mae angen ichi sicrhau na wahaniaethir yn erbyn pobl ifanc oherwydd eu hoedran.

Dylech chi wneud y canlynol:

• Cydymffurfio â’r ‘rheoliadau gwasanaeth’. Yn benodol, dylech sicrhau:
  • Bod gan staff y gwybodaeth, sgiliau a’r cymhwysedd i sicrhau bod anghenion lles yr unigolyn wedi’w diwallu
  • Bod gan staff y sgiliau iaith a sgiliau cyfathrebu addas

Gallwch ddod o hyd i ragor o wybodaeth ynglyn a’r rheoliadau yma.

• Ymgymryd â phrosesau recriwtio diogel, gan gynnwys tystlythyrau a gwiriadau DBS.

• Cael gafael ar adnoddau dysgu a datblygu priodol, gan gynnwys prentisiaeth. I gael rhagor o wybodaeth am brentisiaethau, edrychwch ar Gofal Cymdeithasol Cymru a Gyrfa Cymru.

• Cefnogi’r person ifanc yn ei raglen ddysgu.

• Rhoi pobl iau mewn tîm sefydledig i’w helpu i ddysgu gan staff profiadol.

• Sicrhau na ofynnir i bobl ifanc wneud gwaith nad ydynt wedi’u hyfforddi ar ei gyfer, neu sydd ddim yn gorfforol neu’n feddyliol addas iddynt ei wneud.

• Ystyried diffyg profiad ac anaeddfedrwydd y person ifanc wrth gwblhau asesiadau risg.

• Sicrhau eich bod yn cynnig cefnogaeth briodol a pharhaus iddynt; rhaglenni dysgu a datblygu, hyfforddiant, cefnogaeth gan gymheiriaid, cysgodi neu fentora.

• Trefnu amser rheolaidd gyda’r bobl ifanc ar gyfer myfyrio personol, gan roi cyfleoedd i drafod a gofyn cwestiynau ac i roi adborth ar eu datblygiad personol a’u gwaith.

• Sicrhau bod y rheolwr cofrestredig (neu berson dirprwyedig) yn ymgymryd â gwaith goruchwylio ac arfarnu priodol yng nghyswllt y person ifanc.

• Sicrhau bod y person ifanc yn gyfarwydd â’r codau ymarfer proffesiynol.

• Sicrhewch nad yw person ifanc dibrofiad byth yn cael ei adael i roli lleoliad gofal, nac yn cael ei adael i weithio ar ei ben ei hun

• Diogelu’r amser a neilltuwyd i'r person ifanc ar gyfer gweithgareddau dysgu .

• Sicrhau eich bod yn talu’r Isafswm Cyflog Cenedlaethol o leiaf i unrhyw un sydd dros oedran gadael yr ysgol

• Glynu wrth y gofynion iechyd a diogelu sy’n berthnasol i bobl ifanc a chyfyngiadau cyfreithiol ar amser gweithio. Mae'r Gwasanaeth Cynghori, Cymodi a Chyflafareddu (ACAS) a Gyrfa Cymru yn rhoi canllawiau ar y rheolau ynghylch yr oriau y gall pobl ifanc eu gweithio ac yn ystyried:
  • https://www.acas.org.uk/young-workers-apprentices-and-work-experience
  • https://gyrfacymru.llyw.cymru/cyflogwyr/cyflogi-pobl-ifanc

I gael rhagor o wybodaeth ac arweiniad am gyflogi pobl ifanc 16 ac 17 oed, ewch i:

• https://www.hse.gov.uk/young-workers/index.htm (Saesneg yn unig)
• https://www.youthemployment.org.uk/youth-employment-experts/ (Saesneg yn unig)