Rydyn ni’n datblygu cwrs newydd cyffrous ar gyfer ymarferwyr blynyddoedd cynnar a gofal plant yng Nghymru sy'n ystyried rôl arwain a rheoli. Mae'r cwrs hefyd yn agored i reolwyr presennol sydd eisiau datblygu a chryfhau eu sgiliau a'u hyder.
Bydd y cwrs yn para 10 mis ac yn cael ei gynnal ar-lein yn bennaf, gyda dwy sesiwn wyneb yn wyneb. Bydd yn darparu:
- dysgu ac addysgu strwythuredig
- siaradwyr gwadd
- cymorth i ddysgwyr a chanllawiau asesu
- cyfleoedd dysgu hyblyg
- adnoddau arweinyddiaeth a rheoli.
Bydd y cwrs yn cefnogi ymarferwyr i weithio tuag at y Lefel 4 Paratoi ar gyfer Arweinyddiaeth a Rheolaeth mewn Gofal, Chwarae, Dysgu a Datblygiad Plant. Mae cwblhau'r cwrs yn cyflawni Rhan A o'r Fframwaith dysgu a sefydlu ar gyfer rheolwyr blynyddoedd cynnar a gofal plant, fel sy'n ofynnol ar gyfer rolau swyddi penodol.
Bydd dau opsiwn cychwynnol i ddechrau’r cwrs:
- Medi 2026
- Ionawr 2027.
I gofrestru’ch diddordeb, cwblhewch y ffurflen hon: Rhaglen arweinwyr a rheolwyr y dyfodol
Beth yw'r cwrs Arweinwyr a rheolwyr y dyfodol?
Mae'r cwrs yn fenter newydd i gefnogi arweinwyr uchelgeisiol a phresennol yn y sector blynyddoedd cynnar a gofal plant. Mae'n darparu cyfleoedd dysgu, cymorth ac asesu strwythuredig yn seiliedig ar gynnwys cymhwyster Lefel 4 Paratoi ar gyfer Arweinyddiaeth a Rheolaeth mewn Gofal, Chwarae, Dysgu a Datblygiad Plant.
Pwy all wneud cais?
Mae'r cwrs wedi'i anelu at ymarferwyr sy'n gweithio mewn lleoliadau gofal plant rheoledig sydd:
- yn meddu ar Ymarfer Uwch QCF lefel 5 i ymgymryd â dysgu a hefyd cyflawni'r Rhan A ofynnol o'r Sefydlu i Reolwyr
- yn meddu ar gymhwyster Gofal, Chwarae, Dysgu a Datblygiad Plant Lefel 2 neu Lefel 3 (neu gyfwerth a gydnabyddwyd)
- eisiau symud ymlaen i rolau arwain a rheoli
- yn paratoi i ymgymryd â chyfrifoldebau rheoli
- yn reolwyr presennol ac yn dymuno datblygu eu gwybodaeth a'u sgiliau arweinyddiaeth.
Cynnwys ac asesiad y cwrs
Gall dysgwyr ddisgwyl ymdrin â phynciau fel:
- paratoi ar gyfer arweinyddiaeth
- arweinyddiaeth sy'n seiliedig ar werthoedd
- datblygu timau effeithiol
- cyfathrebu a sgyrsiau anodd
- llesiant y gweithlu
- arwain newid.
Bydd gweithgareddau fel rhan o'r sesiynau yn cynnwys:
- trafodaethau mewn grŵpiau bach
- dadansoddi astudiaeth achos
- ymarferion cymhwyso yn y gweithle.
Bydd dulliau asesu yn hyblyg, gan gynnwys naill a'i:
- cyfrif preffesiynol myfyriol
- cyflwyniad
- aseiniadau ysgrifenedig.
Ar ôl cwblhau'r cwrs
Rhagwelir y bydd dysgwyr sy'n dymuno symud ymlaen i'r Lefel 4 llawn Paratoi ar gyfer Arweinyddiaeth a Rheolaeth mewn gofal, chwarae, dysgu a datblygiad plant yn gallu defnyddio Cydnabyddiaeth o Ddysgu Blaenorol (RPL), yn amodol ar ofynion y sefydliad dyfarnu neu'r darparwr dysgu.
Ni fydd pob dysgwr eisiau, neu'n barod, i ymgymryd â'r cymhwyster Lefel 4 llawn ar ôl cwblhau'r cwrs, ond mae cwblhau Rhan A o'r Fframwaith dysgu a sefydlu ar gyfer rheolwyr y blynyddoedd cynnar a gofal plant yn darparu sylfaen gadarn ar gyfer dilyniant yn y dyfodol i rolau a chymhwyster arweinyddiaeth.