Hyfforddiant diogelu

Mae’r pecyn e-ddysgu dwyieithog yn cyfleu dealltwriaeth ymarferol i ddysgwyr o ddiogelu ac fe'i datblygwyd gan Ofal Cymdeithasol Cymru yn unol â Gweithdrefnau Diogelu Cymru.

Mae'r modiwl wedi'i anelu'n bennaf at y rhai sy'n gweithio yn y sectorau cyhoeddus a gwirfoddol.

Bydd cwblhau’r modiwl hyfforddiant newydd yn galluogi pawb i wneud y canlynol:

• esbonio'r term 'diogelu'
• cydnabod camdriniaeth neu'r risg o gamdriniaeth, niwed neu esgeulustod
• gwybod pa gamau i'w cymryd os ydyn nhw'n dyst neu'n amau camdriniaeth, niwed neu esgeulustod, neu os bydd rhywun yn dweud wrthyn nhw eu bod nhw'n cael eu cam-drin
• dangos dealltwriaeth sylfaenol o'r deddfau sy'n ymwneud â diogelu
• cydnabod bod dyletswydd arnyn nhw i riportio camdriniaeth, niwed neu esgeulustod.

Mae’r pecyn yma i bobl sy’n cynnal hyfforddiant diogelu i bobl yng Ngrŵp B yng Nghymru.

Fe’i ddyluniwyd i sicrhau bod hyfforddiant diogelu Grŵp B yn gyson gyda chyfrifoldebau pobl yng Ngrŵp B.

Mae’r hyfforddiant yn cynnwys y wybodaeth sylfaenol sydd eu hangen ar bobl yng Ngrŵp B, ond gall hyfforddwyr ychwanegu cynnwys neu bersonoli sleidiau yn ôl anghenion y grŵp o bobl maen nhw’n hyfforddi.

Hoffwn ddiolch yn fawr i Fyrddau Diogelu Gorllewin Morgannwg a Gwent am rannu eu hadnoddau gyda ni i siapio'r pecyn hwn.

Mae’r cynnwys wedi esblygu i adlewyrchu natur gyfnewidiol diogelu yn gyffredinol ond hefyd i adlewyrchu cyfeiriad clir y gwaith o dan Ddeddf Gwasanaethau Cymdeithasol a Llesiant (Cymru) 2014.

Am wybodaeth bellach, cyfeiriwch at Weithdrefnau Diogelu Cymru a rhan 7 o’r canllawiau statudol yn yr hyfforddiant.

Dylid defnyddio’r llyfr gwaith ‘Diogelu Unigolion’- llyfr gwaith 6 o’r Fframwaith sefydlu Cymru gyfan fel tystiolaeth o’r dysgu a gyflawnwyd.

Darparu’r hyfforddiant

Os oes gennych chi unrhyw gwestiynau ynglŷn â darparu’r hyfforddiant yma, cysylltwch â’ch Bwrdd Diogelu Rhanbarthol.

Taflenni ac adnoddau hyfforddi