​Eiriolwyr sy' ddim yn eiriolwyr proffesiynol

Nod y deunyddiau dysgu hyn, a ddatblygwyd gan Tros Gynnal Plant, yw helpu’r rhai nad ydynt yn eiriolwyr proffesiynol annibynnol, ond sydd yn eirioli (e.e. gweithwyr proffesiynol nad ydynt yn eiriolwyr, ffrindiau, teulu, gofalwyr) i ddeall rôl eiriolwr yn llawn a sut y caiff hyn ei adlewyrchu yn eu gweithredoedd eu hunain.

Bydd y deunyddiau hyn yn ategu’r broses o weithredu Deddf Gwasanaethau Cymdeithasol a Llesiant (Cymru) drwy gefnogi dinasyddion i gyflawni llesiant. Bydd y modiwlau yn cyfrannu at roi llais cryfach i bobl a mwy o reolaeth dros eu bywydau, a chaniatáu i’r rhai y mae angen gofal a chymorth arnynt, ynghyd â’u gofalwyr, gyfrannu’n weithredol at eu llesiant eu hunain drwy greu eiriolwyr medrus a hyderus i sefyll ochr yn ochr â nhw.

Mae'r modiwl hwn yn edrych ar yr hyn y mae’r term eiriolaeth yn ei olygu. Mae hefyd yn disgrifio a chymharu dulliau eirioli presennol, cydnabod yr hyn y mae eiriolwr effeithiol yn ei wneud/ddim yn ei wneud, disgrifio’r broses eirioli a nodi ystyriaethau allweddol ar gyfer yr eiriolwyr ar bob cam o’r broses.

Nod y modiwl hwn yw helpu pobl i adnabod pryd a sut y gallan nhw eu hunain weithredu fel eiriolwyr. Mae hefyd yn ystyried pam na allan nhw eirioli’n effeithiol mewn rhai sefyllfaoedd o bosibl a pha opsiynau amgen sydd ar gael er mwyn sicrhau eu bod nhw'n cael cymorth parhaus os na fyddant yn gallu eirioli’n effeithiol.

Mae'r modiwl hwn yn helpu pobl nodi’r sgiliau allweddol sydd eu hangen i fod yn eiriolwr effeithiol. Mae hefyd yn helpu nhw i adnabod eu sgiliau eiriolaeth eu hunain a’u cysylltu â’u profiadau

eu hunain, ac yn dangos sgiliau newydd a/neu well er mwyn ategu eu rôl fel eiriolwr.