Ymrwymiad 4: blaenoriaethu diwylliant o ddysgu a datblygu’n barhaus

Gall teimlo’n fodlon yn ein gwaith wella ein llesiant. 

Rydyn ni’n cydnabod bod gweithio ym maes gofal cymdeithasol, y blynyddoedd cynnar a gofal plant yn waith medrus.

Mae ar ein gweithlu angen cael ei gefnogi er mwyn iddo ddysgu, tyfu a theimlo’n hyderus ac yn gymwys yn y gwaith y mae’n ei wneud. 

Mae pobl yn dysgu mewn gwahanol ffyrdd. Gallwn greu amgylcheddau dysgu cadarnhaol lle y mae staff yn cael eu meithrin, gan deimlo bod ganddynt bwrpas a’u bod yn perthyn.

I greu diwylliant o ddysgu a datblygu, mae angen ymrwymiad cadarn gan arweinwyr. 

Mae arweinwyr yn modelu dysgu drwy fynd i sesiynau hyfforddi a myfyrio eu hunain. 

Ceir cysylltiad clir rhwng dysgu a datblygu ar y naill law a gwerthoedd y sefydliad ac ansawdd y gofal ar y llaw arall. Mae rheolwyr yn mynd ati i annog chwilfrydedd, gwelliant, a dysgu ar y cyd. 

Fel gweithlu cofrestredig, mae’n bwysig ein bod ni’n cynorthwyo staff i gael eu hyfforddi ac yn darparu cyfleoedd iddyn nhw barhau i ddatblygu’n broffesiynol.

Mae'n bosib na fyddai rhai adnoddau allanol yn hygyrch neu ar gael yn ddwyieithog. Dydyn ni ddim yn gyfrifol am adnoddau allanol.

• Dysgu a datblygu i gefnogi cadw’r gweithlu gofal cymdeithasol – Gofal Cymdeithasol Cymru
  Gwybodaeth ac adnoddau am ddulliau dysgu a datblygu effeithiol i gynorthwyo i gadw staff. 
   
• Fframweithiau sefydlu – Gofal Cymdeithasol Cymru
  Fframweithiau sefydlu ar gyfer iechyd a gofal cymdeithasol, rheolwyr gofal cymdeithasol, a gweithwyr a rheolwyr y blynyddoedd cynnar a gofal plant.
   
• Y pum ffordd o weithio – DEEP Cymru
  Mae’n eich helpu i greu amgylchedd dysgu gwell.
   
• Fframwaith SENSES – MyHomeLife
  Mae’n helpu i feithrin amgylcheddau dysgu cadarnhaol.