Pan fyddwn yn sôn am y gweithlu, rydyn ni’n sôn am bobl sy’n gweithio ym maes gofal cymdeithasol, y blynyddoedd cynnar a gofal plant.
Mae’r gweithlu’n cynnwys amrywiaeth eang o swyddi sy’n ysgwyddo gwahanol lefelau o gyfrifoldeb mewn sefydliadau o wahanol math.
Mae’r gweithlu’n cynnwys pobl hunangyflogedig, fel gwarchodwyr plant a chynorthwywyr personol. Gall rhai fod yn wirfoddolwyr, a gall rhai fod yn gyflogedig.
Pan fyddwn yn sôn am ddiwylliant, rydyn ni’n sôn am ‘y ffordd y mae pethau’n cael eu gwneud fan hyn’.
Mae hyn yn cynnwys y ffordd y mae’ch sefydliad yn cael ei arwain, ei werthoedd a’i ymddygiadau, ei systemau a’i brosesau, a’r partneriaethau sy’n sail i’r ffordd y mae’n gweithio.
Mae diwylliant ein sefydliad yn effeithio ar y ffordd yr ydym yn darparu gofal a chymorth ac ar ansawdd ein gwasanaethau – gan gynnwys pa mor dda yr ydym yn cefnogi canlyniadau llesiant pobl sy’n cael gofal a chymorth, a sut y mae’r staff yn teimlo ynglŷn â’u gwaith.
Mae ein llesiant yn y gwaith yn cwmpasu pob rhan o’n bywyd gwaith, gan gynnwys yr amgylchedd rydyn ni’n gweithio ynddo, a sut rydyn ni’n teimlo am ein gwaith, y sefydliad a’r bobl rydyn ni’n gweithio gyda nhw.
