Ymrwymiad 3: sefydlu diwylliant yn y gweithle lle y mae pawb yn cael eu cynnwys a’u hysbysu

Dylai fod gan sefydliadau systemau, ymddygiadau, ac arferion cyfathrebu sy’n gwneud yn siŵr bod pob cyflogai – beth bynnag fo’i swydd, ei gefndir, neu’i leoliad – yn cael mynediad at y canlynol:

• gwybodaeth glir,
• ymwneud ystyrlon,
• cyfleoedd i ddylanwadu ar gyfeiriad y sefydliad.

I wneud hyn, mae angen creu amgylchedd lle y mae’r cyfathrebu’n dryloyw a lle y mae pob cyflogai’n teimlo bod cysylltiad rhyngddo a phwrpas y sefydliad a’i fod yn cael cyfleoedd i gymryd rhan yn y pethau sy’n effeithio arno.

Mae pobl yn teimlo eu bod yn cael eu gwerthfawrogi a’u parchu pan fydd ganddynt lais a phan fyddant yn cael eu cynnwys mewn newid yn y gweithle. Gallai hyn fod yn newid i’r ffordd y mae’r sefydliad yn gweithio, neu’n newid i’r ffordd yr ydych yn darparu gofal a chymorth. 

I gynnwys ac i hysbysu pobl, mae hefyd angen i arweinwyr atgyfnerthu diwylliant agored a chyfranogiad.

Mae'n bosib na fyddai rhai adnoddau allanol yn hygyrch neu ar gael yn ddwyieithog. Dydyn ni ddim yn gyfrifol am adnoddau allanol.

• Pecyn cychwynnol llesiant yn y gweithle – Cymru Iach ar Waith
  Canllaw cam wrth gam i adeiladu gweithle iachach a hapusach.
   
• Offeryn arolwg i gyflogwyr – Cymru Iach ar Waith
  Ffordd gyflym ac ymarferol o ddod i wybod a yw’ch sefydliad yn gwneud popeth y gall ei wneud i gefnogi iechyd a llesiant y gweithwyr.
   
• Cwestiynau arolwg i fesur llesiant (Saesneg yn unig) – What Works Wellbeing
  Cwestiynau y gallwch eu defnyddio i fesur llesiant yn y gweithle.