Dylai sgyrsiau ddigwydd yn rhywle lle mae'r person rydych chi'n ei gefnogi yn teimlo'n gyfforddus.
Weithiau gellir cynllunio'r sgyrsiau hyn, ond nid bob amser.
Efallai y bydd yn rhaid i weithiwr cymdeithasol sy'n gwneud asesiad, neu weithiwr allweddol mewn tŷ byw â chymorth, gynllunio sgwrs cyn iddi ddigwydd.
Bydd y rhain yn aml yng nghartref y person ei hun. Ond mae'n bwysig meddwl am breifatrwydd ac unrhyw un arall a allai glywed, gan y gall y person rydych chi'n ei gefnogi fod yn rhannu gwybodaeth bersonol.
Mae pobl yn aml yn cael sgyrsiau gwych wrth yrru, wrth fynd am dro, neu mewn rhywle sydd heb bobl eraill a heb y pethau sy'n tynnu sylw
Meddyliwch am y person a'r amgylchedd.
Ydy sŵn neu dorf o bobl yn ei lethu?
A fyddai'n fwy cyfforddus gyda rhywun y mae’n ymddiried ynddo?
Y peth pwysicaf yw bod y sgwrs yn digwydd mewn lle y mae'r person yn teimlo'n fwyaf cyfforddus ynddo a bod y sgwrs ddim yn cael ei gorfodi.
Mewn rhai sefyllfaoedd, fel yn ystod argyfwng, efallai y bydd angen i sgyrsiau ddigwydd mewn lleoliadau nad ydyn nhw o blith dewis cyntaf y person.
Ceisiwch bob amser gefnogi'r person i fod mewn lleoliadau sydd fwyaf cyfarwydd iddo.
Meddyliwch am y sgwrs o safbwynt y person a gefnogir:
