Fel arfer, mae'r sgyrsiau hyn yn dechrau y tro cyntaf i chi fod mewn cysylltiad â'r person.
Gallai hyn fod trwy broses ffurfiol, fel gweithiwr cymdeithasol yn cynnal asesiad. Neu gallai fod trwy sgwrs anffurfiol pan fydd rhywun yn gofyn am gyngor neu gefnogaeth.
Gall sgyrsiau am yr hyn sy'n bwysig ddechrau y tro cyntaf i chi gwrdd neu siarad â'r person rydych chi'n ei gefnogi, boed yn ffurfiol neu'n anffurfiol.
Os ydych chi'n gweithio mewn rôl gofal, cymorth neu gynghori, mae bob amser yn bwysig darganfod beth sy'n bwysig i'r person rydych chi'n ei gefnogi.
Os mai eich rôl chi yw rhoi cefnogaeth barhaus i rywun, dylech chi wneud yn siŵr bod y sgyrsiau hyn yn digwydd yn rheolaidd.
Gall yr hyn sy'n bwysig i rywun newid dros amser – weithiau o un diwrnod i'r llall hyd yn oed.
Er enghraifft, efallai y bydd yn darganfod ei fod yn mwynhau dringo creigiau ar ôl rhoi cynnig arni am y tro cyntaf. Hyd yn oed os dyw e ddim yn gallu cyfathrebu hyn ar lafar, gall ei ymatebion ddangos sut mae'n teimlo ynghylch hynny.
Meddyliwch pryd y mae'r person yn fwyaf tebygol o ymgysylltu â chi. Gallai hyn fod ar adeg benodol o'r dydd, gyda phobl benodol, neu mewn mannau penodol.
Gall deall yr amseroedd a'r lleoliadau gorau ar gyfer y sgyrsiau hyn eich helpu i ddysgu'r hyn sy'n bwysig i'r person, a phenderfynu pryd ac ym mhle i gael y trafodaethau hyn.
Byddwch yn ymwybodol o adegau nad ydyn nhw'n dda i'r person efallai, fel yn agos i ddyddiad marwolaeth un o'i anwyliaid neu brofiad poenus.
Os yw'r sgwrs am 'yr hyn sy'n bwysig' yn rhan o broses statudol, bydd angen i chi ei chael ar adeg benodol. Ond ystyriwch deimladau a dewisiadau'r person bob amser.
Mewn cyfnod o argyfwng, mae hyd yn oed yn bwysicach gwneud i'r person deimlo mor gyfforddus ac hamddenol â phosibl.
Meddyliwch am y sgwrs o safbwynt y person a gefnogir:
