Rolau Grŵp E sydd â’r gair olaf am benderfyniadau diogelu yn ystod y broses ddiogelu.
Gallant roi cyngor ar sefyllfaoedd lefel uchel, cymhleth. Maent yn ‘gwneud penderfyniad’ am unrhyw benderfyniadau diogelu y mae angen eu gwneud.
Ni ellir gwneud rhai penderfyniadau yn y broses ddiogelu o dan y lefel hon.
Mae’r rhain yn cynnwys y lefelau uwch o becynnau gofal a chefnogaeth (lleoliadau) sydd eu hangen weithiau oherwydd pryderon diogelu.
Efallai na fydd gan rai asiantaethau bobl sy’n gweithio ar y lefel hon oherwydd y lefel uchel o arbenigedd, gwybodaeth a phwerau gwneud penderfyniadau sydd eu hangen yn y broses ddiogelu.
Byddai'r bobl sy'n gweithio ar y lefel hon hefyd yn cynghori asiantaethau eraill ar eu maes arbenigedd. Byddent yn gallu arwain gwaith diogelu rhanbarthol neu genedlaethol yn eu maes arbenigedd.
Byddent yn cymryd rhan yn rheolaidd mewn grwpiau rhanbarthol neu genedlaethol sy’n edrych ar faterion diogelu, gan gynnwys mentrau cenedlaethol ac adolygiadau cymhleth.
Nid ymarferwyr Grŵp E o reidrwydd fyddai’r bobl ar y lefelau uchaf mewn sefydliadau, gan y gallai’r rhain fod yng ngrŵp F (a fyddai’n cynnwys aelodau etholedig, aelodau bwrdd a phrif weithredwyr).
Efallai y bydd yn rhaid iddynt gynghori pobl yng ngrŵp F.
Mae gan bobl yng ngrŵp F bwerau gwneud penderfyniadau uwch yn gyffredinol ond ni fyddent yn cymryd rhan ym manylion y broses ddiogelu nac yn gwneud penderfyniadau am y broses.
Egwyddorion cofiadwy
- Mae gennyf oruchwyliaeth strategol ar yr holl faterion diogelu o fewn y sefydliad.
- Byddaf yn anelu at wneud yn siŵr bod gennym ddigon o adnoddau i gyflawni dyletswyddau diogelu’r sefydliad.
- Byddaf yn defnyddio fy ngwybodaeth a'm dylanwad i wella arferion diogelu yn rhanbarthol ac yn genedlaethol.
Yn ôl y safonau, mae angen i bobl yng ngrŵp E wybod:
- y cymwyseddau craidd (os ydynt yn arweinwyr sector neu â rolau arbenigol)
- sut i weithio mewn ffyrdd sy'n diogelu pobl rhag camdriniaeth, niwed ac esgeulustod
- sut i gefnogi eraill i ddiogelu pobl.