Mae'r fframwaith hwn yn darparu adnoddau a chamau gweithredu i sefydliadau gofal cymdeithasol i’w helpu i gadw staff. Mae cadw staff sydd â’r gwerthoedd a'r sgiliau cywir yn hanfodol wrth ddarparu'r gofal a'r gefnogaeth sy'n seiliedig ar berthynas sy'n bwysig i bobl.
Cadw staff – yr heriau presennol
Dangosodd ein harolwg Dweud eich Dweud 2025 mai cadw staff yw un o'r heriau mwyaf arwyddocaol sy'n wynebu gofal cymdeithasol.
Mae bron i un o bob pump o weithwyr yn dweud eu bod yn bwriadu gadael gofal cymdeithasol o fewn y 14 mis nesaf. Roedd y rhesymau a restrwyd dros adael y sector yn cynnwys:
- cyflog isel
- diffyg cydnabyddiaeth
- amodau gwaith gwael
- cyfleoedd datblygu cyfyngedig.
Mae llwythi gwaith uchel a phrinder staff yn ychwanegu at y pwysau, gan wneud rolau yn anoddach eu cynnal.
Ar yr un pryd, dywedodd bron i hanner y gweithlu fod angen gwell hyfforddiant a llwybrau cliriach ar gyfer cynnydd gyrfa.
Mae'r canfyddiadau hyn yn dangos pam ei fod yn hanfodol i wella cyfraddau cadw staff - nid yn unig ar gyfer sefydlogrwydd y gweithlu, ond ar gyfer darparu gofal cyson o ansawdd uchel.
Y fframwaith
Mae'r fframwaith hwn yn tynnu sylw at adnoddau sydd wedi'u cynllunio i helpu cyflogwyr i fynd i'r afael â'r heriau hyn yn uniongyrchol.
Ein nod yw eich helpu i greu amodau sy'n annog staff i aros, tyfu a ffynnu yn eu rolau.
Rydyn ni wedi dod ag adnoddau ac ymchwil at ei gilydd i helpu i wella cadw'r gweithlu a datrys rhai o'r problemau y gall trosiant staff uchel eu hachosi. Gall yr adnoddau helpu i ddarparu profiad cadarnhaol yn y gweithle i bobl, a bydd hyn, yn ei dro, yn arwain at well gofal i bobl sy'n defnyddio gofal a chymorth.
Prif prif themau i gefnogi cadw’r gweithlu
Themâu
Prif prif themâu
Rydyn ni wedi grwpio'r adnoddau o dan bedwar pennawd allweddol:
- denu a recriwtio
- dysgu a datblygu
- rheoli ac arwain
- defnyddio ymchwil.
Y camau nesaf
Rydyn ni wedi ymrwymo i ddatblygu adnoddau pellach dros amser i gefnogi rheolwyr, arweinwyr a sefydliadau i wella eu gallu i gadw eu gweithlu. Mae'r rhain yn cynnwys: arolygon cadw staff, fframweithiau cyflog a chynnydd, a dulliau o recriwtio sy’n seiliedig ar werthoedd.
Cysylltu â ni
Oes meysydd neu adnoddau eraill rydych chi'n teimlo a fyddai'n eich helpu i wella cadw'r gweithlu? Gadewch i ni wybod drwy e-bostio strategaethgweithlu@gofalcymdeithasol.cymru.