Mae ymchwil ym maes gofal cymdeithasol yn helpu i ddangos yr hyn sy'n gweithio go iawn o ran cefnogi, ysgogi a chadw staff. Gall hefyd helpu i droi mewnwelediad yn welliant ymarferol. Wrth ddefnyddio tystiolaeth i lunio polisïau, hyfforddiant a diwylliant yn y gweithle, gall sefydliadau greu amodau lle mae pobl yn teimlo eu bod yn cael eu gwerthfawrogi, ac felly yn fwy tebygol o aros.
Mae ymchwil yn nodi dulliau sy'n seiliedig ar dystiolaeth a all helpu i wella cyfraddau cadw’r gweithlu. Mewn gofal cymdeithasol, rydyn ni’n ceisio cryfhau ein dull o ddarparu ymchwil defnyddiol ac ymarferol sy'n cefnogi sefydliadau i wella ymarfer ar draws pob gwasanaeth.