Mae ein harolwg Dweud Eich Dweud o’r gweithlu gofal cymdeithasol ar gyfer 2026 bellach ar agor.
Yr arolwg blynyddol hwn yw eich cyfle i rannu eich profiad o weithio ym maes gofal cymdeithasol gyda ni.
Bydd gennych chi gyfle i ateb cwestiynau am bethau fel eich iechyd a’ch llesiant, cyflog ac amodau, a sut rydych chi’n teimlo am weithio yn y sector.
Mae eich ymatebion yn rhoi cipolwg gwych i ni o sut beth yw gweithio ym maes gofal cymdeithasol yng Nghymru ac yn helpu i lywio’r cymorth rydyn ni a’n partneriaid yn ei gynnig. Maen nhw hefyd yn amlygu materion pwysig i Lywodraeth Cymru ac yn ein helpu i fonitro tueddiadau dros amser.
Bydd yr arolwg yn cymryd tua 20 munud i’w gwblhau. Bydd eich ymatebion yn gwbl ddienw – ni fydd neb yn gwybod pwy sydd wedi cymryd rhan yn yr arolwg.
Bydd yr arolwg yn cau ar 4 Mawrth.
