Rydyn ni wedi cyhoeddi pecyn cymorth i'ch helpu i ddenu, recriwtio a chefnogi gweithwyr sy'n cyd-fynd â'ch gwerthoedd a'ch diwylliant, ac sydd eisiau aros gyda'ch sefydliad.
Mae ein pecyn cymorth recriwtio sy'n seiliedig ar werthoedd yn cynnwys awgrymiadau a thempledi ymarferol i'ch helpu i adolygu eich arferion recriwtio cyfredol, ac ymgorffori gwerthoedd yn yr hyn rydych chi eisoes yn ei wneud.
Rydyn ni wedi dylunio'r pecyn cymorth ar gyfer pobl sy'n gweithio mewn gofal plant preswyl, ond gall unrhyw un sy’n recriwtio mewn gofal cymdeithasol ei ddefnyddio.
Mae'r pecyn cymorth ymarferol hwn yn cael ei gefnogi gan bum fideo, gan gynnwys astudiaeth achos yn dangos sut mae hyn wedi'i ddefnyddio i adolygu arferion recriwtio mewn awdurdod lleol.
Gall hyn eich helpu i gael y gorau o'ch recriwtio.
Rydyn ni’n gwybod y gall recriwtio seiliedig ar werthoedd eich cefnogi i:
- ehangu eich cronfa recriwtio trwy edrych y tu hwnt i brofiad a chymwysterau blaenorol
- denu ac uwcholeuo’r ymgeiswyr sydd â'r potensial a'r angerdd i fod yn weithwyr anhygoel
- dod o hyd i ymgeiswyr sydd wedi ymrwymo i ddiwylliant a gweledigaeth eich sefydliad
- creu diwylliant cadarnhaol sydd ei angen i ddarparu gofal rhagorol
- rhoi gofal a chymorth fel y nodir yn y Ddeddf Gwasanaethau Cymdeithasol a Llesiant (2014) a Deddf Llesiant Cenedlaethau'r Dyfodol (2015).