Mae pobl yn dysgu mewn ffyrdd amrywiol – trwy hyfforddiant, goruchwyliaeth, trafodaethau proffesiynol ac ymarfer bob dydd. Mae gan reolwyr a goruchwylwyr rôl bwysig wrth gefnogi dysgu a datblygiad proffesiynol. Gallan nhw gefnogi gweithwyr drwy greu cyfleoedd i ddysgu, myfyrio a rhoi gwybodaeth newydd ar waith.
Mae'r dudalen hon yn cynnig canllawiau ac adnoddau ymarferol i reolwyr a goruchwylwyr er mwyn cefnogi datblygiad proffesiynol parhaus (DPP) ac ymarfer myfyriol eu staff.
Mae cefnogi datblygiad proffesiynol yn helpu gweithwyr i ddarparu gofal a chymorth diogel, effeithiol sy’n canolbwyntio ar y person. Mae sgyrsiau rheolaidd am ddysgu yn helpu gweithwyr i barhau i ddatblygu eu sgiliau a'u gwybodaeth drwy gydol eu gyrfaoedd.
Fel rheolwr, gallwch chi gefnogi gweithwyr i:
Mae diwylliant dysgu cadarnhaol yn annog pobl i ddysgu, rhannu syniadau a myfyrio ar eu harfer. Dylai dysgu fod yn rhan o arfer bob dydd, nid dim ond hyfforddiant ffurfiol.
Gallwch greu diwylliant dysgu cadarnhaol drwy:
Bydd anghenion dysgu yn newid drwy gydol gyrfa rhywun. Defnyddiwch oruchwyliaeth a sgyrsiau rheolaidd i siarad am:
Mae'r sgyrsiau hyn yn helpu gweithwyr i nodi cyfleoedd dysgu sy'n berthnasol i'w rôl a'u datblygiad proffesiynol.
Gall y Codau Ymarfer Proffesiynol ar gyfer Gofal Cymdeithasol, a'r Safonau Galwedigaethol Cenedlaethol (NOS) helpu i nodi'r wybodaeth, y sgiliau a'r ymddygiadau sydd eu hangen ar gyfer gwahanol rolau, a chefnogi sgyrsiau am ddysgu a datblygu.
Mae goruchwyliaeth yn rhoi amser i weithwyr fyfyrio ar eu harfer, trafod yr hyn maen nhw wedi'i ddysgu a gosod nodau datblygu.
Defnyddiwch oruchwyliaeth i archwilio:
Mae sgyrsiau myfyriol yn helpu gweithwyr i ddeall sut mae dysgu'n effeithio ar eu hymarfer ac yn gwella'r gofal a'r gefnogaeth maen nhw'n eu darparu.
Defnyddiwch ein cwestiynau myfyriol ar gyfer goruchwylio i gefnogi'r sgyrsiau hyn.
Nid drwy hyfforddiant ffurfiol yn unig y mae dysgu'n digwydd. Mae gweithwyr yn dysgu drwy lawer o brofiadau, gan gynnwys:
Mae cydnabod dysgu anffurfiol yn helpu gweithwyr i ddeall bod datblygiad proffesiynol yn digwydd bob dydd.
Mae dysgu'n cael yr effaith fwyaf pan gaiff ei gymhwyso'n ymarferol.
Defnyddiwch oruchwyliaeth i drafod:
Mae'r sgyrsiau hyn yn helpu gweithwyr i ddefnyddio'r hyn maen nhw wedi'i ddysgu ac i nodi anghenion datblygu yn y dyfodol.
Mae rheolwyr yn chwarae rhan bwysig wrth helpu gweithwyr i ddatblygu eu gyrfaoedd.
Mae sgyrsiau datblygu rheolaidd yn helpu gweithwyr i:
Pan fydd rheolwyr yn cefnogi datblygiad gyrfa, mae gweithwyr yn meithrin hyder ac yn datblygu'r wybodaeth a'r sgiliau sydd eu hangen arnyn nhw ar gyfer rolau yn y dyfodol.
Gall y fframwaith tâl a dilyniant a'r fframwaith cymwysterau gefnogi sgyrsiau datblygu gyrfa drwy helpu gweithwyr i ddeall y wybodaeth, y sgiliau a'r cymwysterau sy'n cefnogi cynnydd.
Efallai y byddwch hefyd yn gweld yr adnoddau hyn yn ddefnyddiol:
Tudalennau cysylltiedig
