Gweithlu sydd â hyder y cyhoedd

Rydyn ni’n diogelu'r cyhoedd drwy sicrhau bod y gweithlu a reoleiddir wedi'i gofrestru ac yn addas i ymarfer.

Gall pobl sy'n dibynnu ar ofal a chymorth fod yn sicr bod gweithiwr cofrestredig yn gymwys ac wedi cytuno i fodloni'r safonau proffesiynol rydyn ni wedi'u gosod ar gyfer y sector.

Dangosodd arolwg diweddaraf Omnibus o’r cyhoedd yng Nghymru ym mis Mawrth 2023 fod gan bobl canfyddiad cadarnhaol yn sgiliau a phroffesiynoldeb y gweithlu. Dywedodd:

• 72 y cant o'r rhai a holwyd fod ganddyn nhw hyder yn y rhai sy'n gweithio ym maes gofal
• 82 y cant a holwyd eu bod yn gwybod beth oedd safon dderbyniol o ofal.

• Roedd 53,537 o weithwyr gofal cymdeithasol wedi cofrestru gyda ni erbyn 31 Mawrth 2023
• Mae hyn 18,000 yn fwy nag ym mis Mawrth 2022
• Mae'r rhan fwyaf o'r gweithlu gofal cymdeithasol yng Nghymru wedi cofrestru gyda ni erbyn hyn.

Yn 2022 i 2023:

• cafodd 394 o weithwyr gofal cymdeithasol eu cyfeirio at ein tîm addasrwydd i ymarfer
• fe wnaethon ni gynnal 50 gwrandawiad terfynol
• cafodd 36 o bobl (0.07 y cant o'r Gofrestr) eu tynnu oddi ar y Gofrestr, fel na allant weithio mewn rôl gofal cymdeithasol gofrestredig yng Nghymru mwyach.

Mae cymryd rhan mewn ymchwiliad addasrwydd i ymarfer yn gallu bod yn gyfnod dryslyd ac yn ofidus. Felly fe wnaethon ni sefydlu llinell gymorth llesiant i helpu unrhyw un sy'n mynd drwy'r broses gwrandawiadau:

• cysylltodd 10 o bobl
• cynhaliwyd 25 o sesiynau cwnsela.