Gwasanaethau gofal cymdeithasol a'r blynyddoedd cynnar sy'n denu, recriwtio a chadw pobl â'r gwerthoedd cywir i ddiwallu anghenion y rhai sydd angen gofal a chymorth.
Trosolwg o'n cynnydd yn erbyn y canlyniad hwn o'n cynllun strategol yn ystod 2022 i 2023.
Rydyn ni’n parhau i adeiladu ar frand Gofalwn Cymru i ddenu, recriwtio a chadw pobl yn y sector gofal cymdeithasol a blynyddoedd cynnar.
Rydyn ni wedi datblygu ein ymgyrch cenedlaethol a phorth swyddi Gofalwn Cymru ymhellach, sy'n cael ei werthfawrogi a'i ddefnyddio gan fwy o ddarparwyr. Rydyn ni wedi cyflwyno cynllun cyfweliad gwarantedig ac wedi adeiladu ar weithio mewn partneriaeth i wella ein rhaglenni Cyflwyniad i ofal cymdeithasol a gofal plant yn barhaus.
Rydyn ni wedi gweld cynnydd yn nifer y swyddi sy'n cael eu postio ar ein porth swyddi ac yn nifer y ceisiadau uniongyrchol.
Mae'r porth swyddi yn ffordd hawdd i gyflogwyr gofal cymdeithasol a blynyddoedd cynnar hysbysebu eu swyddi gwag ac i bobl weld y swyddi gwag sydd ar gael yn eu hardal.
Yn 2022 i 2023:
Roedd 600 o bobl wedi cwblhau'r rhaglen Cyflwyniad i ofal cymdeithasol erbyn diwedd mis Mawrth 2023.
Yn dilyn y rhaglen, mae 20 y cant o bobl wedi dod o hyd i gyflogaeth neu wedi parhau â'u haddysg.
Cwblhaodd mwy na 70 aelod o Ganolfan Gymunedol Affricanaidd Abertawe y rhaglen ac ers hynny mae 35wedi mynd ymlaen i weithio ym maes gofal cymdeithasol.
Mae 116 o bobl wedi cwblhau'r rhaglen Cyflwyniad i Ofal Plant o fewn y chwe mis cyntaf ar ôl ei lansio.
“O ganlyniad i'r cwrs hwn roeddwn i'n ystyried newid gyrfa. Ar ôl 20 mlynedd yn fy swydd bresennol, dwi wedi rhoi fy rhybudd i mewn i ddechrau gyrfa newydd ym maes gofal plant. Yn ffodus, dwi wedi cael swydd lawn amser fel nyrs feithrin a dwi'n dechrau mewn pythefnos, ac alla i ddim aros!”
– Un dilyn y rhaglen Cyflwyniad i ofal plant
