Fframwaith gwerthoedd ac ymddygiadau enghreifftiol ar gyfer gofal preswyl i blant yng Nghymru

• Defnyddiwch y fframwaith enghreifftiol hwn i feddwl sut y gallai pob un o'r gwerthoedd ac ymddygiadau fod yn berthnasol i ddiwylliant eich gweithle a'r hyn rydych chi'n ei ddisgwyl gan aelodau eich staff. 

• Cynhwyswch eich staff a'ch plant a phobl ifanc wrth drafod y gwerthoedd a'r ymddygiadau sydd bwysicaf iddyn nhw yn eich lleoliad. Ceisiwch eu hadborth a'i ddefnyddio i greu fframwaith sy'n berthnasol i'ch lleoliad. 

• Gwnewch yn siŵr bod eich fframwaith gwerthoedd ac ymddygiadau yn adlewyrchu ac yn disgrifio eich diwylliant mewn iaith sy'n golygu rhywbeth i staff, plant a phobl ifanc. Defnyddiwch iaith y byddent yn ei defnyddio o ddydd i ddydd wrth fyw a gweithio gyda'i gilydd.

• Gwnewch yn siŵr bod eich arweinwyr a'ch rheolwyr wedi ymrwymo i fabwysiadu a defnyddio'r fframwaith, ac iaith y gwerthoedd a'r ymddygiadau, pan fyddant yn rheoli staff ac yn gwneud penderfyniadau.

• Cyfathrebwch a rhannwch y gwerthoedd a'r ymddygiadau newydd gyda'ch aelodau staff, a'r plant a'r bobl ifanc yn y cartref gofal.

• Cynlluniwch sut i ddechrau ymgorffori'r gwerthoedd a'r ymddygiadau newydd ym mhob agwedd ar eich prosesau recriwtio a rheoli gan ddefnyddio'r model recriwtio sy'n seiliedig ar werthoedd y 5 A.

Gallech ddefnyddio'r teclyn mapio a ddarperir i edrych ar sut mae'r gwerthoedd hynny'n cyd-fynd â'r gwerthoedd gofal plant preswyl enghreifftiol er mwyn dod o hyd i ffyrdd o'u mynegi'n wahanol ar gyfer eich cartref gofal. 

Gallech ddefnyddio'r teclyn mapio i fapio eich gwerthoedd a'ch ymddygiadau eich hun ar y fframwaith a gofyn:

• oes yna unrhyw fylchau?
• oes yna unrhyw werthoedd neu ymddygiadau y gallech eu hychwanegu at eich fframwaith i'w wneud yn well?

Ar ôl i chi ddiweddaru eich fframwaith, rhannwch ef gyda'ch arweinwyr a'ch rheolwyr a gwnewch yn siŵr eu bod yn rhannu'r un iaith, ac wedi ymrwymo i'w hymgorffori yn eich lleoliad.

Adolygwch a myfyriwch ar ba mor dda rydych chi wedi cyfathrebu a rhannu eich fframwaith gyda staff presennol, staff rydych chi'n eu recriwtio, a gyda phlant a phobl ifanc. Gofynnwch:

•  a allech chi wneud unrhyw beth arall i gyfleu'r gwerthoedd a'r ymddygiadau'n glir i staff a phlant a phobl ifanc?
•  ydych chi'n defnyddio'r gwerthoedd a'r ymddygiadau yn y ffordd fwyaf effeithiol wrth recriwtio a rheoli eich staff?

Ein hymddygiadau 

Mae hyn yn golygu ein bod ni’n:

•  rhoi plant a phobl ifanc wrth wraidd popeth a wnawn

•  dod i adnabod plant a phobl ifanc, a gwrando'n weithredol arnyn nhw, er mwyn deall beth sy'n bwysig iddyn nhw

•  rhoi cyfleoedd i blant a phobl ifanc rannu eu persbectif a gwrando heb farnu

•  ymrwymedig ac angerddol am wneud unrhyw beth a allwn i wneud bywydau plant a phobl ifanc yn hapusach ac yn haws, ac i'w paratoi ar gyfer llwyddiant mewn bywyd

•  bod ag amynedd ac empathi, gan ddeall sut mae cefndiroedd a phrofiadau plant a phobl ifanc yn effeithio arnyn nhw, a'u helpu i adeiladu ar eu cryfderau

•  sicrhau bod plant a phobl ifanc yn cael y gofal a'r gefnogaeth sy'n diwallu eu hanghenion unigol

•  dangos ein hymrwymiad i hawliau'r plentyn, a chynnwys plant a phobl ifanc yn llawn mewn materion sy'n effeithio arnyn nhw

•  creu amgylchedd cynnes, caredig, cartrefol a chyfeillgar i blant a phobl ifanc

•  rhoi ein sylw llawn i blant a phobl ifanc, gan fod â diddordeb ynddyn nhw a'r hyn sydd bwysicaf iddyn nhw

•  bod yn hyrwyddwr dros y person ifanc a'u hanghenion, a helpu i eiriol ar draws strwythurau sefydliadol

•  cefnogi ymddygiad cadarnhaol yn unol â pholisïau a gweithdrefnau sefydliadol y cytunwyd arnyn nhw, gan ddefnyddio ymyrraeth gorfforol gyfyngol fel dewis olaf.

Ein hymddygiadau

Mae hyn yn golygu ein bod ni’n:

•  trin pawb ag urddas a pharch waeth beth fo'u diwylliant, crefydd, oedran, hil, cyfeiriadedd rhywiol, niwroamrywiaeth neu anabledd

•  bod yn gynnes, yn garedig, yn empathig, yn ddibynadwy, ac yn dosturiol i bawb rydyn ni'n gweithio gyda nhw ac yn eu cefnogi

•  parchu barn, dymuniadau, teimladau a hawliau plant a phobl ifanc a'u gofalwyr

•  hyrwyddo lles, llais a rheolaeth plant a phobl ifanc a'u gofalwyr, gan eu cefnogi i aros yn ddiogel

•  parchu hawliau plant a phobl ifanc gan sicrhau nad yw eu hymddygiad yn niweidio eu hunain na phobl eraill

•  ystyried ffordd gyfathrebu ddewisol yr unigolyn a newid sut rydyn ni'n cyfathrebu dulliau i ddiwallu eu hanghenion

•  ymateb i blant a phobl ifanc yn dosturiol ac yn barchus pan fyddant yn encilio, yn ddig, neu'n ofidus

•  ateb cwestiynau a phryderon plant a phobl ifanc yn sensitif ac yn briodol

•  rhoi gwybod i blant a phobl ifanc sut mae gwybodaeth amdanyn nhw yn cael ei rhannu a sut mae penderfyniadau'n cael eu gwneud

•  deall mai cartref plentyn neu berson ifanc yw hwn

•  dangos empathi at eu heriau, a pharchu eu hangen am breifatrwydd

•  parchu'r sefyllfa o ymddiriedaeth sydd gennym gyda phlant a phobl ifanc.

Ein hymddygiadau

Mae hyn yn golygu ein bod ni’n:

• gweithredu bob amser gyda chywirdeb, gonestrwydd a dibynadwyedd

• bodloni'r safonau yn y Cod Ymarfer Proffesiynol

• atebol am ansawdd ein gwaith

• cymryd cyfrifoldeb personol am ddarparu gofal a chymorth diogel o ansawdd uchel i blant a phobl ifanc

• hyblyg ac yn rhagweithiol – rydyn ni’n ymateb yn bwyllog i'r hyn sy'n digwydd yn ystod y dydd ac yn barod i newid i ddiwallu anghenion y gwasanaeth a'r plant a'r bobl ifanc

• cymryd cyfrifoldeb am gynnal a datblygu ein gwybodaeth a'n sgiliau

• trin gwybodaeth bersonol plant, pobl ifanc a theuluoedd gyda disgresiwn wrth rannu gwybodaeth yn briodol yn unol â pholisïau rhannu gwybodaeth y sefydliad

• dilyn polisi'r sefydliad ar ffiniau proffesiynol, a chael ffiniau clir a phriodol ym mhob perthynas â phlant a phobl ifanc

• cael cefnogaeth a chymryd camau sensitif lle mae plentyn neu berson ifanc yn camddarllen neu'n mynd yn ddryslyd am sefyllfa neu berthynas

• cydnabod a gweithio o fewn terfynau ein cymhwysedd

• cymryd cyfrifoldeb am ofalu am ein llesiant, a chael cyngor gan reolwyr a chydweithwyr

• bod yn agored ac yn onest os gwnawn gamgymeriad, gan hunan-fyfyrio a bod yn barod i ddysgu o'n camgymeriadau

• codi pryderon neu herio eraill pan rydyn ni’n poeni am ansawdd neu ddiogelwch y gofal a'r gefnogaeth sy'n cael ei rhoi i blant a phobl ifanc.

Ein hymddygiadau

Mae hyn yn golygu ein bod ni’n:

• anelu at sefydlu a chynnal ymddiriedaeth a hyder yn ein perthnasoedd â phlant a phobl ifanc a'u gofalwyr a'u teuluoedd

• deall ein rôl, ein cyfrifoldebau a'n cyfraniad ein hunain i'r tîm a chwarae ein rôl yn y tîm

• deall rolau a chyfrifoldebau pawb arall yn y tîm, a pharchu a gwerthfawrogi cyfraniadau pawb

• gwrando ar anghenion a blaenoriaethau pobl eraill, a pharchu blaenoriaethau a ffyrdd o weithio gwahanol bobl

• cefnogi eraill yn y tîm a chynnig cymorth ac arweiniad pan fyddan nhw ei angen

• rheoli anghytundebau yn adeiladol, gan roi adborth i bobl mewn modd cefnogol a thosturiol

• defnyddio dulliau cyfathrebu y cytunwyd arnyn nhw i fyfyrio gydag aelodau eraill y tîm a rhannu gwybodaeth mewn trosglwyddiadau, i gefnogi gwasanaeth cydlynol, cyson a diogel

• paratoi ar gyfer cyfarfodydd a chyfleoedd gweithio mewn tîm, a chyfrannu'n gadarnhaol atyn nhw

• modelu ymddygiadau a ffyrdd cadarnhaol o weithio pan fyddwn yn gweithio gyda phobl eraill

• datblygu rhwydweithiau lleol a chynnwys gweithwyr proffesiynol eraill pan fydd eu hangen arnom am wybodaeth a chymorth ychwanegol.