Helpwch ni i siapio ein Cynllun cydraddoldeb strategol

Dyma’r cam cyntaf yn y gwaith ymgysylltu ar ein 'Cynllun cydraddoldeb strategol newydd ar gyfer 2027 i 2031'. 

 
Mae’r cynllun hwn yn amlinellu ein gweledigaeth o ran sut y byddwn ni’n:  

• mynd ati’n rhagweithiol i fynd i’r afael â gwahaniaethu 

• hybu cydraddoldeb ac amrywiaeth yn ein holl waith 

• meithrin cymdeithas fwy cynhwysol ledled Cymru. 

Mae cynllun cydraddoldeb strategol yn orfodol o dan Ddyletswydd Cydraddoldeb y Sector Cyhoeddus yng Nghymru. Mae’n amlinellu: 

• ein hamcanion cydraddoldeb 

• y camau a’r amserlenni ar gyfer cyflawni ein nodau 

• sut y byddwn ni’n monitro ein cynnydd a’n heffeithiolrwydd 

• sut y byddwn ni’n casglu ac yn cyhoeddi gwybodaeth berthnasol yn ymwneud â chydraddoldeb 

• sut y byddwn ni’n cynnal asesiadau o’r effaith ar gydraddoldeb 

• sut y byddwn ni’n mynd i’r afael â phroblemau, fel gwahaniaethau mewn tâl ac ymwybyddiaeth staff. 

Gan dynnu ysbrydoliaeth o'n cynllun strategol 2022 i 2027 ac wedi'i siapio gan yr heriau niferus a ddaeth gan bandemig Covid-19, rydyn ni am adeiladu ar ei lwyddiant a mynd ymhellach i fynd i'r afael â gwahaniaethu. Gallwch ddarllen ein cynllun presennol yma. 

Mae ein huchelgais yn mynd y tu hwnt i amcanion. Ni all cydraddoldeb fod yn goddefol, mae'n gofyn am onestrwydd, dewrder a chydweithrediad agored.

Rydyn ni eisiau eich help i lunio dyfodol cydraddoldeb, amrywiaeth a chynhwysiant mewn gofal cymdeithasol a’r blynyddoedd cynnar ledled Cymru, ac o fewn Gofal Cymdeithasol Cymru. 
 
I wneud hyn, hoffem ni glywed eich barn ar beth ddylai gael blaenoriaeth yn y meysydd canlynol: 
 

• Y gweithlu: Cefnogi’r sectorau gofal cymdeithasol, blynyddoedd cynnar a gofal plant fel lleoedd cadarnhaol a theg  i weithio ynddynt 

• Sefydliadau: Cefnogi gwasanaethau i ddatblygu diwylliannau positif, gwrth-wahaniaethol er budd holl ddinasyddion Cymru 

• Systemau ac arweinyddiaeth: Systemau ac arweinyddiaeth strategol sy’n cefnogi tegwch a chydraddoldeb yn y sector gofal cymdeithasol 

• Ein gwaith rheoleiddio: Sicrhau bod ein gwaith i reoleiddio’r sector gofal cymdeithasol yn deg. 

Rydyn ni’n dymuno deall profiadau uniongyrchol gweithwyr proffesiynol ym maes gofal cymdeithasol, defnyddwyr gofal a chymorth, gofalwyr a phartneriaid. Rydyn ni eisiau clywed ble mae anghydraddoldeb yn dal i fod, ble’r ydyn ni wedi gwneud cynnydd, a’r camau yr ydych chi’n  teimlo y dylen ni ganolbwyntio arnynt. 

  Rydyn ni’n dymuno i’r cynllun hwn fod yn rhan o gyfres sy’n meddwl mewn ffordd hirdymor ac yn ystyried llesiant cenedlaethau’r dyfodol.

Bydd eich profiadau a’ch mewnwelediadau’n ein helpu i: 
 

• sicrhau ein bod yn parhau i wneud gwaith sy’n gwneud gwahaniaeth cadarnhaol 

• nodi ble mae anghydraddoldeb yn dal i fod 

• creu nodau sy’n adlewyrchu heriau a chyfleoedd 

• sicrhau bod ein cynllun cydraddoldeb strategol yn cyflawni newid ystyrlon ar gyfer gweithwyr proffesiynol, gofalwyr di-dâl a’r rhai sy’n defnyddio gofal a chymorth. 

Trwy rannu eich barn, byddwch chi’n ein cynorthwyo i greu sector tecach, mwy cynhwysol a gwell i bawb. Dyma’ch cyfle i ddylanwadu ar sut y byddwn ni’n mynd i’r afael â gwahaniaethu ac yn hybu cydraddoldeb am flynyddoedd i ddod. 
 
Helpwch ni i lunio ein cynllun fel ei fod yn adlewyrchu’n huchelgais ar gyfer newid positif a theg,ac yn dod yn ffordd ystyriol o symud ymlaen gyda thargedau uchelgeisiol a chyraeddadwy.