I bwy mae'r digwyddiad
- Ydych chi'n rheolwr cofrestredig gwasanaethau preswyl i oedolion?
- Oes gennych chi ddiddordeb mewn dysgu mwy am sut i ddenu a recriwtio'r bobl iawn?
Ymunwch â'n digwyddiad rhyngweithiol i ddarganfod sut i recriwtio pobl sydd â'r gwerthoedd sydd eu hangen i ddarparu gofal a chefnogaeth ragorol.
Pryd a ble
Cynhelir y digwyddiadau wyneb-yn-wyneb hyn rhwng 9:30am a 4pm yn:
- Canolfan Fusnes Conwy, 18 Tachwedd 2026
- Gwesty Mercure Abertawe, 26 Tachwedd 2026
- Christchurch Centre Casnewydd, 2 Rhagfyr 2026.
Wrth archebu, dewiswch pa ddigwyddiad yr hoffech ei fynychu.
Ynglŷn â'r digwyddiad
Yn ystod y sesiwn hon am recriwtio yn seiliedig ar werthoedd byddwn ni'n archwilio dulliau ymarferol o ymgorffori gwerthoedd yn eich prosesau recriwtio.
Dewch i ymuno â Kerry Cleary o VBR Consulting i ddarganfod sut i:
- feithrin eich dealltwriaeth o recriwtio sy'n seiliedig ar werthoedd
- diffinio'r ymgeisydd delfrydol
- archwilio dulliau o atynnu a hysbysebu
- edrych ar ffyrdd o gynnwys gwerthoedd yn eich deunyddiau recriwtio a'ch prosesau dethol
- nodi ffyrdd o gynnwys pobl â phrofiad byw
- rhoi gwybod i ni sut y gallwn ni helpu i gyflwyno recriwtio sy'n seiliedig ar werthoedd i'r sector gofal cymdeithasol i oedolion ehangach.
Sylwer: Cyn y sesiwn, byddwn ni'n gofyn i chi edrych dros rhai adnoddau rhagarweiniol am recriwtio seiliedig ar werthoedd fel y gallwn ni wneud y mwyaf o'n hamser gyda'n gilydd ar gyfer trafodaeth ystyrlon.
Bydd y digwyddiad yn cael ei fynychu gan ddarparwyr gofal preswyl i oedolion a gwasanaethau preswyl i blant.
Yn ogystal:
Dyma'r sesiwn gyntaf mewn rhaglen ddysgu i'ch helpu chi i greu diwylliant gweithle cadarnhaol, recriwtio pobl sy'n rhannu eich gwerthoedd, a'u cefnogi nhw i aros gyda'ch sefydliad.
Ar ôl y sesiwn hon, byddwn ni'n cynnig tair sesiwn ar-lein ar ddechrau 2027 ynglŷn â:
- atal blinder eithafol (burnout)
- creu diogelwch seicolegol drwy broses ymsefydlu sy'n ystyriol ac yn dosturiol
- deall pobl a'u hanghenion yn y gwaith.
Mae nifer y lleoedd yn gyfyngedig
Dim ond un rheolwr cofrestredig o bob sefydliad preswyl i oedolion all fynychu pob sesiwn, gan fod nifer y lleoedd yn gyfyngedig.
Er mwyn mynychu'r digwyddiad hwn, rhaid i chi ymgymryd â gwaith recriwtio fel rhan o'ch rôl, a bod yn gallu dylanwadu ar arferion recriwtio neu eu newid.