Archebwch slot 30 munud i sgwrsio â'r tîm cymorth i gyflogwyr
Ymunwch â ni ar:
- 2 Tachwedd 2026
- 3 Tachwedd 2026
- 19 Tachwedd 2026
Methu dod? Bydd y sesiynau hyn ar gael yn rheolaidd, felly byddwn ni’n cynnig mwy cyn bo hir.
Beth yw pwrpas y sesiynau hyn?
Os ydych chi'n rheolwr cofrestredig, yn unigolyn cyfrifol (RI), yn gyflogwr, neu'n cefnogi'r gweithlu gofal cymdeithasol yng Nghymru, mae'r sesiynau anffurfiol hyn yn gyfle i sgwrsio gyda ni. Gallwch chi ymuno ar eich pen eich hun neu wahodd cydweithwyr i gymryd rhan.
Rydyn ni yma i wrando a helpu.
Pan fyddwch chi'n archebu eich lle, byddwn ni’n gofyn am amlinelliad byr o'r hyn yr hoffech chi ei drafod fel y gallwn ni wneud yn siŵr bod y cymorth cywir ar gael.
Beth allwn ni siarad amdano?
- cefnogaeth, adnoddau a chyfleoedd sydd gennym ni ar gael i chi
- eich heriau neu themâu sy'n dod i'r amlwg
- rhannu eich arfer da a'ch llwyddiannau
- syniadau yr hoffech eu datblygu
- adeiladu cysylltiadau â'r tîm cymorth i gyflogwyr ac eraill yn ein sefydliad
- deall ein prosesau
- codi cwestiynau yn gynnar ac archwilio'r camau nesaf.
Sylwch
Efallai na fyddwn ni’n gallu ateb pob cwestiwn yn ystod y cyfarfod, ond byddwn ni’n eich helpu chi i nodi'r camau nesaf a'ch cysylltu â'r bobl iawn.
Ni fyddwn ni’n gallu darparu cymorth gyda:
- achosion unigol, ceisiadau, adnewyddiadau, neu materion addasrwydd i ymarfer
- problemau mewngofnodi ar GCCar-lein neu broblemau technegol
- cyngor cyfreithiol
- cwynion am wasanaethau Gofal Cymdeithasol Cymru
- pryderon diogelu.
Fel bob amser, bydden ni'n croesawu eich adborth ar ôl y sesiwn i'n helpu i wella.
Edrychwn ymlaen at gwrdd â chi.