Ymunwch â'n prosiect newydd i'n helpu i ddatblygu diwylliannau cadarnhaol ar draws gofal cymdeithasol

Rydyn ni’n chwilio am ddarparwyr gofal cymdeithasol i oedolion i gymryd rhan mewn prosiect newydd.

Bydd y prosiect yn ein helpu i lunio a phrofi dulliau sy'n cefnogi diwylliannau cadarnhaol mewn gofal cymdeithasol ledled Cymru. 

Drwy gymryd rhan yn y prosiect, byddwch yn:

• profi a rhoi cynnig ar ffyrdd newydd o weithio mewn lle diogel 
• gwneud cysylltiadau a chael cyfle i rwydweithio â phartneriaid a darparwyr allweddol y sector 
• ymuno â ni i ddatblygu a dysgu gyda'n gilydd
• bod yn rhan o lunio diwylliannau gwaith cadarnhaol mewn gofal cymdeithasol ledled Cymru.

Bydd y gwaith hwn yn cefnogi ail gam ein rhaglen newydd i helpu i lunio ac adeiladu diwylliannau cadarnhaol yn y gweithle. 

Mae'r gwaith wedi'u cynllunio i helpu i ddatblygu dysgu a thystiolaeth o dechnegau ymarferol a defnyddiol i gefnogi diwylliannau cadarnhaol yng Nghymru.

Mae'n gyfle i ni weithio gyda'n gilydd gyda darparwyr i ddatblygu a dysgu yn ddiogel am wahanol ffyrdd ymarferol a defnyddiol i gefnogi diwylliannau cadarnhaol.

Bydd y dysgu yn ein helpu i ddatblygu ein cynnig ymchwil, arloesi a gwella. 

Er mwyn gwneud yn siŵr bod y cynnig hwn yn adlewyrchu realiti'r sector,  rydyn ni’n chwilio am gymysgedd amrywiol o ddarparwyr gofal cymdeithasol i oedolion i gymryd rhan yn y rhaglen.

P'un a ydych ar ddechrau eich taith, neu os oes gennych arferion diwylliannau cadarnhaol sefydledig ar waith, bydd eich mewnbwn yn gwneud gwahaniaeth.

I fynegi diddordeb, e-bostiwch: diwylliannaucadarnhaol@gofalcymdeithasol.cymru

Rydyn ni’n gweithio gyda’r Rayne Foundation i hyrwyddo a thyfu diwylliannau cadarnhaol ar draws gofal cymdeithasol.

Gyda'u cefnogaeth, rydyn ni’n gweithio gyda darparwyr gofal cymdeithasol ledled Cymru i ddysgu am eu profiadau o gefnogi a mesur diwylliannau cadarnhaol o fewn eu sefydliadau. 

Cewch ddod o hyd i’n canllaw cefnogi diwylliannau cadarnhaol, ar ein gwefan Y Grŵp Gwybodaeth.