Ynglŷn â'r digwyddiad 

• Ydych chi eisiau dathlu'r gwahaniaeth y mae eich staff yn ei wneud bob dydd? 
• Ydych chi eisiau rhannu syniadau gyda chyflogwyr ledled Cymru ynglŷn â sut rydych chi'n cydnabod ac yn gwerthfawrogi'ch gweithlu? 
• Ydych chi eisiau ffyrdd ymarferol o ddal gwaith da eich gweithlu, fel y gallwch chi ddysgu ohono a rhannu gydag eraill? 

Ymunwch â ni ar gyfer sesiwn ar-lein ryngweithiol wedi'i ysbrydoli gan yr hyn a ddysgwyd gennym o arolwg Dweud eich dweud  2026. Fe wnaeth yr arolwg ddatgelu mai gwneud gwahaniaeth i fywydau pobl yw un o'r prif resymau pam mae pobl yn dewis gweithio ym maes gofal cymdeithasol. 

Gyda'n gilydd, byddwn ni’n dathlu cyfraniad y gweithlu gofal cymdeithasol ac yn rhannu straeon ysbrydoledig o bob cwr o Gymru.  

Byddwn ni’n archwilio sut y gall cydnabod a dal yr effaith y mae pobl yn ei chael helpu sefydliadau i ddenu gefnogi, ysgogi a chadw staff, a gwella gwasanaethau trwy ddysgu parhaus. 

Yn ystod y sesiwn byddwn ni’n: 

• edrych ar sut y gall recriwtio sy’n seiliedig ar werthoedd helpu i ddenu a chadw staff sy'n rhannu gwerthoedd gofal cymdeithasol 
• archwilio beth mae "gwneud gwahaniaeth" yn ei olygu yn ymarferol 
• clywed straeon sy'n tynnu sylw at effaith gofal cymdeithasol ar fywydau pobl 
• rhannu syniadau ar gyfer cydnabod a dathlu llwyddiant 
• trafod sut mae diwylliannau cadarnhaol yn y gweithle yn helpu pobl i deimlo eu bod yn cael eu gwerthfawrogi a'u cefnogi 
• archwilio'r cysylltiad rhwng pwrpas, cydnabyddiaeth a chadw staff 
• meddwl am sut y gallwch chi daflu goleuni ar gyflawniadau eich sefydliad  
• cyfeirio at adnoddau ymarferol gan Gofal Cymdeithasol Cymru. 

Mae'r sesiwn wedi'i hanelu at gyflogwyr gofal cymdeithasol, rheolwyr cofrestredig, arweinwyr tîm ac eraill sydd â diddordeb mewn creu diwylliannau gweithle cadarnhaol lle mae pobl yn teimlo eu bod yn cael eu gwerthfawrogi, eu cydnabod a'u hysbrydoli i aros yn y sefydliad. 

Bydd hwn yn ddigwyddiad rhyngweithiol. Bydd cyfle i chi fyfyrio, rhannu profiadau a dysgu gan gydweithwyr ledled Cymru. Dewch yn barod i ddathlu cyflawniadau eich tîm a chymryd rhan yn y drafodaeth.