HIV (Terrence Higgins Trust Cymru)

Cyflwyniad i'r hyfforddiant e-ddysgu ar HIV

Rydym yn falch o fod wedi gweithio gydag Ymddiriedolaeth Terrence Higgins i ddylunio a datblygu'r hyfforddiant e-ddysgu 'Ni all basio ymlaen', sy'n anelu at feithrin gwybodaeth a hyder am HIV yn y gweithlu gofal cymdeithasol i oedolion yng Nghymru.

Mae'r hyfforddiant yn mynd i'r afael â chredoau a chamddealltwriaeth am HIV, gan atgyfnerthu nad oes modd trosglwyddo'r feirws trwy gyswllt bob dydd fel cyffwrdd, pesychu, rhannu prydau neu ddarparu gofal personol. Mae’n pwysleisio'r neges Ni all basio ymlaen/Anghanfyddadwy = Anhrosglwyddadwy, gan esbonio sut mae triniaeth effeithiol yn atal trosglwyddo.

Mae hefyd yn ymdrin â phynciau fel:

chwalu mythau am HIV yn y Gymru fodern
sut i ddarparu gofal urddasol o ansawdd uchel i bobl sy'n byw gyda HIV mewn gofal cymdeithasol

Cyflwyniad fideo

Trawsgrifiad

Helo Gemma Halliday ydw i, cyfarwyddwr cynorthwyol yng Ngofal Cymdeithasol Cymru. Ein gweledigaeth yw i wneud gwahaniaeth cadarnhaol i ofal a chymorth yng Nghymru i blant, oedolion a’u teuluoedd a’u gofalwyr. Mae angen i lawer o bobl sy’n gweithio ym maes Gofal Cymdeithasol gofrestru gyda ni. Mae bod wedi cofrestru gyda ni yn golygu eich bod yn rhan o weithlu proffesiynol ac yn gallu dangos bod gennych y sgiliau a’r wybodaeth gywir i ddarparu gofal a chefnogaeth dda i bobl Cymru. Rydym yn credu mewn dull sy’n seiliedig ar gryfderau. Mae hyn yn golygu ein bod yn canolbwyntio ar yr unigolyn, ac yn gweithio gyda’i gilydd i benderfynu sut i gefnogi eu hiechyd a’u lles, a byw’r bywyd gorau posibl.

Mae’r adnodd HIV hwn yn bwysig i bawb sy’n gweithio ym maes gofal cymdeithasol, gan y dylid ddarparu gofal cymdeithasol mewn ffordd wrth-wahaniaethol. Rydyn ni eisiau gwneud yn siwr nad yw pobl sy’n byw gyda HIV yn wynebu stigma, p’un ai ydyn nhw’n derbyn gofal a chefnogaeth neu’n gweithio mewn gofal cymdeithasol. Rydyn ni eisiau atgyfnerthu’r neges o U=U, undetectable yn golygu untransmittable. Rhan o hyn yw gwenud yn siŵr bod unrhyw chwedlau hen neu anghywir yn cael eu chwalu. Rwy’n bersonol yn cofio’r negeseuon HIV ac AIDS o’r 80au, felly rwyf am wneud yn sîwr bod pobl yn deall bod pethau’n wahanol nawr a bod pobl â HIV yn gallu byw bywydau hir ac iach gan gynnwys cael plant heb HIV. Rydym am ddathlu llwyddiant triniaethau HIV, ac rydym yn diolch i chi am gwblhau’r e-ddysgu hwn. Mae hyn yn dangos eich ymrwymiad i ddatblygu sector gofal cymdeithasol heb stigma yma yng Nghymru.

Bydd y modiwl dysgu hwn yn helpu i sicrhau bod eich practis yn bodloni gofynion y Cod Ymarfer Proffesiynol. Dylai pob gweithiwr gofal cymdeithasol ddilyn y Cod, hyd yn oed os nad oes rhaid iddynt gofrestru gyda ni. Ac mae’n bwysig cofio nad yw ymddygiad gwahaniaethol yn dderbyniol, a gallai gwestiynu addasrwydd gweithiwr gofal cymdeithaol cofrestredig i ymarfer. Ar ôl i chi orffen y modiwl, cymerwch ychydig o amser i feddwl am yr hyn rydych chi wedi’i ddysgu a sut y gall eich cefnogi gyda’ch ymarfer o ddydd i ddydd. Siaradwch â’ch cyflogwr neu reolwr a rhannwch eich meddyliau gyda nhw.

Ni all basio ymlaen

Ewch i'r hyfforddiant e-ddysgu HIV

Gwybodaeth i weithwyr gofal cymdeithasol, gweithwyr cymdeithasol a myfyrwyr

Bydd yr e-ddysgu hwn yn eich cefnogi i ddarparu gofal o ansawdd uchel i bobl sy'n byw gyda HIV yng Nghymru. Mae'n anelu at wella eich dealltwriaeth o HIV, gan gynnwys cynyddu dealltwriaeth o sut mae'n cael ei drosglwyddo.

Mae ymchwil yn dangos bod llawer o bobl yn dal i gredu mythau am HIV ac yn gallu teimlo’n bryderus am gefnogi pobl sy’n byw gyda’r feirws. Mae’r hyfforddiant hwn yn rhoi gwybodaeth gywir a chyfredol i helpu i fynd i’r afael â’r pryderon hyn.

Mae’r hyfforddiant yn berthnasol i bawb sy’n gweithio ym maes gofal cymdeithasol. Mae’n helpu i hyrwyddo gweithio heb wahaniaethu ac i sicrhau nad yw pobl sy’n byw gyda HIV yn profi stigma, p’un a ydynt yn derbyn gofal neu’n gweithio yn y sector.

Rydym yn credu mewn dull sy’n seiliedig ar gryfderau ym maes gofal cymdeithasol. Mae hyn yn golygu canolbwyntio ar yr unigolyn a gweithio gyda’i gilydd i benderfynu sut i gefnogi eu hiechyd a’u lles yn y ffordd orau, fel eu bod yn gallu byw’r bywyd gorau posibl.

Bydd cwblhau’r hyfforddiant hwn yn eich cefnogi i fodloni gofynion y Cod Ymarfer Proffesiynol ar gyfer Gofal Cymdeithasol.

Gwybodaeth i reolwyr gofal cymdeithasol a chyflogwyr

Mae’r hyfforddiant hwn yn cefnogi’ch timau i ddarparu gofal o ansawdd uchel i bobl sy’n byw gyda HIV, heb stigma. Mae’r cynnwys yn egluro pa mor effeithiol yw triniaethau HIV modern ac mae’n helpu i leihau camddealltwriaeth gyffredin.

Bydd cwblhau’r hyfforddiant yn helpu’ch gweithwyr i fodloni gofynion y Cod Ymarfer Proffesiynol ar gyfer Gweithwyr Gofal Cymdeithasol, y dylai pob gweithiwr ei ddilyn, hyd yn oed os nad oes angen iddynt gofrestru. Bydd hefyd yn eich helpu i fodloni gofynion y Cod Ymarfer Proffesiynol ar gyfer Cyflogwyr Gofal Cymdeithasol.

Os oes angen help arnoch wrth defnyddio’r adnodd hwn mae Gofal Cymdeithasol Cymru ac Ymddiriedolaeth Terrence Higgins yma i'ch cefnogi. Anfonwch e-bost at policy@socialcare.wales neu cysylltwch gyda Ymddiriedolaeth Terrence Higgins Cymru.

Ni all basio ymlaen

Ewch i'r hyfforddiant e-ddysgu HIV