Wythnos Llesiant 2025

Gofal Cymdeithasol Cymru a Cymru Iach ar Waith

Bydd Cymru Iach ar Waith yn ymuno â ni i siarad:

• ei chynnig digidol, sy'n gweithio i wella iechyd yn y gweithle ac atal salwch o fewn sefydliadau yng Nghymru
• pam dylai cyflogwyr cefnogi gweithwyr gyda chyflyrau hirdymor, fel cyflyrau cyhyrysgerbydol (MSKs).

Dysgu mwy ac archebu eich lle

Gofal Cymdeithasol cymru ac RCS lles ar gyfer gweithio

Mae ein llesiant yn y gwaith yn cynnwys pob rhan o'n bywyd gwaith, gan gynnwys yr amgylchedd rydyn ni’n gweithio ynddo, sut rydyn ni'n teimlo am ein gwaith, y sefydliad a'r bobl rydyn ni'n gweithio gyda.

Mae polisïau gweithle yn disgrifio’r hyn a ddisgwylir gan bawb sy’n gweithio i sefydliad. Maent yn chwarae rhan bwysig wrth gadw pobl yn ddiogel ac yn cael eu cefnogi yn y gwaith.

Mae’r gweithdy hwn yn gyfle gwych i:

• cymerwch amser i feddwl am gynnwys polisïau eich sefydliad
• clywed awgrymiadau a chyngor ar sut i newid eich polisïau i gefnogi llesiant yn eich gweithle yn well
• rhannu syniadau gyda rheolwyr ac arweinwyr tîm eraill ar sut i wneud polisïau yn effeithiol ac ystyrlon
• trafod beth i gynnwys mewn polisi llesiant yn y gwaith
• cael templedi polisi a dolenni i adnoddau a chymorth pellach y gallech eu cynnwys ynddynt.

Dysgu mwy ac archebu eich lle

Rydyn ni’n gwybod fod mwy o bobl yn symud i Gymru i ddarparu gofal a chymorth hanfodol.

Mae gweithwyr sy'n cael eu cefnogi a'u hysgogi yn fwy tebygol o barhau i weithio i chi am gyfnod hirach.

Byddwn yn rhannu canllaw gyda chi sydd ar gael i gefnogi pobl sy’n newydd i fyw a gweithio yng Nghymru.

Bydd y sesiwn hon hefyd yn eich cysylltu â rheolwyr ac arweinwyr tîm eraill i rannu profiadau o sut i groesawu staff newydd a'u setlo yn eu rôl newydd.

Dysgu mwy ac archebu eich lle

Gofal Cymdeithasol Cymru a Cortecs, arbenigwyr iechyd meddwl a llesiant

Mae’r sesiwn hon yn gyflwyniad i raglen iechyd meddwl a llesiant Cortecs ar gyfer timau a rheolwyr.

Yn y sesiwn hon, byddwn yn rhannu rhai technegau sy’n canolbwyntio ar leihau straen a phryder, codi eich hwyliau a gwella eich gwydnwch, eich llesiant a’ch gallu i ymdopi.

Bydd y sesiwn yn rhyngweithiol, a byddwch yn gallu rhannu eich profiadau ac awgrymiadau eich hun os dymunwch.

Dysgu mwy ac archebu eich lle

Mae teimlo cysylltiad, cefnogaeth a’r gallu i fod yn agored ac yn onest yn allweddol i deimlo’n ddiogel yn seicolegol yn y gwaith.

Mae ymchwil yn dweud wrthym fod lefelau uchel o ddiogelwch seicolegol yn rhagweld perfformiad, diogelwch a chanlyniadau da.

Ond a yw hyn bob amser yn bosibl pan fyddwn yn teimlo dan straen ac yn cael llwythi gwaith cynyddol?

Mae’r sesiwn hon yn archwilio sut y gallwn weithio i gynnal diogelwch seicolegol i ni ein hunain, a’r bobl rydym yn gweithio gyda, mewn cyfnodau heriol.

Dysgu mwy ac archebu eich lle

Gofal Cymdeithasol Cymru a Chyngor Bwrdeistref Sirol Wrecsam

Gall rhoi blaenoriaeth i’ch llesiant fel myfyriwr sy’n gweithio fod yn heriol pan fyddwch chi’n ceisio rheoli eich cartref, eich gwaith a’ch astudiaethau.

Yn y sesiwn hon, bydd Tracey Evans, Asesydd a hyfforddwr QCF yng Nghyngor Bwrdeistref Sirol Wrecsam, yn rhannu ei argymhellion ar gyfer cefnogi pobl trwy eu dysgu i ennill cymwysterau, wrth reoli gofynion gwaith a chartref.

Bydd myfyrwyr gwaith cymdeithasol presennol yn ymuno â ni hefyd a fydd yn rhannu eu profiadau a’r hyn sy’n gweithio iddyn nhw.

Mae croeso i chi hefyd ymuno yn y drafodaeth a rhannu eich dulliau o gydbwyso dysgu gyda’r cartref a’r gwaith, neu’r ffyrdd rydych chi’n cefnogi pobl i ddysgu.

Dysgu mwy ac archebu eich lle

Gofal Cymdeithasol Cymru a Canopi

Teimlo'n cefnogi gan ein cydweithwyr yw un o’r pethau pwysicaf sy’n effeithio ar ein llesiant yn y gwaith.

Bydd rhai pobl yn y gwaith yn datblygu perthnasoedd cefnogol - yn enwedig pan fydd gwaith yn heriol. I eraill, nid yw'n digwydd mor hawdd.

Bydd y sesiwn hon yn ystyried rhai camau syml i’ch helpu i greu gweithle lle mae sgyrsiau cefnogol yn normal, yn cael eu hannog ac yn gallu digwydd yn aml.

Dysgu mwy ac archebu eich lle

Mae trefniadau i siarad yn ddiogel yn bwysig iawn yn y gweithle. Mae'n helpu i amddiffyn y gweithlu a'r bobl rydyn ni’n eu cefnogi, yn ogystal â gwneud gofal o ansawdd gwell.

Mae'r diwylliant cywir yn allweddol er mwyn i bobl allu mynegi pryder yn y gwaith ac iddynt deimlo y gwrandewir arnynt a'u bod yn cael eu cefnogi'n briodol drwy'r amser.

Bydd y sesiwn yn ystyried rôl arweinyddiaeth dosturiol i alluogi pobl i siarad yn ddiogel yn y gwaith. Bydd yn cynnwys enghreifftiau o drefniadau siarad yn ddiogel a’r hyn y dylai fod gennych yn ei le.

Dysgu mwy ac archebu eich lle

Sut byddai digwyddiad tyngedfennol yn effeithio ar lesiant eich tîm? A fyddech chi'n gwybod sut i'w cefnogi i wella?

Ym mis Gorffennaf 2021, profodd Cyngor Bwrdeistref Sirol Pen-y-bont ar Ogwr farwolaeth plentyn proffil uchel a arweiniodd at archwiliad sylweddol gan y cyfryngau a phartneriaid rheoleiddio.

Dengys tystiolaeth y gall awdurdodau lleol sy’n mynd trwy drasiedïau fel hyn ddisgwyl gweld lefel ddigynsail o alw am o leiaf ddwy flynedd wedyn.

Yn y sesiwn hon, byddwn yn clywed:

• sut wnaeth yr amseriad y digwyddiad effeithio ar wytnwch a sefydlogrwydd y tîm
• pam a sut y canolbwyntiodd y tîm ar lesiant, recriwtio a chadw er mwyn helpu eu gweithlu i ymateb i’r digwyddiad a delio â’r canlyniadau
• yr hyn a ddysgodd y tîm o'r profiad
• pa effaith a dysgu a ddaeth o'r ffordd hon o weithio.

Dysgu mwy ac archebu eich lle