Ymrwymiad 4: blaenoriaethu diwylliant o ddatblygu a dysgu’n barhaus

Fe all teimlo’n fodlon yn ein gwaith wella ein llesiant. Rydym yn sylweddoli bod gweithio ym maes gofal cymdeithasol, y blynyddoedd cynnar a gofal plant yn swydd sgilgar ac mae ar ein gweithlu angen cael ei gefnogi er mwyn dysgu a thyfu a theimlo’n hyderus ac yn gymwys yn y gwaith a wnânt.

Mae pobl yn dysgu mewn gwahanol ffyrdd. Fe allwn greu amgylcheddau dysgu cadarnhaol lle caiff staff eu meithrin, cael ymdeimlad o bwrpas a pherthyn.

Fel gweithlu cofrestredig, mae’n bwysig ein bod yn cefnogi staff i gael eu hyfforddi a chael cynnig cyfleoedd i barhau â’u datblygiad proffesiynol.

Mae hyn yn cysylltu â’r

• Cod Ymarfer ar gyfer Cyflogwyr Gofal Cymdeithasol, adrannau 1.1 ac 1.2.

Mewn sefydliad, mae hyn yn golygu:

• gweithle sy’n ysbrydoli, lle’r ydym yn dathlu’r hyn rydyn ni’n ei wneud yn dda
• diwylliant o gynllunio ar gyfer datblygu a dysgu’n barhaus
• creu amgylchedd dysgu cadarnhaol, lle gall staff ddysgu oddi wrth ei gilydd
• hyfforddi staff yn ddigonol ac yn briodol i wneud eu gwaith o’r dechrau
• cefnogi staff a rheolwyr pan maent yn newid rolau, gan gynnwys symud i rolau rheoli
• mynediad cyfartal i gyfleoedd dysgu a datblygu priodol
• bod pobl sydd eisiau symud ymlaen yn cael eu cefnogi a’u hyfforddi i wneud hynny.