- Ydy costau byw cynyddol yn effeithio arnoch chi neu'r bobl rydych chi'n gweithio gyda nhw?
- Hoffech chi wybod mwy am gymorth ariannol a chyngor sydd ar gael i chi?
- Ydych chi eisiau deall y datblygiadau diweddaraf ynghylch gwaith teg, cyflog a dilyniant mewn gofal cymdeithasol?
Cynnwys y sesiwn
Dyma sesiwn ar-lein ymarferol am ddim i'ch helpu chi:
- gwneud y gorau o'ch incwm, gan gynnwys ffyrdd y gallech chi wneud incwm eich cartref yn fwy
- gwirio beth mae gennych hawl iddo – sut i wirio eich cymhwysedd i gael budd-daliadau a chymorth ariannol arall
- delio â dyled – fel y gallwch chi ddeall pa gymorth y gallech ei gael os ydych chi'n cael trafferth gyda benthyca neu ad-daliadau
- darganfod ble i gael gymorth ychwanegol, fel grantiau neu gymorth caledi
- clywed ble i gael cymorth diduedd am ddim gan sefydliadau sy'n gallu darparu arweiniad a chyngor cyfrinachol pan fydd ei angen arnoch.
Byddwn hefyd yn rhoi'r wybodaeth ddiweddaraf i chi am gyflog a dilyniant a gwaith y Fforwm Gwaith Teg Gofal Cymdeithasol.
Ar gyfer pwy mae'r sesiwn hon?
Mae'r sesiwn hon ar gyfer:
- unrhyw un sy'n gweithio ym maes gofal cymdeithasol
- cyflogwyr a rheolwyr sydd am gefnogi llesiant ariannol eu gweithlu.