Yng Ngofal Cymdeithasol Cymru, rydyn ni’n gwybod bod y wybodaeth gywir yn allweddol i’ch helpu chi yn eich swydd.
Dyna pam rydyn ni wedi creu’r Grŵp Gwybodaeth, gwasanaeth newydd sy’n agored i unrhyw un sy’n gweithio yng ngofal cymdeithasol neu sydd â diddordeb yn y maes. Un uchelgais sydd gan y grŵp: gwneud gwahaniaeth cadarnhaol i ofal cymdeithasol.
Ein gweledigaeth yw helpu pobl sy’n arwain, datblygu a darparu gofal cymdeithasol i deimlo’n hyderus, i gael eu cefnogi a’u hysbrydoli i ddefnyddio tystiolaeth ac arloesi i wneud gwahaniaeth cadarnhaol i ofal a chymorth yng Nghymru.
Rydyn ni’n canolbwyntio ar dri maes allweddol – ymchwil a data, rhannu a dysgu, ac anogaeth a chyngor. Bydd gwybodaeth am ddigwyddiadau ar gael hefyd, er mwyn eich helpu chi i wybod y diweddaraf am bethau sy’n digwydd yn y maes gofal yng Nghymru a thu hwnt.
Sut gall y Grŵp Gwybodaeth helpu ag ymchwil a data
Trwy fynd i'n gwefan, gallwch chi ddysgu mwy am bynciau sy'n bwysig i ofal cymdeithasol a chwilio am ddata, ymchwil neu dystiolaeth.
Mae ein tîm profiadol yn casglu'r ymchwil a'r data gorau sydd ar gael ac yna'n gwneud synnwyr ohono fel y gallwch chi ddod o hyd i'r wybodaeth sy'n wirioneddol bwysig.
Sut gall y Grŵp Gwybodaeth helpu â rhannu a dysgu
Byddwn ni hefyd yn rhoi gwybodaeth i chi am hyfforddiant, dysgu, a chyfleoedd i gydweithio.
Ein nod ni yw gweithio gyda chi i ddatblygu'r sgiliau a'r hyder sydd eu hangen arnoch chi i roi eich dysgu ar waith.
Rydyn ni hefyd yn eich annog chi i fod yn rhan o'n cymunedau. Mae ymuno â’n digwyddiadau ac ymgysylltu â sgyrsiau yn ein cymunedau yn golygu y gallwch chi rannu eich syniadau, llwyddiannau a heriau, a gwrando ar gyngor a phrofiadau eraill.
Sut gall y Grŵp Gwybodaeth helpu ag anogaeth a chyngor
Rydyn ni'n deall bod angen help a chyngor arnoch chi weithiau i wneud synnwyr o bethau.
Byddwn ni’n eich cefnogi i ddatblygu eich syniadau i wella gofal cymdeithasol, gan amlygu llwyddiannau a chynhyrchu tystiolaeth am effaith arloesi.
Mae gennym ni bobl wrth law i helpu, fel anogwyr, ymchwilwyr, ac arbenigwyr yn y sector.
Felly, os hoffech chi gymorth i ddod o hyd i ymchwil, data neu hyfforddiant, os oes gennych chi her yn y gweithle, neu eisiau rhannu eich gwaith, syniadau neu adnoddau ag eraill, galwch heibio’r Grŵp Gwybodaeth heddiw.
Gyda’n gilydd, gallwn ni wneud gwahaniaeth cadarnhaol i ofal cymdeithasol.