Cymeradwyo logiau cynnydd
Dylai pob adran o’r logiau cynnydd gael eu llofnodi gennych chi a’r person a enwebwyd sydd wedi gwneud y penderfyniad bod pob safon yn y rhaglen sefydlu wedi’i bodloni, a dylid nodi’r dyddiad.
Rhaid i’r person a enwebwyd sy’n gwneud y penderfyniad:
- fod â gwybodaeth weithredol o’r safonau sefydlu y mae’n eu beirniadu
- fod yn gymwys o safbwynt galwedigaethol yn y maes y mae’n ei feirniadu
- fod yn gyfarwydd â’ch ymarfer.
Gallai’r person hwn, er enghraifft, fod yn Unigolyn Cyfrifol, person a enwebwyd, arweinydd datblygu ymarfer neu reolwr arall sy’n goruchwylio eich gwaith.
Cymeradwyo’r dystysgrif cwblhau
Os yw’n bosib, dylai’r dystysgrif cwblhau’n llwyddiannus gael ei chymeradwyo a’i llofnodi gan yr Unigolyn Cyfrifol a gennych chi. Rhaid i’r Unigolyn Cyfrifol allu darparu sicrwydd o broses drylwyr sydd wedi cadarnhau eich bod wedi bodloni safonau’r rhaglen sefydlu. Nid oes angen iddo gymeradwyo a llofnodi tystiolaeth o bob safon yn y logiau cynnydd, ond dylai gymeradwyo a llofnodi’r dystysgrif gwblhau gyffredinol.
Weithiau, nid yw’n bosibl i’r Unigolyn Cyfrifol gymeradwyo a llofnodi bod y Fframwaith Sefydlu wedi’i gwblhau, er enghraifft mewn sefydliadau bach lle mae’r person a enwebwyd hefyd yn rheolwr arnoch.
Mewn achosion o’r fath, dylai’r dystysgrif cwblhau gael ei chymeradwyo a’i llofnodi gan rywun y tu mewn neu y tu allan i’r sefydliad sy’n bodloni’r meini prawf ar gyfer gwneud penderfyniad ynglŷn â safonau’r rhaglen sefydlu.
Dylai’r person a enwebwyd fod yn weithiwr proffesiynol rydych wedi ei adnabod yn broffesiynol tra’n cwblhau’r AWIF, ac ni ddylai fod yn perthyn i chi, nac mewn perthynas bersonol â chi mewn unrhyw ffordd.