Arweinydd neu reolwr lleoliad Dechrau'n Deg fydd y “person mewn gofal” ac yn rheoli'r lleoliad yn uniongyrchol fel arfer. Gallant hefyd fod yr Unigolyn Cyfrifol.
Ar gyfer gofynion cymwysterau, mae gwarchodwr plant sy'n gweithio gyda chynorthwyydd(wyr) gwarchod plant yn y lleoliad yn cael ei ddiffinio fel Arweinydd Dechrau'n Deg. Mae gwarchodwr plant nad yw’n gweithio gyda chynorthwyydd(wyr) yn Ymarferydd Dechrau’n Deg.
Diweddariad olaf: 27 Tachwedd 2024
Ac yn olynol a chanllawiau Llywodraeth Cymru disgwylir i arweinwyr Dechrau'n Deg gwblhau neu fod yn gweithio tuag at y cymhwyster ymarfer ar gyfer y rôl:
Bydd y graddau canlynol hefyd yn cael eu derbyn ar gyfer rôl Rheolwr Dechrau'n Deg, ar yr amod bod Rhan B o Fframwaith Sefydlu Cymru Gyfan ar gyfer rheolwyr blynyddoedd cynnar yn cael ei gwblhau o fewn y 12 mis cyntaf o ddechrau'r rôl newydd:
Dim ond os yw unigolion wedi graddio ar ôl y dyddiad cwblhau a nodir y cydnabyddir y graddau uchod.
Mae prifysgolion wedi diweddaru eu modiwlau cwrs a chynnwys i alinio â meini prawf Lefel 4 Paratoi ar gyfer Arweinyddiaeth a Rheolaeth, sy’n ofynnol ar gyfer rôl Rheolwr Dechrau’n Deg.
Rhaid i raddedigion wedyn ddangos eu sgiliau Arwain a Rheoli Lefel 5 trwy gwblhau logiau cynnydd sgiliau cymhwysedd Fframwaith Sefydlu Cymru Gyfan ar gyfer Rheolwyr y Blynyddoedd Cynnar a Gofal Plant o fewn y flwyddyn gyntaf o ddechrau eu rôl reoli, sydd hefyd yn ofynnol ar gyfer rôl Rheolwr Dechrau’n Deg.
