Arolwg Dweud Eich Dweud

Rydyn ni'n lansio ein harolwg Dweud Eich Dweud diweddaraf o'r gweithlu ym mis Ionawr 2025.

Yn union fel rydyn ni wedi gwneud o'r blaen, byddwn ni'n gofyn i chi ateb cwestiynau am bethau fel eich iechyd a'ch llesiant, cyflog ac amodau, a beth rydych chi'n ei hoffi am weithio yn y sector.

Rydyn ni am i gymaint o bobl â phosibl gwblhau’r arolwg byr, ar draws ystod eang o rolau gofal cymdeithasol.

Bydd yr arolwg ar-lein am chwe wythnos. Os ydych chi'n weithiwr gofal cymdeithasol cofrestredig, byddwn ni mewn cysylltiad â mwy o wybodaeth am sut i gymryd rhan pan fydd yn mynd yn fyw ym mis Ionawr. Byddwch chi hefyd yn gallu cael mynediad at yr arolwg o'r dudalen hon.

Os nad ydych chi ar ein Cofrestr, cadwch lygad ar ein gwefan a chyfrifon cyfryngau cymdeithasol am ragor o wybodaeth.

Bydd rhoi gwybod beth rydych chi’n ei feddwl yn helpu i siapio’r cymorth rydyn ni a’n partneriaid yn ei gynnig, felly peidiwch â cholli’ch cyfle i ddweud eich dweud.

Bydd pawb sy'n cwblhau'r arolwg yn cael cyfle i gymryd rhan mewn raffl i ennill taleb siopa gwerth £20.

Bydd Buckinghamshire New University, Bath Spa University a Chymdeithas Brydeinig y Gweithwyr Cymdeithasol (BASW) yn gweithio gyda ni i gynnal yr ymchwil hwn.

Bydd eich holl atebion yn ddienw a byddwn ni’n rhannu'r canfyddiadau ar ein gwefan ar ôl dadansoddi'r canlyniadau.

Rydyn ni hefyd wedi defnyddio'r canfyddiadau i greu gyfres cipolwg sy'n crynhoi ac yn amlygu gwybodaeth allweddol am y gweithlu gofal cymdeithasol yng Nghymru.

Ewch i'n gwefan Grŵp Gwybodaeth i ddarganfod mwy am y canlynol:

• gwella telerau ac amodau ar gyfer y gweithlu gofal cymdeithasol yng Nghymru
• gwerthfawrogi gwaith gofal cymdeithasol yng Nghymru.

Efallai byddwch chi'n dod o hyd i'r wybodaeth rydych chi'n chwilio am yn ein cwestiynau cyffredin.

Os oes gennych chi unrhyw gwestiynau pellach, e-bostiwch SCWsurvey@bathspa.ac.uk.