Arolwg Dweud Eich Dweud

Yr arolwg blynyddol hwn yw eich cyfle i rannu eich profiad o weithio ym maes gofal cymdeithasol gyda ni.

Yn union fel rydyn ni wedi gwneud yn y gorffennol, rydyn ni'n gofyn i chi ateb cwestiynau am bethau fel eich iechyd a'ch llesiant, cyflog ac amodau, a sut rydych chi’n teimlo am weithio yn y sector.

Rydyn ni am i gymaint o bobl â phosibl gwblhau’r arolwg byr, ar draws ystod eang o rolau gofal cymdeithasol.

Bydd yr arolwg yn cau ar 4 Mawrth.

Bydd rhoi gwybod beth rydych chi’n ei feddwl yn helpu i siapio’r cymorth rydyn ni a’n partneriaid yn ei gynnig, felly peidiwch â cholli’ch cyfle i ddweud eich dweud.

Bydd gan pawb sy'n cwblhau'r arolwg cyfle i gymryd rhan mewn raffl i ennill taleb siopa gwerth £50.

Rydyn ni wedi comisiynu tîm o ymchwilwyr annibynnol yng Nghanolfan Ymchwil Gofal Cymdeithasol i Oedolion a Pharc Ymchwil y Gwyddorau Cymdeithasol Prifysgol Caerdydd i wneud y gwaith hwn.

Mae Pwyllgor Moeseg Ymchwil Ysgol Gwyddorau Prifysgol Caerdydd wedi rhoi cymeradwyaeth foesegol i’r gwaith hwn.

Bydd eich holl atebion yn ddienw a byddwn ni’n rhannu'r canfyddiadau ar ein gwefan ar ôl dadansoddi'r canlyniadau.

Rydyn ni wedi datblygu ystod o adnoddau i'ch cefnogi chi i hyrwyddo'r arolwg yn eich gweithle.

Bydden ni'n gwerthfawrogi'n fawr eich help i ledaenu'r gair am yr arolwg.

Rydyn ni wedi rhannu canlyniadau ein harolwg 2025 yn ddiweddar, a ddangosodd fod lles wedi gwella ond bod pryder yn parhau’n uchel.

Os hoffech wybod mwy am ein harolygon blaenorol, gallwch edrych yn ôl ar y canfyddiadau drwy glicio ar y dolenni canlynol.

Rydyn ni hefyd wedi defnyddio'r canfyddiadau i greu gyfres cipolwg sy'n crynhoi ac yn amlygu gwybodaeth allweddol am y gweithlu gofal cymdeithasol yng Nghymru.

Ewch i'n gwefan Grŵp Gwybodaeth i ddarganfod mwy am y canlynol:

• gwella telerau ac amodau ar gyfer y gweithlu gofal cymdeithasol yng Nghymru
• cefnogi llesiant y gweithlu gofal cymdeithasol yng Nghymru.

Efallai byddwch chi'n dod o hyd i'r wybodaeth rydych chi'n chwilio am yn ein cwestiynau cyffredin.

Os oes gennych chi unrhyw gwestiynau pellach, e-bostiwch HYSsurvey@cardiff.ac.uk.