Cwestiynau cyffredin - Arolwg Dweud Eich Dweud

Rydyn ni’n cynnal yr arolwg hwn er mwyn monitro tueddiadau o ran beth mae pobl yn ei feddwl am weithio ym maes gofal cymdeithasol.

Bydd y canfyddiadau'n helpu i lunio'r cymorth rydyn ni a'n partneriaid yn ei gynnig, yn ogystal â thynnu sylw at faterion pwysig i Lywodraeth Cymru.

Rydyn ni'n gofyn cwestiynau am bethau fel eich iechyd, eich llesiant, eich cyflog a'ch amodau.

Rydyn ni eisiau darganfod mwy am beth mae pobl yn ei hoffi am weithio ym maes gofal cymdeithasol yng Nghymru, a lle mae angen mwy o gefnogaeth.

Mae’r arolwg yn cael ei gynnal gan dîm annibynnol o ymchwilwyr yng Nghanolfan Ymchwil Gofal Cymdeithasol i Oedolion a Pharc Ymchwil y Gwyddorau Cymdeithasol Prifysgol Caerdydd.

Rydyn ni am i bobl o bob oedran, cefndir a rôl gofal cymdeithasol gymryd rhan yn yr arolwg hwn.

Bydd eich barn yn bwysig i roi darlun sy’n wir gynrychioli sut brofiad yw gweithio ym maes gofal cymdeithasol yng Nghymru heddiw.

Bydd dweud wrthym ni beth rydych chi'n ei feddwl yn helpu i lunio'r gefnogaeth rydyn ni a'n partneriaid yn ei gynnig.

Bydd eich atebion yn cael eu defnyddio ar gyfer ymchwil sy’n helpu gofal cymdeithasol ac i gynhyrchu ystadegau am y gweithlu. Ni fyddan nhw'n cael eu defnyddio i’ch adnabod chi.

• Mae’r arolwg hwn yn ddienw ac yn wirfoddol.
• Nid oes angen i chi roi’ch enw na dim o’ch manylion personol.
• Gallwch hepgor cwestiynau nad ydych am eu hateb.
• Mae eich ymatebion personol yn gyfrinachol – ni fyddan nhw byth yn cael eu rhannu ag unrhyw gyflogwyr, asiantaethau, na asiantaethau fel mewnfudo, nawdd cymdeithasol neu awdurdodau treth.

Os byddwch yn dewis darparu’ch cyfeiriad e-bost ar ddiwedd yr arolwg i gymryd rhan yn y raffl, bydd y manylion hyn yn cael eu storio ar wahân i’ch atebion arolwg.

Gallwch hefyd ddewis rhannu eich data personol ar gyfer dibenion ymchwil data cysylltiedig ar ddiwedd yr arolwg. Bydd hyn yn galluogi Iechyd a Gofal Digidol Cymru (DHCW) i roi cod dienw unigryw i’ch ymatebion i’r arolwg Dweud Eich Dweud. Unwaith i'r cod cael ei neilltuo, bydd eich manylion personol yn cael eu tynnu o’ch ymatebion.

Gallai eich data wedyn fod ar gael ar gyfer ymchwil data cysylltiedig o fewn cronfa ddata SAIL ym Mhrifysgol Abertawe. Mae hyn yn golygu y byddai ymchwilwyr cymeradwy’n gallu cysylltu’ch ymatebion dienw i’r arolwg Dweud Eich Dweud ag unrhyw ddata dienw arall sydd ganddyn nhw amdanoch, fel data sy’n ymwneud â’ch iechyd, tai neu incwm. Bydd cysylltu data yn y modd hwn yn helpu ymchwilwyr i ddeall anghenion y gweithlu gofal cymdeithasol yn fanylach.

Mae rhannu’ch manylion personol ar gyfer y gystadleuaeth neu ar gyfer ymchwil data cysylltiedig yn ddewisol. Nid oes rhaid i chi ddarparu unrhyw wybodaeth bersonol.

Mae Pwyllgor Moeseg Ymchwil Ysgol y Gwyddorau ym Mhrifysgol Caerdydd wedi rhoi cymeradwyaeth foesegol i’r prosiect.

Bydd y data sy'n cael ei casglu yn cael ei cadw’n ddiogel mewn ffolder wedi’i hamgryptio. Bydd data dienw yn cael ei roi i ni a’i storio yn ein porth data ac Archif Data y DU pan fydd y gwaith wedi’i gwblhau.

Mae’r astudiaeth yn cydymffurfio â’r Rheoliad Cyffredinol ar Ddiogelu Data (GDPR). Gofal Cymdeithasol Cymru yw’r rheolydd data, a Phrifysgol Caerdydd yw’r prosesydd data.

Bydd yr adroddiad terfynol yn cael ei gyhoeddi ar ein gwefan. Ni fydd hyn yn cynnwys eich enw na’ch manylion cyswllt, ac ni fydd unrhyw unigolyn yn adnabyddadwy.

Nac oes – mae cymryd rhan yn yr arolwg yn gwbl wirfoddol.

Ond bydden ni'n eich annog i ateb cymaint o'r cwestiynau ag yr ydych yn teimlo'n gyfforddus â nhw.

Y mwyaf cyflawn yw'r wybodaeth rydyn ni’n ei gasglu, y mwyaf defnyddiol yw hi pan fydd y canlyniadau’n cael eu dadansoddi a phan fyddwn ni’n ymateb i'r canfyddiadau.

Rydyn ni wedi cyhoeddi canlyniadau arolwg 2025 yn ddiweddar, a ddangosodd fod llesiant gweithwyr gofal cymdeithasol wedi gwella, ond bod pryder yn parhau’n uchel.

Rydyn ni hefyd wedi defnyddio canfyddiadau’r arolygon blaenorol i greu briffiau sy’n crynhoi ac yn tynnu sylw at wybodaeth allweddol am y gweithlu gofal cymdeithasol yng Nghymru.

Ewch i’n gwefan Grŵp Gwybodaeth i gael gwybod mwy am wella telerau ac amodau ar gyfer y gweithlu gofal cymdeithasol yng Nghymru, a chefnogi llesiant gweithwyr gofal cymdeithasol yng Nghymru.