Rydyn ni’n adolygu'r Safonau Galwedigaethol Cenedlaethol (NOS) ar gyfer Iechyd a Gofal Cymdeithasol a Gofal Plant, Dysgu a Datblygiad Plant, a hoffen ni dderbyn eich adborth am ein newidiadau arfaethedig.
Mae'r NOS yn set o ddatganiadau sy'n disgrifio'r hyn a ddisgwylir gan rywun sy'n gweithio mewn gofal cymdeithasol neu’r blynyddoedd cynnar a gofal plant. Maen nhw’n cael eu defnyddio ledled y DU.
Maen nhw’n disgrifio'r wybodaeth, y sgiliau a'r ddealltwriaeth sydd eu hangen i wneud gwaith penodol i lefel gymhwysedd a gydnabyddir yn genedlaethol. Mae'n bwysig bod y safonau hyn yn gyfredol ac yn berthnasol i’r sgiliau a'r wybodaeth sydd eu hangen mewn gwahanol rolau.
Fel rhan o'n hadolygiad, rydyn ni wedi
- symleiddio'r iaith a gwneud yn siŵr ei fod yn adlewyrchu'r arfer cyfredol
- wedi cyfuno gwahanol NOS i gael gwared ar ddyblygu, lle bo hynny’n briodol
- nodi a delio â bylchau yn y cynnwys.
Rhannwch eich adborth
Hoffen ni wybod beth ydych chi'n ei feddwl am ein newidiadau arfaethedig.
Rydyn ni wedi creu pedair dogfen NOS enghreifftiol i chi adolygu a rhannu eich adborth.
Gallwch chi gymryd rhan yn yr ymgynghoriad ar-lein ac mae'n cymryd tua 15 munud i'w gwblhau.
Trwy gymryd rhan yn yr ymgynghoriad hwn gallwch chi helpu i sicrhau bod y NOS yn addas i'r diben ac yn adlewyrchu'r arfer cyfredol.
Mae'r ymgynghoriad ar agor rhwng 4 Awst a 19 Medi.
