Gŵyl dysgu gydol oes i’r blynyddoedd cynnar a gofal plant  2024

Rydyn ni’n cynnal dau ddigwyddiad :

Dydd Iau, 21 Tachwedd – Sesiwn gyda’r hwyr (cynhelir dros Zoom), 6pm i 8pm

Yn y sesiwn gyda’r hwyr:

• fydd gweithwyr o Gyngor Sir Casnewydd yn siarad am sut mae gofal plant yn cyfrannu at y dechreuad gorau mewn bywyd.
• fydd staff o Brifysgol Cymru y Drindod Dewi Sant yn archwilio sut mae chwarae creadigol yn bwysig mewn addysg a gofal blynyddoedd cynnar.

Dydd Iau, 28 Tachwedd – Cynhadledd cenedlaethol y blynyddoedd cynnar a gofal plant, Gwesty’r Angel, Caerdydd, 9am i 3pm

Bydd cofrestru'n agor am 9am a byddwn yn cynnig lluniaeth brecwast. Mae’r gynhadledd yn cychwyn am 10am.

Byddwn yn clywed gan siaradwyr am sut mae nhw’n cefnogi ac yn darparu ymwybyddiaeth o’r iaith Gymraeg o fewn lleoliadau Saesneg, a sut maen nhw’n cefnogi plant sydd ag anghenion ychwanegol, ac ystod o bynciau eraill.

Bydd hefyd ardal arddangos, ble gallwch gwrdd â sefydliadau gwahanol o’r sector.

Mae’r digwyddiadau yn agored i unrhyw un sydd â diddordeb ym maes blynyddoedd cynnar a gofal plant, gan gynnwys:

• ymarferwyr

• rheolwyr

• myfyrwyr

• aseswyr ac athrawon.

Mae cofrestru ar gyfer y gynhadledd wedi cau. Gallwch weld manylion y gynhadledd yma.

Wrth gofrestru am naill un o ddigwyddiadau’r ŵyl, byddwch hefyd yn derbyn e-bost dyddiol yn llawn adnoddau defnyddiol sy'n ymdrin â'r themau canlynol:

• cydraddoldeb, amrywiaeth a chynhwysiant
• datblygu proffesiynol a rheoli
• dysgu a chwarae
• hawliau a llesiant.

Emma Levy, Dirprwy reolwr tîm blynyddoedd cynnar, Cyngor Dinas Casnewydd

Mae tîm Cyngor Dinas Casnewydd yn canolbwyntio ar roi'r teulu yn ganolbwynt eu gwaithdrwy ffocysuar gryfderau a'u hadnoddau, tra’n sicrhau bod partneriaid allweddol hefyd ar gael i gefnogi llwyddiant a thwf y teulu.

Mae gofal plant o safon yn helpu plant i ddatblygu sgiliau a galluoedd, megis sut i gymdeithasu a'r gallu i fedru chwarae a chanolbwyntio. Mae'r rhain yn hanfodol, nid yn unig i alluogi plentyn i ddysgu, ond hefyd i gymryd rhan yn effeithiol mewn grwpiau, boed yn yr ystafell ddosbarth, yn y gwaith neu yn y gymdeithas.

Mae cefnogaeth blynyddoedd cynnar yn canolbwyntio ar ddatblygiad cyfannol anghenion cymdeithasol, emosiynol, gwybyddol a chorfforol plant i gefnogi llesiant a dysgu gydol oes. Un o’r prif amcanion y dull hwn yw sicrhau bod cymaint o blant â phosibl yn cael mynediad at ddarpariaeth o ansawdd uchel yng Nghasnewydd. Mae'r dull hwn yn helpu i ddarparu Dechrau'n Deg mewn bywyd i bob plentyn a theulu yn ardaloedd Dechrau'n Deg, gyda chefnogaeth ymarferwyr iechyd, lleferydd ac iaith, rhianta cadarnhaol, a chymorth cynnar.

Glenda Tinney, Uwch ddarlithydd a thiwtor derbyn, Prifysgol Cymru y Drindod Dewi Sant

Mae Glenda Tinney yn Uwch Ddarlithydd a Thiwtor Derbyn yn Prifysgol Cymru y Drindod Dewi Sant. Mae hi’n arbenigo mewn chwarae tu allan, ymgysylltu â natur ac arfer cynaliadwy, yn ogystal â hybu chwilfrydedd, mathemateg a gwyddoniaeth yn y blynyddoedd cynnar.

Mae Glenda yn cynnal sesiynau ymarferol tu allan a gweithdai chwarae, ac mae hi’n annog addysgeg sy'n ymgysylltu gwaith ymarferol gyda damcaniaeth ac ymchwil. Mae Glenda yn mwynhau gwirddfoddoli mewn ysgol goedwig.

Natasha Jones, Darlithydd i dîm blynyddoedd cynnar, Prifysgol Cymru y Drindod Dewi Sant

Mae Natasha Jones yn ddarlithydd i dîm blynyddoedd cynnar Prifysgol Cymru y Drindod Dewi Sant. Yn ei rolau blaenorol mae Natasha wedi mwynhau gweithio gyda phlant oherwydd eu nodweddion sy’n gwneud y gwaith yn gyffrous ac yn heriol. Mae'r ddealltwriaeth o ymarfer yn caniatáu iddi gymryd rhan mewn sgyrsiau go iawn gyda myfyrwyr.

Yn ei rôl bresennol fel darlithydd, mae Natasha yn canolbwyntio ar geu awyrgylch gefnogol i fyfyrwyr, i’w arfogi gyda'r wybodaeth a’r sgiliau sydd eu hangen i lwyddo’n academaidd ac mewn bywyd. Mae’n angerddol am ddysgu, a dyma sy'n ei hannog i ysbrydoli a grymuso myfyrwyr i gyrraedd eu potensial.

Dros y blynyddoedd, mae Natasha wedi cynnal sawl gweithdy chwarae ac mae’n edrych ymlaen i rannu syniadau gyda chi.