Rydyn ni wedi datblygu Ein cynllun gweithredu carbon sero net 2030 i’n helpu i leihau ôl troed carbon ein gweithgareddau a nodi sut gallwn ni gefnogi Llywodraeth Cymru i wireddu ei ‘Trywydd datgarboneiddio gofal cymdeithasol tuag at sero net erbyn 2030’.
Mae’r cynllun yn amlinellu sut byddwn ni’n:
- datgarboneiddio neu’n lleihau ôl troed carbon ein gweithgareddau a sut byddwn ni’n cyfrifo ein hôl troed carbon i’n helpu i fonitro ein cynnydd tuag at sero net
- cydweithio â sefydliadau eraill, yn dylanwadu arnynt ac yn eu cefnogi i’w helpu i feddwl am sut gallant ddatgarboneiddio neu leihau ôl troed carbon eu gweithgareddau
- addysgu ac yn dylanwadu ar ymddygiad ein staff a’r sector gofal cymdeithasol ehangach trwy feddwl am ddatgarboneiddio ar bob cam wrth gynllunio a darparu ein gwasanaethau, a thrwy hyrwyddo arferion datgarboneiddio da ac arloesol.
Mae gan ein cynllun gweithredu saith thema:
- strategaeth
- polisi
- caffael
- rheoli ein cyfleusterau
- gwybodaeth
- cydweithio a mentrau i gefnogi’r sector gofal cymdeithasol
- ymddygiadau personol.