Grŵp 3: arweinwyr a chomisiynwyr

Gall arweinwyr mewn gofal cymdeithasol ddefnyddio dulliau seiliedig ar gryfderau i wella, mesur a monitro ansawdd ymarfer yn eu sefydliad.

Mae'r grŵp hwn yn cynnwys pobl sy’n:

• cynllunio, prynu neu wella gwasanaethau
• arwain eraill
• gweithio ar bolisïau
• rheoli contractau
• goruchwylio ansawdd ar lefel sefydliadol.

Gallan nhw fod yn:

• gyfarwyddwyr a chyfarwyddwyr gwasanaeth
• arweinwyr y gweithlu
• reolwyr comisiynu
• Unigolion Cyfrifol.

Nid oes angen i arweinwyr fod yn arbenigwyr mewn ymarfer sy'n seiliedig ar gryfderau i ddechrau gweithio gyda chryfderau. Ond, gall fod yn ddefnyddiol i bobl yn y grŵp hwn i:

• ddeall deddfwriaeth berthnasol, gan gynnwys Deddf Gwasanaethau Cymdeithasol a Llesiant (Cymru) 2014 a sut mae'n hyrwyddo llais, dewis a rheolaeth pobl
• deall egwyddorion allweddol ymarfer sy'n seiliedig ar gryfderau a pham rydyn ni’n eu defnyddio
• deall sut mae ymarfer seiliedig ar gryfderau yn cefnogi newid diwylliant mewn sefydliadau
• gwybod sut y gall prosesau helpu eu sefydliadau i weithio mewn ffordd sy'n seiliedig ar gryfderau
• ddeall y polisïau a'r canllawiau sy'n cefnogi arferion sy'n seiliedig ar gryfderau yn eu sefydliad
• cydnabod y pethau yn eu sefydliad sy'n ei gwneud hi'n anodd gweithio mewn ffordd sy'n seiliedig ar gryfderau, a sut i weithio gydag eraill i oresgyn y rhain.

Gall arweinwyr mewn gofal cymdeithasol gefnogi diwylliannau sy'n seiliedig ar gryfderau trwy:

• modelu dulliau sy'n seiliedig ar gryfderau a dulliau tosturiol o weithio
• cael sgyrsiau am 'beth sy'n bwysig' gyda'u cydweithwyr
• meithrin perthnasoedd cryf, dibynadwy a pharchus drwy:
  • ymgysylltu'n amyneddgar â'r person ar ei lefel
  • canolbwyntio ar yr hyn sy'n bwysig
  • bod yn sensitif i’w hangenhion a’u profiadau bywyd
  • darganfod posibiliadau gyda'r person hwnnw (a elwir hefyd yn 'evoking')
  • cynllunio gyda 'r person yn hytrach nag i'r person.
• cael sgyrsiau anodd mewn ffordd dosturiol
• sicrhau bod polisïau a gweithdrefnau yn cyd-fynd â, ac yn annog, arferion sy'n seiliedig ar gryfderau
• datblygu systemau a phrosesau o ansawdd sy'n hyrwyddo arferion sy'n seiliedig ar gryfderau.
• gweithio gydag eraill i greu gweledigaeth ar y cyd o'r ffordd y bydd gwasanaethau'n gweithio
• monitro ansawdd y sefydliad yn unol ag arferion sy'n seiliedig ar gryfderau
• gwrando – ac eirioli dros – pobl eraill sy'n gweithio mewn ffordd sy'n seiliedig ar gryfderau
• eirioli dros a modelu’r ffordd hon o weithio gyda phartneriaid a sefydliadau eraill.

Os ydych chi’n bwriadu datblygu dulliau sy’n seiliedig ar gryfderau ar draws eich sefydliad, gallwch ddechrau drwy gydnabod nad oes angen i chi fod yn arbenigwr yn y dull hwn o arwain.

Gallwn ni eich cefnogi chi a'ch sefydliad i ddechrau gweithio gyda chryfderau, a'ch helpu i gyflawni canlyniadau i'ch staff a'r bobl rydych chi'n eu cefnogi.

Am fwy o wybodaeth, e-bostiwch cryfderau@gofalcymdeithasol.cymru