Rydyn ni wedi partneru gydag Ymchwil Data Gweinyddol (YDG) Cymru i arwain ar y thema gofal cymdeithasol yn rhaglen waith YDG Cymru.
Mae YDG Cymru yn rhan o fuddsoddiad Administrative Data Research (ADR) UK. Mae ADR UK yn dod â data ac ymchwilwyr cymeradwy ynghyd i alluogi ymchwil gall lywio penderfyniadau polisi a gwasanaethau cyhoeddus mwy effeithiol. Yng Nghymru, mae YDG Cymru yn cynnwys arbenigwyr gwyddor data, academyddion blaenllaw o Brifysgol Abertawe a Phrifysgol Caerdydd a thimau arbenigol o fewn Llywodraeth Cymru. Gyda’i gilydd maen nhw’n cynhyrchu tystiolaeth sy’n cael ei gyrru gan ddata gall helpu i lywio penderfyniadau polisi yn y dyfodol yng Nghymru.
Mae ‘data gweinyddol’ yn cyfeirio at wybodaeth sy’n cael ei chasglu pan fyddwn ni’n rhyngweithio â gwasanaethau cyhoeddus. Mae’n gallu cael ei ddad-adnabod, sy'n golygu bod dim modd adnabod unigolion trwy ddefnyddio'r data cysylltiedig hwn. Pan fyddwn ni’n cysylltu data mae'n darparu gwybodaeth bwysig a mewnwelediadau pwerus i'n cymdeithas, gan ein helpu i weld lle mae angen newid.