Cynhadledd cenedlaethol Gweithiwyr Proffesiynol Iechyd Meddwl Cymeradwy (AMHP)

9.15am: Cofrestru

9.45am: Croeso a threfniadau’r diwrnod

Jim Widdett, Rheolwr Gwella a Datblygu, Gofal Cymdeithasol Cymru

10am: Safbwynt Ymarferydd

Bydd Rebecca Horton yn rhannu ei phrofiadau a’i barn hi am ei gwaith fel ymarferydd AMHP. Bydd hi’n siarad am yr heriau sy’n ei hwynebu yn y gwaith a'r materion sy’n effeithio ar yr ymarfer ar hyn o bryd.

Mae Rebecca yn AMHP profiadol sydd wedi profi pob math o wahanol sefyllfaoedd yn ystod ei gyrfa. Bydd y profiadau personol a phroffesiynol hyn yn taro tant gyda'r gymuned AMHP.

Bydd hi’n rhoi darlun gonest o waith AMHP yn 2025 ac yn trafod yr heriau sy’n wynebu'r maes gyda thosturi ac mewn ysbryd da. Cynhelir sesiwn holi ac ateb ar ddiwedd sesiwn Rebecca.

11am: Egwyl

11.15am: Profiadau meddyg Adran 12 o asesiadau'r Ddeddf Iechyd Meddwl

Bydd Dr Alan Woodall yn rhannu ei brofiadau yn y rôl Adran 12 o safbwynt holistaidd gan gydnabod a chefnogi’r heriau sy’n wynebu AMHPs. Bydd y sesiwn yn:

• tynnu sylw at ymarfer iechyd meddwl o safbwynt Adran 12
• trafod y rhwystrau sy’n codi’n aml yn asesiadau'r Ddeddf Iechyd Meddwl
• trafod rhwystrau sefydliadol y mae angen eu goresgyn o bryd i'w gilydd.

Bydd cyflwyniad Alan yn rhyngweithiol ac yn rhoi sylw i safbwyntiau’r unigolion sydd yn dioddef fwyaf o ganlyniad i'r argyfwng ymyriadau gofal. Cynhelir sesiwn holi ac ateb ar ddiwedd sesiwn Alan.

12.30pm: Cinio a chyfle i rwydweithio gyda chynrychiolwyr a siaradwyr gwadd i drafod unrhyw bwyntiau neu faterion a godwyd yn ystod y sesiynau.

1.15pm: Plismona, partneriaethau a chanlyniadau'r crwner mewn gwasanaethau iechyd meddwl: y cyd-destun cenedlaethol

Bydd Michael Brown yn sôn am y prif faterion ym maes plismona a phartneriaethau iechyd meddwl, gan gynnwys dysgu gan ymholiadau ac adroddiadau crwneriaid ar atal marwolaethau yn y dyfodol. Bydd y sesiwn yn trafod y dull ‘Gofal Cywir, Person Cywir’, atal trais a rheoli risgiau.

2.45pm: Egwyl

3pm: Bydd Michael Brown yn arwain sesiwn rhyngweithiol a bydd cyfle i gymryd rhan a rhannu eich syniadau a’ch profiadau.

4pm: Crynhoi a chloi'r gynhadledd

Jim Widdett, Rheolwr Gwella a Datblygu, Gofal Cymdeithasol Cymru

Noder: bydd y ddau gynhadledd yn dilyn yr un rhaglen.

Rebecca Horton, Gweithiwr Proffesiynol Iechyd Meddwl Cymeradwy (AMHP)

Cymhwysodd Rebecca fel gweithiwr cymdeithasol yn 1999. Daeth yn Weithiwr Cymdeithasol Cymeradwy (ASW) yn 2003 ac mae wedi parhau i ymarfer fel AMHP ers hynny. Mae Rebecca wedi gweithio'n bennaf mewn gwasanaethau iechyd meddwl, timau iechyd meddwl cymunedol, a thimau triniaeth yn y cartref i ddatrys argyfwng, ond mae hi hefyd wedi gweithio mewn tîm dyletswydd argyfwng fel aelod sesiynol.

Mae Rebecca wedi bod yn uwch ymarferydd â chyfrifoldebau rheoli ac fe'i penodwyd yn ddiweddar yn rheolwr tîm ac yn arweinydd AMHP. Mae hi'n briod ac yn fam i ddau o bobl ifanc yn eu harddegau, ac mae hi wedi ymdopi â bywyd teuluol gan aros ar y rota AMHP.

Mae Rebecca wedi gweithio mewn ardaloedd gwledig a threfol ac mae'n deall y tebygrwydd a'r gwahaniaethau rhyngddyn nhw.

Dr Alan Woodall, MBChB (Anrh), MPH, PhD, Dip Ther, MRCGP (Rhagoriaeth)

Yn wahanol i'r rhan fwyaf o feddygon, nid oedd Alan erioed eisiau bod yn un. Ac yntau wedi'i fagu’n blentyn i chwarelwr yn Swydd Durham yn ystod streic 1984 i 1985, roedd yn disgwyl mai mynd i weithio yn y pwll glo neu ymuno â'r fyddin yn 15 oed fyddai ei hanes.

Mae Alan yn feddyg teulu profiadol ac mae wedi cymhwyso ers bron i 25 mlynedd. Mae'n feddyg teulu sy’n arweinydd clinigol gofal integredig ar gyfer ei sefydliad GIG. Mae'n darparu arbenigedd ynghylch rheoli cleifion sydd â salwch corfforol a meddyliol cyd-glefydol difrifol nad ydynt yn cyrraedd eu meddygon teulu. Ef hefyd yw’r clinigydd arweiniol Adran 12 ac mae'n gwasanaethu ar y rota seiciatreg gyntaf, a’r ail, ar gyfer asesiadau'r Ddeddf Iechyd Meddwl. Mae Alan yn awyddus i sicrhau gwell gwaith tîm a chanlyniadau yng nghyswllt asesiadau'r Ddeddf Iechyd Meddwl i gleifion yng Nghymru.

Mae Alan yn Athro Anrhydeddus ac yn Uwch Ddarlithydd Clinigol mewn dwy brifysgol. Mae wedi cael £3m mewn grantiau ymchwil i archwilio niwed meddyginiaethol yn sgil cyffuriau gwrthseicotig mewn cleifion ag amlforbidrwydd, ac mae ganddo dros 40 o gyhoeddiadau. Mae Alan hefyd yn uwch ymchwilydd i farwolaethau mewn carchardai ar gyfer rheoleiddiwr gofal iechyd Cymru.

Michael Brown

Mae Michael yn ymchwilydd PhD ym Mhrifysgol Birmingham, sy'n ymchwilio i farwolaethau cysylltiedig ag iechyd meddwl ar ôl cyswllt â'r heddlu. Bu'n swyddog heddlu am 27 mlynedd, yn arbenigo mewn iechyd meddwl.

Ef oedd Cydlynydd Iechyd Meddwl Cenedlaethol y Coleg Plismona. Ysgrifennodd ganllawiau cenedlaethol ar gyfer y gwasanaeth ac roedd yn rhan o'r Adolygiad o'r Ddeddf Iechyd Meddwl.

Mae Michael wedi bod yn dyst arbenigol mewn nifer o gwestau uchel eu proffil yn y DU ac Awstralia, gan gynnwys digwyddiadau yn ymwneud ag ataliaeth a saethu angheuol gan yr heddlu. Mae hefyd wedi rhoi tystiolaeth mewn ymchwiliadau cenedlaethol mawr fel adolygiadau Adebowale ac Angiolini. Ef yw'r unig heddwas i gael Medal y Llywydd gan Goleg Brenhinol y Seiciatryddion.